2 Korinti 8
8
Makedoniya Doku Tau Tau Magu Eŋano Qom Ewek Zok Pake
1Kimakop, Makedoniya kepeo doku tau tau magu eŋano Kaisale wane moriyan wakonge, eya wane ŋidanŋem detpi. 2Eŋe ŋetne ŋetne kotino ge more mazuwaŋ okane ket qeqine gemami, ŋo siluŋ Kisi Maep wane oi bakom zok kakapa ebonmaikane wet pesek wane wesi natne matuzupkekoi. 3Na eŋane detlukmaile, eŋe enŋene wetenane eweke more zonomenane rokop motkoi, so rokop eya yuwanka more qewa motkoi. 4Ŋedomi ra onŋem, eŋe edom tale ŋone more Kisi Maep ŋei eŋane wet pesek wane kine kine maratka more qesiŋ ŋongei wane rakoi. 5Pakiso, kine kine ewekine okanikei raŋem mo eŋe iwa yale okangoi, eŋe lewine kotoene Waom sunka mangoi, pakiso ŋene weneŋ Kaisale wane ra more yaleka sunka ŋebongoi. 6Eŋe yale okangoi, wane Titusiŋo ŋinano wetpese urata maki paki so tutule qeliŋgi pake, yewa maki qoeyakane ra manmaine. 7Paki mo ŋine mali malip so Kisi Maep rara, so Kisi Maep wane kine detpi qoe qoe, so urata wane sorin borin oka okan, so wet maep okanŋon okanŋon, kine kine yalinane wele zok marat kakoi, wane wet menaŋ wesi raraine eya wane yaleka ewekkei.
8Na qebin-ŋune more mi ramaile, dereret natne eŋano ewe ewek wakonge, paki mo ŋinano wet maep rokop dalino pamaike, eya wane kine wakoniyakane ramaile. 9Ŋine Waomze Yesu Kristo mauluk maulukinane det okanmami, eŋe riwe moriyanine kakapaŋo ŋinane ra more awa aboŋine midaine okange, yewa yemo eŋe madu so aboŋine midaine yale, eyaŋo raki ŋine riwe moriyan gorop okangei wane ra more yale okange.
10Pakimo iwa mo don mane ŋidanmaile, eya tewekeu welerop okaniyake. Ŋine koma qei bano wesi esatka qeturaŋgei wane eweke more kiyeke motkoi. 11Yewa mo iwaka takotke more motwareu eweewek ŋinane wele kine kine pa ŋibonmaike, eya wane rokop wakoniyake. 12Kine kine qom ewek okane mot mot, eya wane dere menaŋ wakoniyake, kine kine mot mot eya mo mane eŋemere manmaike eya wane rokop mosiyake, mi mere manmaike, eya wane rokop misuk mosiyake.
13Na qom ewek wane kine kine mot mot wane ramaile, iwa yemo ŋei natne eŋe sola pesek geu ŋidoka gereune qenagare wikile desikei wane midaka. 14Ŋinane aboŋ moriyan ŋo naso iwao eŋane bodi mogatki ariki kine kine rokop wekuka wakoniyakane raraine, pakimo gemage, naso maneo eŋane moriyanŋo ŋinane bodi mogatki ariki ŋinano rokop weku yaleka wakone ŋiboniyake. 15Eya wane Kaisale wane ekapko iwa yale qeqine,
“Ŋeiwa zok loutne peikke eŋe moriyan zok mipa mange, ŋo ŋeiwa maŋo etkemde peikke eŋe bodi mi maratkake.”
Titus So Kimatkine Mauluk Onikeiwane Don
16Kaisale bakomine kitoŋem, eŋe Titus ma ewek-kaki, ŋene qomzeŋo ŋinane ewekmaike rokop yewa ka eŋane qomino wakon kamaike. 17Eya yemo ŋedo uyakane olatŋem detke eya wane ka midaka, eŋine wetinane ewek lukki paki uyakane okanmaike. 18So eŋerop ŋene kimaze mane eŋe doku tau tau magu eŋane keuwo ŋine eŋe mo iwa ge more Kisi Maep so Don kine kine bile eya Maine ra edangi detpi menaŋ okanmaike, eŋe weneŋ tale-kaŋem umamik. 19So weku eyaka midaka, doku tau tau magu edo ŋei yewa eŋe wet menaŋ wesi mama wane ŋene qesiŋ-ŋoniyakane ma wakon kakoi. Urata iwa Waom ewine kito more qom ewek zane mamaine.
20Ra siuk okanbi paki yaup wane dere worikŋonikei wane ra more wesi yewa deŋo de ka more ware naguŋem paki, ma qeturaŋ okanmaine. 21Ŋene kine kine okanŋem, Waomŋoka detki ŋenane menageyakane midaka, ŋeiŋo yale ka ŋenane weneŋ detpi menageyakane ra okanmaine.
22Eso ŋene ererop kimaze mane weneŋ birakaŋem umami, ŋei eya ŋene naso natno liwekka kaŋem sorin borininane kine wakonge, eya wane ŋine wet pesek detpi pakiso urata mo make eyaŋo rau so eŋe weneŋ qesiŋ-ŋuniyake. 23Eso ŋine Titus wane mo detmami, eŋe naŋane kima qesi qesiŋne, ŋere mo weneŋ urata mama ŋeietke ŋine gemaite, so kimatkeze erane yaleka detmami, ere doku tau tau magu edo bira-otmami, eŋane qelit ŋei ere Kristo wane qeli ewe zonom sikan-onmamik. 24Eya wane ŋene ŋine ma walakŋun okanmaine, eya wane don iwa welerop okaniyakane, ŋei iwa yaleŋo uwi kima ebu mauluk-onbi, doku tau tau natne eŋe desikei so ŋine ŋin ŋinarek-ŋunikei.
Currently Selected:
2 Korinti 8: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Korinti 8
8
Makedoniya Doku Tau Tau Magu Eŋano Qom Ewek Zok Pake
1Kimakop, Makedoniya kepeo doku tau tau magu eŋano Kaisale wane moriyan wakonge, eya wane ŋidanŋem detpi. 2Eŋe ŋetne ŋetne kotino ge more mazuwaŋ okane ket qeqine gemami, ŋo siluŋ Kisi Maep wane oi bakom zok kakapa ebonmaikane wet pesek wane wesi natne matuzupkekoi. 3Na eŋane detlukmaile, eŋe enŋene wetenane eweke more zonomenane rokop motkoi, so rokop eya yuwanka more qewa motkoi. 4Ŋedomi ra onŋem, eŋe edom tale ŋone more Kisi Maep ŋei eŋane wet pesek wane kine kine maratka more qesiŋ ŋongei wane rakoi. 5Pakiso, kine kine ewekine okanikei raŋem mo eŋe iwa yale okangoi, eŋe lewine kotoene Waom sunka mangoi, pakiso ŋene weneŋ Kaisale wane ra more yaleka sunka ŋebongoi. 6Eŋe yale okangoi, wane Titusiŋo ŋinano wetpese urata maki paki so tutule qeliŋgi pake, yewa maki qoeyakane ra manmaine. 7Paki mo ŋine mali malip so Kisi Maep rara, so Kisi Maep wane kine detpi qoe qoe, so urata wane sorin borin oka okan, so wet maep okanŋon okanŋon, kine kine yalinane wele zok marat kakoi, wane wet menaŋ wesi raraine eya wane yaleka ewekkei.
8Na qebin-ŋune more mi ramaile, dereret natne eŋano ewe ewek wakonge, paki mo ŋinano wet maep rokop dalino pamaike, eya wane kine wakoniyakane ramaile. 9Ŋine Waomze Yesu Kristo mauluk maulukinane det okanmami, eŋe riwe moriyanine kakapaŋo ŋinane ra more awa aboŋine midaine okange, yewa yemo eŋe madu so aboŋine midaine yale, eyaŋo raki ŋine riwe moriyan gorop okangei wane ra more yale okange.
10Pakimo iwa mo don mane ŋidanmaile, eya tewekeu welerop okaniyake. Ŋine koma qei bano wesi esatka qeturaŋgei wane eweke more kiyeke motkoi. 11Yewa mo iwaka takotke more motwareu eweewek ŋinane wele kine kine pa ŋibonmaike, eya wane rokop wakoniyake. 12Kine kine qom ewek okane mot mot, eya wane dere menaŋ wakoniyake, kine kine mot mot eya mo mane eŋemere manmaike eya wane rokop mosiyake, mi mere manmaike, eya wane rokop misuk mosiyake.
13Na qom ewek wane kine kine mot mot wane ramaile, iwa yemo ŋei natne eŋe sola pesek geu ŋidoka gereune qenagare wikile desikei wane midaka. 14Ŋinane aboŋ moriyan ŋo naso iwao eŋane bodi mogatki ariki kine kine rokop wekuka wakoniyakane raraine, pakimo gemage, naso maneo eŋane moriyanŋo ŋinane bodi mogatki ariki ŋinano rokop weku yaleka wakone ŋiboniyake. 15Eya wane Kaisale wane ekapko iwa yale qeqine,
“Ŋeiwa zok loutne peikke eŋe moriyan zok mipa mange, ŋo ŋeiwa maŋo etkemde peikke eŋe bodi mi maratkake.”
Titus So Kimatkine Mauluk Onikeiwane Don
16Kaisale bakomine kitoŋem, eŋe Titus ma ewek-kaki, ŋene qomzeŋo ŋinane ewekmaike rokop yewa ka eŋane qomino wakon kamaike. 17Eya yemo ŋedo uyakane olatŋem detke eya wane ka midaka, eŋine wetinane ewek lukki paki uyakane okanmaike. 18So eŋerop ŋene kimaze mane eŋe doku tau tau magu eŋane keuwo ŋine eŋe mo iwa ge more Kisi Maep so Don kine kine bile eya Maine ra edangi detpi menaŋ okanmaike, eŋe weneŋ tale-kaŋem umamik. 19So weku eyaka midaka, doku tau tau magu edo ŋei yewa eŋe wet menaŋ wesi mama wane ŋene qesiŋ-ŋoniyakane ma wakon kakoi. Urata iwa Waom ewine kito more qom ewek zane mamaine.
20Ra siuk okanbi paki yaup wane dere worikŋonikei wane ra more wesi yewa deŋo de ka more ware naguŋem paki, ma qeturaŋ okanmaine. 21Ŋene kine kine okanŋem, Waomŋoka detki ŋenane menageyakane midaka, ŋeiŋo yale ka ŋenane weneŋ detpi menageyakane ra okanmaine.
22Eso ŋene ererop kimaze mane weneŋ birakaŋem umami, ŋei eya ŋene naso natno liwekka kaŋem sorin borininane kine wakonge, eya wane ŋine wet pesek detpi pakiso urata mo make eyaŋo rau so eŋe weneŋ qesiŋ-ŋuniyake. 23Eso ŋine Titus wane mo detmami, eŋe naŋane kima qesi qesiŋne, ŋere mo weneŋ urata mama ŋeietke ŋine gemaite, so kimatkeze erane yaleka detmami, ere doku tau tau magu edo bira-otmami, eŋane qelit ŋei ere Kristo wane qeli ewe zonom sikan-onmamik. 24Eya wane ŋene ŋine ma walakŋun okanmaine, eya wane don iwa welerop okaniyakane, ŋei iwa yaleŋo uwi kima ebu mauluk-onbi, doku tau tau natne eŋe desikei so ŋine ŋin ŋinarek-ŋunikei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.