1 Tesalonaika 5
5
Waom Sariyakane Masuwatnagukene
1O, kimakop, iwa yemo kaiwe ma nasoo, masi kinekine iwa wakoniyake, ŋine mi ŋaŋaemami, wane mo mi qe ŋibonikene. 2Ŋine ŋidom kine mo detlukmami, Waom sariyakane naso yemo kobu mama ŋei maneŋo ruwo sanka sari okanmaike, yalewa sariyake. 3Ŋei ŋerep qelaŋ eŋe raikei, “Kine kine korop yemo qamen sororokmaike, so maine,” paki, eyaka kinekine kaetneropŋo baŋ engu matali oniyake! Eŋe baŋ mi kakakka arikei, eyamo baŋ ŋerep mane medep mayakane gae poradaŋso maki qisemaike, yale okanoniyake. 4Ŋo ŋine, kimakop, yemo panaman koto mi gemami, Wane Waom wane Naso yewaŋo poradaŋ so, ŋibuki kobu mama ŋei yale mi qisekei. 5Ŋine ŋei ŋerep korop yemo qelaŋan wane biŋek, ŋine kaiwe wane biŋek, ŋene ruwo goiŋ wane biŋek midakaka, me panaman wane biŋek midakaka. 6Eso eya wane ŋene ŋei natne eŋe kulu pau qesiŋone more ŋene kulu seuseune misuk paikene, ŋene wet wisika diyamze maŋem paki kotozane sawe gekene. 7Ruwo keremaike, naso yewao ŋei ŋerep eŋe kulu pa okanmami; ruwo keremaike, naso yewaoka ŋei ŋerep eŋe doku togole neu paki wet siuk ma wakone okanmami. 8Ŋo ŋene kaiwe wane biŋek okangoneŋo, yemo kotozane sawe gekene. Ge more mali malip so wet maepŋo sukukuze okangi, biraŋem ket kawet ŋoniyake, paki wetzeŋo mena menaŋ wane dere tebaka gege yewaŋo marokze okangi biraŋem ket qorot ŋoniyake. 9Kaisaleŋo eŋine wet gerepinane wikile marat kaikenane mida, yemo Yesu Kristo wane raki paki, mena menaŋ wane welaine okangenane ŋebuke, 10oŋo ŋenane ra seukkane ŋene eŋerop weneŋ wekuwoka gekene, wisikaune gemaineo, me seuseu marat kaikeneo eŋe sariyake naso yewao qeturaŋ ŋoniyake. 11Eya wane ŋine iwa okane gemami, yale okanbi paki auye matogole qetogole okanikei, so kito qe qesiŋ okan nagu gekei.
Naŋ Qeqe Don So Mosop Don
12Ŋene ŋine qebin ŋunmaine kimakopze, yemo ŋinane keuŋino wikile urata mamami, eŋe mauluke eweene kitou paki aŋaene tewekkei, ŋeiwa Waomŋo alakane ŋibonikei so sikan ŋunikei wane ma wakon onge eya qesiŋonkei. 13Eŋane detpi zok manerop wayake, so wetmaep okanonikei, onoka wane eŋe urata ŋinano mamami, eya wane, ŋinŋine keuŋino yemo peyamka paki gekei.
14Ŋene togoleka qebinŋunmaine, kimakopze, Ŋine ŋei taboŋ bau wawa gemami, eŋe don girem edanikei, ŋei kaet gege kito qesiŋ okanonikei, ŋine ŋei korop eŋe bororom okanonikei. 15Ŋine ŋinano ŋine kau ŋei maneŋo borikinane turuŋ mako makok misuk okaniyake, ŋo ŋine naso baŋem yemo wetŋine weku motpi paki, ŋine ŋidomka mauluknagu gekei, so ŋei natne korop okanonikei.
16Wet menaŋ kutno naso baŋem ge arikei. 17Meŋe meŋen gorop naso baŋem gekei. 18Kinekine korop yewa wane bakom kito kito okane gekei, iwa yemo Kaisaleŋo ŋido gegeŋine Kristo Yesu wano paki, yale okane gekei wane ra ŋune okanmaike.
19Naso Asu Koboboineŋo kinekine mane maikeiwane ma wisikaeŋungi, ŋine leŋka more misuk qewoloŋgei. 20Kaisale wane Asu wane pidon ŋidanbi misuk dere ŋadekkaikei. 21Kinekine korop dere qewazae warekei, maine yewamo magekei. 22Eso borikine kinekine yemo ŋadekkaikei.
23Kaisale peyam ŋebo ŋebon wane kine so welaine, oŋom ŋinane wisika gegeŋine maki eŋino ariki sauke mauluk okanŋungi korop kuneneŋ maine okan warekei, paki warekaki wet dereret so kepe sola oŋa oŋa korop sot midaine mayakatneka ge mageŋem, Waomze Yesu Kristo koso zinge sari lotkeyake. 24Eŋe oŋom ŋidora newan ŋunmaikeŋo baŋ yewa okan ŋuniyake.
25Kimakop ŋenane yaleka meŋenkaikei.
26Kimakopze korop eŋe mete au au okan warekei.
27Na ŋine ra qebin okanŋunmaile, Waomzane eŋetko, wane ŋine kibi iwa kimakopze doku tautau magu ŋei ŋerep korop dapore edanbi desikei.
28Waomze Yesu Kristo wane mena menaŋŋo ŋinano pa ari payake. O, Weleka!
Currently Selected:
1 Tesalonaika 5: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Tesalonaika 5
5
Waom Sariyakane Masuwatnagukene
1O, kimakop, iwa yemo kaiwe ma nasoo, masi kinekine iwa wakoniyake, ŋine mi ŋaŋaemami, wane mo mi qe ŋibonikene. 2Ŋine ŋidom kine mo detlukmami, Waom sariyakane naso yemo kobu mama ŋei maneŋo ruwo sanka sari okanmaike, yalewa sariyake. 3Ŋei ŋerep qelaŋ eŋe raikei, “Kine kine korop yemo qamen sororokmaike, so maine,” paki, eyaka kinekine kaetneropŋo baŋ engu matali oniyake! Eŋe baŋ mi kakakka arikei, eyamo baŋ ŋerep mane medep mayakane gae poradaŋso maki qisemaike, yale okanoniyake. 4Ŋo ŋine, kimakop, yemo panaman koto mi gemami, Wane Waom wane Naso yewaŋo poradaŋ so, ŋibuki kobu mama ŋei yale mi qisekei. 5Ŋine ŋei ŋerep korop yemo qelaŋan wane biŋek, ŋine kaiwe wane biŋek, ŋene ruwo goiŋ wane biŋek midakaka, me panaman wane biŋek midakaka. 6Eso eya wane ŋene ŋei natne eŋe kulu pau qesiŋone more ŋene kulu seuseune misuk paikene, ŋene wet wisika diyamze maŋem paki kotozane sawe gekene. 7Ruwo keremaike, naso yewao ŋei ŋerep eŋe kulu pa okanmami; ruwo keremaike, naso yewaoka ŋei ŋerep eŋe doku togole neu paki wet siuk ma wakone okanmami. 8Ŋo ŋene kaiwe wane biŋek okangoneŋo, yemo kotozane sawe gekene. Ge more mali malip so wet maepŋo sukukuze okangi, biraŋem ket kawet ŋoniyake, paki wetzeŋo mena menaŋ wane dere tebaka gege yewaŋo marokze okangi biraŋem ket qorot ŋoniyake. 9Kaisaleŋo eŋine wet gerepinane wikile marat kaikenane mida, yemo Yesu Kristo wane raki paki, mena menaŋ wane welaine okangenane ŋebuke, 10oŋo ŋenane ra seukkane ŋene eŋerop weneŋ wekuwoka gekene, wisikaune gemaineo, me seuseu marat kaikeneo eŋe sariyake naso yewao qeturaŋ ŋoniyake. 11Eya wane ŋine iwa okane gemami, yale okanbi paki auye matogole qetogole okanikei, so kito qe qesiŋ okan nagu gekei.
Naŋ Qeqe Don So Mosop Don
12Ŋene ŋine qebin ŋunmaine kimakopze, yemo ŋinane keuŋino wikile urata mamami, eŋe mauluke eweene kitou paki aŋaene tewekkei, ŋeiwa Waomŋo alakane ŋibonikei so sikan ŋunikei wane ma wakon onge eya qesiŋonkei. 13Eŋane detpi zok manerop wayake, so wetmaep okanonikei, onoka wane eŋe urata ŋinano mamami, eya wane, ŋinŋine keuŋino yemo peyamka paki gekei.
14Ŋene togoleka qebinŋunmaine, kimakopze, Ŋine ŋei taboŋ bau wawa gemami, eŋe don girem edanikei, ŋei kaet gege kito qesiŋ okanonikei, ŋine ŋei korop eŋe bororom okanonikei. 15Ŋine ŋinano ŋine kau ŋei maneŋo borikinane turuŋ mako makok misuk okaniyake, ŋo ŋine naso baŋem yemo wetŋine weku motpi paki, ŋine ŋidomka mauluknagu gekei, so ŋei natne korop okanonikei.
16Wet menaŋ kutno naso baŋem ge arikei. 17Meŋe meŋen gorop naso baŋem gekei. 18Kinekine korop yewa wane bakom kito kito okane gekei, iwa yemo Kaisaleŋo ŋido gegeŋine Kristo Yesu wano paki, yale okane gekei wane ra ŋune okanmaike.
19Naso Asu Koboboineŋo kinekine mane maikeiwane ma wisikaeŋungi, ŋine leŋka more misuk qewoloŋgei. 20Kaisale wane Asu wane pidon ŋidanbi misuk dere ŋadekkaikei. 21Kinekine korop dere qewazae warekei, maine yewamo magekei. 22Eso borikine kinekine yemo ŋadekkaikei.
23Kaisale peyam ŋebo ŋebon wane kine so welaine, oŋom ŋinane wisika gegeŋine maki eŋino ariki sauke mauluk okanŋungi korop kuneneŋ maine okan warekei, paki warekaki wet dereret so kepe sola oŋa oŋa korop sot midaine mayakatneka ge mageŋem, Waomze Yesu Kristo koso zinge sari lotkeyake. 24Eŋe oŋom ŋidora newan ŋunmaikeŋo baŋ yewa okan ŋuniyake.
25Kimakop ŋenane yaleka meŋenkaikei.
26Kimakopze korop eŋe mete au au okan warekei.
27Na ŋine ra qebin okanŋunmaile, Waomzane eŋetko, wane ŋine kibi iwa kimakopze doku tautau magu ŋei ŋerep korop dapore edanbi desikei.
28Waomze Yesu Kristo wane mena menaŋŋo ŋinano pa ari payake. O, Weleka!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.