1 Timoti 2
2
Meŋe Meŋen Wane Don
1Na alakan don mane doku tautau magu edane qebin ongole, ŋine doku tautau magu edanbi, eŋe Kaisale meŋenka bakom olatpi, oŋo ŋei ŋerep korop qesiŋ oniyake. Ŋine Kaisaleŋo ŋei lewet me urata ŋei biraŋunge, ŋo yemo oŋom ŋei ŋerep qesiŋ oniyakane meŋenka, so Kaisale wano ebeŋine bonep kekei. 2Ŋine ŋei ŋerep korop eŋane ra more Kaisale meŋen kaikei, kepe ŋei ware ware so ŋetne kopene eŋane weneŋ meŋen kau Kaisaleŋo qesiŋoniyake, pakiso wareŋonbi peyamgo bolomine so pitikatne geuluke more Kaisale wane tanik manik koboine yewa mogasikene. 3Kaisaleŋo ŋene korop ma menaŋ ŋonge, eya wane meŋe meŋen yalineŋo Kaisale zane kaitko weku mane okanmaikane detki menageyake. 4Oŋo ŋei ŋerep korop menage more, don welekat nane weleine dere wetke okangei wane ra okanmaike. 5Kaisale weku ge ŋebonmaike, so Yesu Kristo oŋomka Kaisale so ŋei keuzo qeturaŋŋone gemaike, eŋe ŋei okange, ŋo ge ŋebonmaike. 6Eŋe gegeine qaisikka more, ŋei ŋerep korop ŋenane turuŋze make, eya wane don kisiineŋo didiwo suwa ariyakane, Kaisaleŋo nasoine motke, yewao eŋe ŋenane wetine suwaine pake so menaŋgenane rake, eya wane weleine sikanŋonmaike. 7Pakimo eya wane donkisi edan ikalane, Kaisaleŋo na eŋane tungo biranange, don kisi yewa don wele, na ŋei qelaŋ eŋe don wele eya wane kine malip kaikei wane ra qelaŋane kito ebonmaile, na mi isimaile, na welekatne ramaile.
8Na matko matko ŋei meŋen kakei wane ramaile, ŋei yewa eŋe sotene mi osiyake, so wet togon me det worik mi okangei, eŋe Kaisaleŋo meŋe meŋenenane desiyakane eŋe malip kau, yale okane more meteene libeka paki Kaisale wano bira more meŋen kakei. 9So ŋerep eŋane ramaile, eŋe takotene mayakatne bira more ketkele geu, yewaŋo kibi maepene okaniyake, eŋe wawaine misuk okane more lewetene kibi makei, me solaeno kikum kibine kinekine me gol, me takot lewine wawaineŋo qoli qoline yewaŋo aukei. 10Midakaka, ŋerep eŋe Kaisale wane medep gekei wane dere more eŋe urata kinekine mayakatne yewa makei. 11Ŋerep eŋe ketkele ŋei eŋane bango, mepene qoi qoine gekei, paki ketene more so dereret urata makei. 12Na ŋerep mane det onbe, kito eboebon urata mama me ŋei yuwanone gege eya wane mi detonmaile, eŋe yaup ketkele gekei. 13Adam eŋe alakan mawakon kake, ŋo Ewa yemo ŋado ma wakonkake. 14Ŋei Borikineŋo sari Ewa liwek kaki, Kaisale wane aŋaine birake, ŋo Ŋei Borikine eŋe Adam mi liwek kake, ŋo eŋe siluŋ Kaisale aŋaine birake. 15Ŋo siluŋ ŋerep eŋe medep ebu ebu wane ra mange, eya eŋe okangi menageyake, eŋe mali malip so wet maep korop okane more wet koboboine gege ŋerep yaline eŋe Kaisaleŋo maine baŋ wetlot mangi ebuyake.
Currently Selected:
1 Timoti 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Timoti 2
2
Meŋe Meŋen Wane Don
1Na alakan don mane doku tautau magu edane qebin ongole, ŋine doku tautau magu edanbi, eŋe Kaisale meŋenka bakom olatpi, oŋo ŋei ŋerep korop qesiŋ oniyake. Ŋine Kaisaleŋo ŋei lewet me urata ŋei biraŋunge, ŋo yemo oŋom ŋei ŋerep qesiŋ oniyakane meŋenka, so Kaisale wano ebeŋine bonep kekei. 2Ŋine ŋei ŋerep korop eŋane ra more Kaisale meŋen kaikei, kepe ŋei ware ware so ŋetne kopene eŋane weneŋ meŋen kau Kaisaleŋo qesiŋoniyake, pakiso wareŋonbi peyamgo bolomine so pitikatne geuluke more Kaisale wane tanik manik koboine yewa mogasikene. 3Kaisaleŋo ŋene korop ma menaŋ ŋonge, eya wane meŋe meŋen yalineŋo Kaisale zane kaitko weku mane okanmaikane detki menageyake. 4Oŋo ŋei ŋerep korop menage more, don welekat nane weleine dere wetke okangei wane ra okanmaike. 5Kaisale weku ge ŋebonmaike, so Yesu Kristo oŋomka Kaisale so ŋei keuzo qeturaŋŋone gemaike, eŋe ŋei okange, ŋo ge ŋebonmaike. 6Eŋe gegeine qaisikka more, ŋei ŋerep korop ŋenane turuŋze make, eya wane don kisiineŋo didiwo suwa ariyakane, Kaisaleŋo nasoine motke, yewao eŋe ŋenane wetine suwaine pake so menaŋgenane rake, eya wane weleine sikanŋonmaike. 7Pakimo eya wane donkisi edan ikalane, Kaisaleŋo na eŋane tungo biranange, don kisi yewa don wele, na ŋei qelaŋ eŋe don wele eya wane kine malip kaikei wane ra qelaŋane kito ebonmaile, na mi isimaile, na welekatne ramaile.
8Na matko matko ŋei meŋen kakei wane ramaile, ŋei yewa eŋe sotene mi osiyake, so wet togon me det worik mi okangei, eŋe Kaisaleŋo meŋe meŋenenane desiyakane eŋe malip kau, yale okane more meteene libeka paki Kaisale wano bira more meŋen kakei. 9So ŋerep eŋane ramaile, eŋe takotene mayakatne bira more ketkele geu, yewaŋo kibi maepene okaniyake, eŋe wawaine misuk okane more lewetene kibi makei, me solaeno kikum kibine kinekine me gol, me takot lewine wawaineŋo qoli qoline yewaŋo aukei. 10Midakaka, ŋerep eŋe Kaisale wane medep gekei wane dere more eŋe urata kinekine mayakatne yewa makei. 11Ŋerep eŋe ketkele ŋei eŋane bango, mepene qoi qoine gekei, paki ketene more so dereret urata makei. 12Na ŋerep mane det onbe, kito eboebon urata mama me ŋei yuwanone gege eya wane mi detonmaile, eŋe yaup ketkele gekei. 13Adam eŋe alakan mawakon kake, ŋo Ewa yemo ŋado ma wakonkake. 14Ŋei Borikineŋo sari Ewa liwek kaki, Kaisale wane aŋaine birake, ŋo Ŋei Borikine eŋe Adam mi liwek kake, ŋo eŋe siluŋ Kaisale aŋaine birake. 15Ŋo siluŋ ŋerep eŋe medep ebu ebu wane ra mange, eya eŋe okangi menageyake, eŋe mali malip so wet maep korop okane more wet koboboine gege ŋerep yaline eŋe Kaisaleŋo maine baŋ wetlot mangi ebuyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.