1 Timoti 1
1
1Na Pauloŋo, kibi iwa qemaile, Kaisale so Yesu Kristo eto na aposolo uratao iwa makalane biranangoik, Yesu wane pi don wane gemaile, Kaisaleŋo ŋene mapit ŋonge, so nasoo Yesu Kristoŋo kinekine korop maulukeyake, ŋene korop eya wane tomaka gemaine.
2Na Timoti, geŋane kibi iwa qe ginmaile, ge naŋane giponne koboine, mali malipse weku, maine Kaisale Magak so Yesu Kristo, Waomze eto mosop gane more sot turuŋone niget osiyake, paki ge wet maep so peyam gingeik.
Isi Don Kito Ebo Ebon Wane Girem Don
3Na Makedoniya kepeo arikalane, okane more golatkole yale okangene, so Epeso matko takotke ge natneŋo isi don kito ebon okanmami, yewa rawet onnom qeliŋgei. 4Eŋe nemu kisi rau paki, ŋei ataŋine ataŋine ge sakoi, eŋane kine rau ket sa okangi ra kito qokinerop wakon okanmaike, yale okanbi, Kaisale wane wet dereretine mi qesiŋ kamaike, ŋene mali malipzeŋoka Kaisale wane wet dereretne det lukkamaine. 5Don wele rara, yemo iwa yale wakongi menageyake, wet qelaŋan, wet koboboine so wet mali malip korop ge more wet maep marat kakene. 6Ŋei natne eŋe numa iwa qeyau more don sinoine wele midaine eya ma wakone magemami. 7So eŋe enŋenane Kaisale wane ra togon don wane kito eboebon okangei wane ra okanmami, so eŋe zok sorin borin okan okanmami, ŋo eŋe siluŋ enŋene eŋe don eya wane kine yewa mi dere qelaŋan okanmami, so eŋe yale okane more don yauyaup ra okanmami.
Rara Togon Don Eya Don Maine
8Ŋene ra togon don wane iwa yale det okanmaine, eya don maine, so kineine detluke more magekene. 9Kine iwa yale desikene, rara togon don yewa eŋe ŋei maine sot midaine eŋane biŋek mi okanmaike, eyamo ŋei iwa yaline eŋane biŋek okanmaike, eŋe rara togon don qe barakmami, eŋe aŋa biramami, eŋe Kaisale ewine mi kito okanmami, eŋe sot korop, eŋane masi borikine, eyaŋo Kaisale wane masi so don koboboine eya qe barakmami, so ŋene nabok magak so ŋei ŋerep yauyaup eŋe ŋei ŋerep enguwi seuk okanmami. 10So bailalaŋ ŋei ŋerep, eŋe ŋei ŋerep yauyaup marat nagumami, so ŋeiŋo ŋei edomka marat nagumami, eŋe wesi maikei wane ŋei ŋerep kobu ebumami, isi ŋei, eŋe Waom wane eŋetko ra more isisiwo ra togolemami, so eŋe borikine natne, ŋenane kito eboebon don koboine ŋabaka okanmami, rara togon don iwa yemo kinekine yalinane ra wakon ra wakone. 11Don wele eya yemo, kisi maep don, eya noŋo ra qelaŋanikalane ra more Kaisaleŋo na ra ninge, kisi maep don yewaŋo ŋedanmaike, yemo Kaisale eŋe qeli ewe zonom so mosopinerop.
Kaisaleŋo Paulo Wane Qom Borik Okange Eya Wane Pauloŋo Kaisale Bakomine Kitoke
12Waomze Yesu Kristo eŋe zonom nine more matogole nange, eya wane bakomine kito okanmaile, oŋo detnangi menaŋgi, eŋane urata makalane ra ninge. 13Na qei bano eŋetine ra matali okanka more ŋeikoune engu kito okanone more wawaine zok manerop okan kakole, onoka waneŋo na eŋe mi malip kakole, so kineine mi dere ŋaŋaewe paki, ŋabakakole, so na yale okan kakole, ŋo Kaisaleŋo yemo naŋane qomine boriki siluŋ turuŋne qeliŋge. 14Paki, Waom eŋe manerop mosop nane more numa sikannangi, Yesu Kristo malipka more ŋei ŋerep qomne ebongalane so mali malipine weneŋ qe watke ninge. 15So Yesu Kristo eŋe borikine mama korop ma menaŋ ŋoniyakane, kepeo ketke, don iwa eya mo kisi maep don welekakatne, ŋei ŋerep koropŋo dere more malipka warekene, so qom borik desikene, noŋo sot okangole paki, borikinane biŋek suwaine okane gekole. 16Ŋo Yesu Kristo oŋo yemo ŋei ŋerep koropŋo iwa yale detluk kaikei wane, eŋe ŋei borikine me sot turuŋenerop bororom okanon mageyake, yalewa wane, eŋe alakan naŋane qom borik detki paki, makoboe biranange, yemo ŋei ŋerep koropŋo maine naŋano masi yewa make, eya ka more korop eŋe malip kaikei, so wisika gege mau paki, naso baŋem naso baŋem ge ari gekei. 17Ŋei ŋerep eŋe maine naso baŋem Kaisale wane ewine kito more oi bakom mawa mawa okanka ge arikei, eŋe naso baŋem naso baŋem gege togon ge ariyake, eŋe dezeŋo mi kakaine, so eŋe Kaisale koboboine weku. I, weleka!
Pauloŋo Timoti Kisi Maep Don Wane Kawaliine Qeyakane Birakake
18Medepne Timoti, alakan geŋane rara togon, don doku tautau ŋei ŋerep eŋane propet edo wakongoi, eya wane rokopko don togon ra gingoi, iwa yale ra more ginmaile, ge don yewaŋo tebe ŋoroŋŋone okangi, kawali togoleka qe gekene. 19Paki ge mali malipŋone so wetŋone qelaŋanerop koboineka ware kanom pakep, ŋei natne eŋe wet qelaŋanerop koboine gege yewa ŋadek kakoi, wane mali malipene qororoŋgi qeyaukoi. 20Eŋano ŋine mane Himenaeus mane Alekzander, ŋei iwa ere na Ŋei Borikinane meteo bira otkole, paki Ŋei Borikineŋo wikile epongi, geuk paki ere wetetne zingeki, koso Kaisale wano zinge more ewe ma baik mi okan kaikeik wane so ere Waom wane mi niget osiyakane.
Currently Selected:
1 Timoti 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Timoti 1
1
1Na Pauloŋo, kibi iwa qemaile, Kaisale so Yesu Kristo eto na aposolo uratao iwa makalane biranangoik, Yesu wane pi don wane gemaile, Kaisaleŋo ŋene mapit ŋonge, so nasoo Yesu Kristoŋo kinekine korop maulukeyake, ŋene korop eya wane tomaka gemaine.
2Na Timoti, geŋane kibi iwa qe ginmaile, ge naŋane giponne koboine, mali malipse weku, maine Kaisale Magak so Yesu Kristo, Waomze eto mosop gane more sot turuŋone niget osiyake, paki ge wet maep so peyam gingeik.
Isi Don Kito Ebo Ebon Wane Girem Don
3Na Makedoniya kepeo arikalane, okane more golatkole yale okangene, so Epeso matko takotke ge natneŋo isi don kito ebon okanmami, yewa rawet onnom qeliŋgei. 4Eŋe nemu kisi rau paki, ŋei ataŋine ataŋine ge sakoi, eŋane kine rau ket sa okangi ra kito qokinerop wakon okanmaike, yale okanbi, Kaisale wane wet dereretine mi qesiŋ kamaike, ŋene mali malipzeŋoka Kaisale wane wet dereretne det lukkamaine. 5Don wele rara, yemo iwa yale wakongi menageyake, wet qelaŋan, wet koboboine so wet mali malip korop ge more wet maep marat kakene. 6Ŋei natne eŋe numa iwa qeyau more don sinoine wele midaine eya ma wakone magemami. 7So eŋe enŋenane Kaisale wane ra togon don wane kito eboebon okangei wane ra okanmami, so eŋe zok sorin borin okan okanmami, ŋo eŋe siluŋ enŋene eŋe don eya wane kine yewa mi dere qelaŋan okanmami, so eŋe yale okane more don yauyaup ra okanmami.
Rara Togon Don Eya Don Maine
8Ŋene ra togon don wane iwa yale det okanmaine, eya don maine, so kineine detluke more magekene. 9Kine iwa yale desikene, rara togon don yewa eŋe ŋei maine sot midaine eŋane biŋek mi okanmaike, eyamo ŋei iwa yaline eŋane biŋek okanmaike, eŋe rara togon don qe barakmami, eŋe aŋa biramami, eŋe Kaisale ewine mi kito okanmami, eŋe sot korop, eŋane masi borikine, eyaŋo Kaisale wane masi so don koboboine eya qe barakmami, so ŋene nabok magak so ŋei ŋerep yauyaup eŋe ŋei ŋerep enguwi seuk okanmami. 10So bailalaŋ ŋei ŋerep, eŋe ŋei ŋerep yauyaup marat nagumami, so ŋeiŋo ŋei edomka marat nagumami, eŋe wesi maikei wane ŋei ŋerep kobu ebumami, isi ŋei, eŋe Waom wane eŋetko ra more isisiwo ra togolemami, so eŋe borikine natne, ŋenane kito eboebon don koboine ŋabaka okanmami, rara togon don iwa yemo kinekine yalinane ra wakon ra wakone. 11Don wele eya yemo, kisi maep don, eya noŋo ra qelaŋanikalane ra more Kaisaleŋo na ra ninge, kisi maep don yewaŋo ŋedanmaike, yemo Kaisale eŋe qeli ewe zonom so mosopinerop.
Kaisaleŋo Paulo Wane Qom Borik Okange Eya Wane Pauloŋo Kaisale Bakomine Kitoke
12Waomze Yesu Kristo eŋe zonom nine more matogole nange, eya wane bakomine kito okanmaile, oŋo detnangi menaŋgi, eŋane urata makalane ra ninge. 13Na qei bano eŋetine ra matali okanka more ŋeikoune engu kito okanone more wawaine zok manerop okan kakole, onoka waneŋo na eŋe mi malip kakole, so kineine mi dere ŋaŋaewe paki, ŋabakakole, so na yale okan kakole, ŋo Kaisaleŋo yemo naŋane qomine boriki siluŋ turuŋne qeliŋge. 14Paki, Waom eŋe manerop mosop nane more numa sikannangi, Yesu Kristo malipka more ŋei ŋerep qomne ebongalane so mali malipine weneŋ qe watke ninge. 15So Yesu Kristo eŋe borikine mama korop ma menaŋ ŋoniyakane, kepeo ketke, don iwa eya mo kisi maep don welekakatne, ŋei ŋerep koropŋo dere more malipka warekene, so qom borik desikene, noŋo sot okangole paki, borikinane biŋek suwaine okane gekole. 16Ŋo Yesu Kristo oŋo yemo ŋei ŋerep koropŋo iwa yale detluk kaikei wane, eŋe ŋei borikine me sot turuŋenerop bororom okanon mageyake, yalewa wane, eŋe alakan naŋane qom borik detki paki, makoboe biranange, yemo ŋei ŋerep koropŋo maine naŋano masi yewa make, eya ka more korop eŋe malip kaikei, so wisika gege mau paki, naso baŋem naso baŋem ge ari gekei. 17Ŋei ŋerep eŋe maine naso baŋem Kaisale wane ewine kito more oi bakom mawa mawa okanka ge arikei, eŋe naso baŋem naso baŋem gege togon ge ariyake, eŋe dezeŋo mi kakaine, so eŋe Kaisale koboboine weku. I, weleka!
Pauloŋo Timoti Kisi Maep Don Wane Kawaliine Qeyakane Birakake
18Medepne Timoti, alakan geŋane rara togon, don doku tautau ŋei ŋerep eŋane propet edo wakongoi, eya wane rokopko don togon ra gingoi, iwa yale ra more ginmaile, ge don yewaŋo tebe ŋoroŋŋone okangi, kawali togoleka qe gekene. 19Paki ge mali malipŋone so wetŋone qelaŋanerop koboineka ware kanom pakep, ŋei natne eŋe wet qelaŋanerop koboine gege yewa ŋadek kakoi, wane mali malipene qororoŋgi qeyaukoi. 20Eŋano ŋine mane Himenaeus mane Alekzander, ŋei iwa ere na Ŋei Borikinane meteo bira otkole, paki Ŋei Borikineŋo wikile epongi, geuk paki ere wetetne zingeki, koso Kaisale wano zinge more ewe ma baik mi okan kaikeik wane so ere Waom wane mi niget osiyakane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.