1 Timoti 4
4
Isi Ŋei Eŋane Don
1Asuŋo alakan iwa yale ra wakone ra okan maike, baŋ ŋado ŋei natne eŋe mali malipene qeligeu paki, asu isisine eŋane dongo makatake more, aŋelo isisine eŋane aŋaine teweke qelitene qe gekei. 2Isi ŋei eŋe kotoene di kiti kitine yalinane, masi tanik isisine mau paki, isi don yewa ma wakon okanmami, ŋo wetene yemo seuseune, gerepŋo zeki ososot kemaike yale paki, eŋe borikine yewa maine mi desikei, me duma koboine mi mogasikei. 3-4Paki ŋei isione raikei, ŋerep mi ma more yaup qaluwit gekene, so ŋei natneŋo Yuda wane ra rokop don togon mogare ge more rau, ŋara yauyaup misuk nekei, ŋine yaup saweka gekei, ŋo ŋara korop yemo Kaisaleŋo nekenane, ma wakon warekane mali malip korop ŋene kineine yale dere more, Kaisale bakomine kito more ma ne okangene. Kaisaleŋo kinekine korop ma wakonge, yemo mayakatneka, eya wane meŋe meŋenŋo bakomine kito more ma ne okan okanmaine, yewa mi qaisik kaikene. 5Onoka wane, Kaisale wane don so meŋe meŋenŋo qesiŋkaki, kinekine yewa koboboine okangi, Kaisale eŋe detki menaŋ okanmaike.
Timoti Eŋe Kristo Yesu Wane Qelit Ŋei Mayakatne
6Ge don eya ŋei ŋerep natne doku tautau magu eŋane wet dereret ma wisikae more edangeneo, ge Kristo Yesu wane qelit ŋei mayakatne aŋa tewe tewek korop gekene, paki Kaisale wane don wane kine wele yewaŋo mali malip ŋonane lopeŋ eya wane qesiŋ okangi gekene, 7paki sele ŋerep edo donkisi yauwine ra okanmami, don kisi sinoine yaline eyamo ŋadek kaikene, ge Kaisale wane tanik manik koboine, eya wane kine detluk kaikene, kotoŋonane ewe ewek wakoniyakane oŋaine teweke gesokkene. 8Sola ewe ewek wane liwekka gege, eyaŋo zok wele wawaine mi okanmaike, ŋo koto ma ewekka more, oŋaine geso gesok eya wane weleine yemo iwa kepeo so baŋ gemage, qeliwo weneŋ wakongi marat kaikene. 9Iwamo don welekatne ŋei ŋerep koropŋo dere more malip kaikene. 10Kaisaleŋo ŋei ŋerep korop koso ebu okanmaike, so ŋei ŋerep wetŋo Kaisale malipka okanmaine, ŋene mainŋone okanmaike, ŋene Kaisale gegeinerop eŋe wetzeŋo malipka more, ŋebuyakane toma kamaine, kine yalinane ŋene urata suwaine mamaine.
11Don ramaile, korop iwa ŋei ŋerep korop kito edannom, dere more tewekkei. 12Ge ŋei qaluwit gemainane, ŋei ŋerep eŋe geŋane detpi ketkele misuk okaniyake, ge wet maep korop, so mali malip korop, so wet qelaŋan gorop, ge more, doku tautau magu donŋone so gegeŋoneŋo alakane ebonikene. 13Ge naŋane tomanane genom paki, Kaisale wane don wele didiwo yewa ŋei ŋerep dapore kito ebongene, so edane mauluk okane genom, na sari lotkekale. 14Kisi Maep wane ŋetne so doku tautau magu edo propet eŋane don teweke more, meteene leweŋono more mosop gangoi, mosop yewa wane weleine siuke giniyakane, mauluke ware kanom payake. 15Ge eya wane dere mezet okannom paki, urataine togole ma more mauluke manom, eya wane weleine wakone suwa ariki, ŋei ŋerep korop eŋe kau menageyake. 16Geŋonane diyamŋone maikene, so ŋei ŋerep kito eboebon ŋonane diyamine weneŋ maikene, ge diyam takorakot yale ma gekene, onoka wane, ge yale okangeneo, yemo urataŋone yewaŋo geŋone qesiŋ ganiyake, so ŋei ŋerep kito edannom detmami, eŋe weneŋ qesiŋ oniyake.
Currently Selected:
1 Timoti 4: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Timoti 4
4
Isi Ŋei Eŋane Don
1Asuŋo alakan iwa yale ra wakone ra okan maike, baŋ ŋado ŋei natne eŋe mali malipene qeligeu paki, asu isisine eŋane dongo makatake more, aŋelo isisine eŋane aŋaine teweke qelitene qe gekei. 2Isi ŋei eŋe kotoene di kiti kitine yalinane, masi tanik isisine mau paki, isi don yewa ma wakon okanmami, ŋo wetene yemo seuseune, gerepŋo zeki ososot kemaike yale paki, eŋe borikine yewa maine mi desikei, me duma koboine mi mogasikei. 3-4Paki ŋei isione raikei, ŋerep mi ma more yaup qaluwit gekene, so ŋei natneŋo Yuda wane ra rokop don togon mogare ge more rau, ŋara yauyaup misuk nekei, ŋine yaup saweka gekei, ŋo ŋara korop yemo Kaisaleŋo nekenane, ma wakon warekane mali malip korop ŋene kineine yale dere more, Kaisale bakomine kito more ma ne okangene. Kaisaleŋo kinekine korop ma wakonge, yemo mayakatneka, eya wane meŋe meŋenŋo bakomine kito more ma ne okan okanmaine, yewa mi qaisik kaikene. 5Onoka wane, Kaisale wane don so meŋe meŋenŋo qesiŋkaki, kinekine yewa koboboine okangi, Kaisale eŋe detki menaŋ okanmaike.
Timoti Eŋe Kristo Yesu Wane Qelit Ŋei Mayakatne
6Ge don eya ŋei ŋerep natne doku tautau magu eŋane wet dereret ma wisikae more edangeneo, ge Kristo Yesu wane qelit ŋei mayakatne aŋa tewe tewek korop gekene, paki Kaisale wane don wane kine wele yewaŋo mali malip ŋonane lopeŋ eya wane qesiŋ okangi gekene, 7paki sele ŋerep edo donkisi yauwine ra okanmami, don kisi sinoine yaline eyamo ŋadek kaikene, ge Kaisale wane tanik manik koboine, eya wane kine detluk kaikene, kotoŋonane ewe ewek wakoniyakane oŋaine teweke gesokkene. 8Sola ewe ewek wane liwekka gege, eyaŋo zok wele wawaine mi okanmaike, ŋo koto ma ewekka more, oŋaine geso gesok eya wane weleine yemo iwa kepeo so baŋ gemage, qeliwo weneŋ wakongi marat kaikene. 9Iwamo don welekatne ŋei ŋerep koropŋo dere more malip kaikene. 10Kaisaleŋo ŋei ŋerep korop koso ebu okanmaike, so ŋei ŋerep wetŋo Kaisale malipka okanmaine, ŋene mainŋone okanmaike, ŋene Kaisale gegeinerop eŋe wetzeŋo malipka more, ŋebuyakane toma kamaine, kine yalinane ŋene urata suwaine mamaine.
11Don ramaile, korop iwa ŋei ŋerep korop kito edannom, dere more tewekkei. 12Ge ŋei qaluwit gemainane, ŋei ŋerep eŋe geŋane detpi ketkele misuk okaniyake, ge wet maep korop, so mali malip korop, so wet qelaŋan gorop, ge more, doku tautau magu donŋone so gegeŋoneŋo alakane ebonikene. 13Ge naŋane tomanane genom paki, Kaisale wane don wele didiwo yewa ŋei ŋerep dapore kito ebongene, so edane mauluk okane genom, na sari lotkekale. 14Kisi Maep wane ŋetne so doku tautau magu edo propet eŋane don teweke more, meteene leweŋono more mosop gangoi, mosop yewa wane weleine siuke giniyakane, mauluke ware kanom payake. 15Ge eya wane dere mezet okannom paki, urataine togole ma more mauluke manom, eya wane weleine wakone suwa ariki, ŋei ŋerep korop eŋe kau menageyake. 16Geŋonane diyamŋone maikene, so ŋei ŋerep kito eboebon ŋonane diyamine weneŋ maikene, ge diyam takorakot yale ma gekene, onoka wane, ge yale okangeneo, yemo urataŋone yewaŋo geŋone qesiŋ ganiyake, so ŋei ŋerep kito edannom detmami, eŋe weneŋ qesiŋ oniyake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.