1 Timoti 3
3
Kisi Maep Wane Ŋetne Mama Eŋane Don
1Mane eŋe oŋom kisi maep wane lewet so magu wane ŋetne mama geyakane rayake, eŋe mo maine urata lewine suwaine mayakane simile kamaike. Yaleka dere qelaŋane rau, urata eya mayake. 2Pakiso, kisi maep wane ŋetne mama urata ŋei eŋe sot midaine koboboine ŋanomine weku eŋeropka geyake, so kotinane sawe geyake, okangi bori worine midaine mayakatne geyake, ŋei kuneŋine mat maneo ŋine sariu kima ebuyake, so kito eboebon urata mauluke mayake, 3eŋe doku togole ne qelaŋ qe gege mane misuk nekei, eŋe wet gerep so wet togon me sot osi osirop mida, wet pesek so peyamine geyake, eŋe wesi aboŋ wane bailalaŋ misuk okaniyake. 4Eŋe eŋine sotawe koune me ŋerep medepine mauluke wareoniyake, so eŋe raki gipon boraso koune ewine kito more aŋaine tewekkei. 5Mane eŋe eŋine sotawe koune so ŋerep medepine mauluke mi ware oniyakeŋo, Kaisale wane doku tautau magu daleo magak okan oniyake? 6So doku musele tautaune ŋei mane eŋe kisi maep wane ŋetne mama misuk geyake, sogino Ŋei Borikineŋo Kaisale wawaine okan kaki, osop kaki ketke, wane ŋei yaline eŋe wawaine okangi, Kaisaleŋo yalewaka osopkaki kesiyake. 7Ŋei mane eŋe eŋetine koboboine ŋei ŋerep doku tautau maguwo mi takotkeki, eŋano payakeŋo ŋetne mamaine geyake paki, eŋe qaisik kau, Ŋei Borikinane subaŋo misuk kitoyake, eŋe oŋom kauluke so warenaguyake.
Doku Tau Taune Eŋane Qesi Qesiŋ Eŋane Don
8Doku tautau eŋane qesi qesiŋ ŋei, eŋe yalewaka wetene koboboine, wet me belakam etkeka misuk gekei, me doku togole ne qelaŋ qe gege eya mane misuk nekei, me ŋei natne eŋane wesi aboŋ wane bailalaŋ misuk okanikei. 9Eŋe wetene koboboine qelaŋanerop paki, Kaisale wane mali malip don sogine sanka pake, so wele mo sikanonge, yewa malip kakei. 10So doku tautaune magu ge me ŋine mikepka urataenane liwekongei, liwekone onbi urataene eŋe maineka makeiwo, ŋine yale one more yemo eŋe maine doku tautau magu eŋane urata ŋei okane gekei, wane ra matogole okan onbi so maine urataene maikei 11So ŋanowekopene eŋe yalewaka wetene weku paki, yeye kinekine wet maepko okangei, don ŋadine misuk rakei, sawe ge more koboboine gekei, so urata ŋei wane nabok ge magu eŋane nabok wele okane gekone. 12Doku tautau magu eŋane qesi qesiŋ ŋei, eŋe ŋanomine weku eŋerop wet peseko ge more, ŋanom dokoine ma suluke wareongi, aŋa tewe tewek korop gekei. 13Ŋeiwa doku tautau magu eŋane qesi qesiŋ ŋei ge more, urata mauluke ma okanmami, eŋe eŋetene weku mane wakonge, eŋe maine eweke more mali malipene Yesu Kristo wano ra qelaŋangei.
Kaisale Masi Tanikinane, Don Lopeŋine
14Na mo welekatne geŋano ikopka u more ganikalane okane more, kibi iwa qe ginmaile. 15Na esatka mi u lotkekaleo, yemo ge kibi yewaŋo Kaisale wane mat urumgo koboboine gege wane golasiyake, Kaisale gege togon wane mat urum yemo ŋei ŋerep magukoune, eŋe bosiŋ togogoleŋo mat umatne teweke okoramaike, yalewa Kaisale wane don wele teweke okorakei. 16Kaisale wane don sanka pake, eya ra qelaŋan okanmaine, yewamo oŋa qae qaeinerop, ŋei maneŋo don yewa maine mi bisopkeyake,
eŋe ŋei yale didiwo wakonge, Asuŋo kineine ma wakonge yewamo koboine, so aŋelo edo kakoi, don kisiineŋo ŋei ŋerep korop eŋano arike, kepe baŋem ŋei ŋerep eŋe detluk kakoi, Kaisaleŋo eŋine qelaŋan koto qeliwo mawake.
Currently Selected:
1 Timoti 3: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Timoti 3
3
Kisi Maep Wane Ŋetne Mama Eŋane Don
1Mane eŋe oŋom kisi maep wane lewet so magu wane ŋetne mama geyakane rayake, eŋe mo maine urata lewine suwaine mayakane simile kamaike. Yaleka dere qelaŋane rau, urata eya mayake. 2Pakiso, kisi maep wane ŋetne mama urata ŋei eŋe sot midaine koboboine ŋanomine weku eŋeropka geyake, so kotinane sawe geyake, okangi bori worine midaine mayakatne geyake, ŋei kuneŋine mat maneo ŋine sariu kima ebuyake, so kito eboebon urata mauluke mayake, 3eŋe doku togole ne qelaŋ qe gege mane misuk nekei, eŋe wet gerep so wet togon me sot osi osirop mida, wet pesek so peyamine geyake, eŋe wesi aboŋ wane bailalaŋ misuk okaniyake. 4Eŋe eŋine sotawe koune me ŋerep medepine mauluke wareoniyake, so eŋe raki gipon boraso koune ewine kito more aŋaine tewekkei. 5Mane eŋe eŋine sotawe koune so ŋerep medepine mauluke mi ware oniyakeŋo, Kaisale wane doku tautau magu daleo magak okan oniyake? 6So doku musele tautaune ŋei mane eŋe kisi maep wane ŋetne mama misuk geyake, sogino Ŋei Borikineŋo Kaisale wawaine okan kaki, osop kaki ketke, wane ŋei yaline eŋe wawaine okangi, Kaisaleŋo yalewaka osopkaki kesiyake. 7Ŋei mane eŋe eŋetine koboboine ŋei ŋerep doku tautau maguwo mi takotkeki, eŋano payakeŋo ŋetne mamaine geyake paki, eŋe qaisik kau, Ŋei Borikinane subaŋo misuk kitoyake, eŋe oŋom kauluke so warenaguyake.
Doku Tau Taune Eŋane Qesi Qesiŋ Eŋane Don
8Doku tautau eŋane qesi qesiŋ ŋei, eŋe yalewaka wetene koboboine, wet me belakam etkeka misuk gekei, me doku togole ne qelaŋ qe gege eya mane misuk nekei, me ŋei natne eŋane wesi aboŋ wane bailalaŋ misuk okanikei. 9Eŋe wetene koboboine qelaŋanerop paki, Kaisale wane mali malip don sogine sanka pake, so wele mo sikanonge, yewa malip kakei. 10So doku tautaune magu ge me ŋine mikepka urataenane liwekongei, liwekone onbi urataene eŋe maineka makeiwo, ŋine yale one more yemo eŋe maine doku tautau magu eŋane urata ŋei okane gekei, wane ra matogole okan onbi so maine urataene maikei 11So ŋanowekopene eŋe yalewaka wetene weku paki, yeye kinekine wet maepko okangei, don ŋadine misuk rakei, sawe ge more koboboine gekei, so urata ŋei wane nabok ge magu eŋane nabok wele okane gekone. 12Doku tautau magu eŋane qesi qesiŋ ŋei, eŋe ŋanomine weku eŋerop wet peseko ge more, ŋanom dokoine ma suluke wareongi, aŋa tewe tewek korop gekei. 13Ŋeiwa doku tautau magu eŋane qesi qesiŋ ŋei ge more, urata mauluke ma okanmami, eŋe eŋetene weku mane wakonge, eŋe maine eweke more mali malipene Yesu Kristo wano ra qelaŋangei.
Kaisale Masi Tanikinane, Don Lopeŋine
14Na mo welekatne geŋano ikopka u more ganikalane okane more, kibi iwa qe ginmaile. 15Na esatka mi u lotkekaleo, yemo ge kibi yewaŋo Kaisale wane mat urumgo koboboine gege wane golasiyake, Kaisale gege togon wane mat urum yemo ŋei ŋerep magukoune, eŋe bosiŋ togogoleŋo mat umatne teweke okoramaike, yalewa Kaisale wane don wele teweke okorakei. 16Kaisale wane don sanka pake, eya ra qelaŋan okanmaine, yewamo oŋa qae qaeinerop, ŋei maneŋo don yewa maine mi bisopkeyake,
eŋe ŋei yale didiwo wakonge, Asuŋo kineine ma wakonge yewamo koboine, so aŋelo edo kakoi, don kisiineŋo ŋei ŋerep korop eŋano arike, kepe baŋem ŋei ŋerep eŋe detluk kakoi, Kaisaleŋo eŋine qelaŋan koto qeliwo mawake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.