2 Tesalonaika 1
1
1Paulo, Sailas so Timoti ŋedo ŋei ŋerep doku tautau magu, Tesalonaika matko gemami, Kaisale Magak so Waom Yesu Kristo wane ŋei ŋerep, ŋinane kibi iwa qemaine. 2Kaisale Magak so Yesu Kristoŋo maine wet menaŋ so peyam ŋiboniyake.
Kristo Lotkeyake Naso Yewao Wano Wanok Wakoniyake
3Kimakop, naso baŋem ŋene ŋinane raŋem paki Kaisale bakomine kito okanmaine. Ŋene iwa okanmaine, yemo mayakatne, onokawane ŋinane mali malipŋineŋo zok manerop suwamaike, so wet maep ŋine bonep bonep yewaŋo doku tautau magu okan nagumami, yewaŋo mo zok kakapa suwaine okanmaike. 4Kine eya wane, ŋene ŋedom Kaisale wane doku tautau magu gemami, eŋane keueno ŋene ŋinane don kisi ra mawa ŋune okanmaine, ŋene ra edane mawaŋune okanmaine, yemo ŋaba edo masi worik okanŋunbi, ŋine wikile so wet borik korop geu paki, mali malipŋine mi qorodoŋgi soringeu paki, togogole malipka okoramami paki, umat so wikile kinekine korop teweke okoramami, eya wane.
5Iwa yemo ŋinano kinekine wakonmaike, eyaŋo iwa yale sikangi ŋene kamaine. Kaisale wane wano wanok koboine, eŋe baŋ ŋinano mayake, onoka wane ŋine ŋidom kine mo korop iwa kamami, yalinane, ŋine baŋ gege togon Mat Uruminane kotino wake waket wane rokop maratkaikei wane ŋine wikile kutno gemami. 6Kaisaleŋo detki koboine pamaike, eya wane rokop baŋ okanŋoniyake, ŋine wikile ŋibonmami, ŋei yewa eŋe wikile eboniyake. 7Ŋo wikile detmami, ŋine yemo magunut ŋungi paki, ŋene yaleka okan ŋoniyake, eŋe iwa baŋ okaniyake yemo Waom Yesu eŋine lotkeyake, naso yewao aŋelo magukoune zonominerop loutne eŋerop qeliwo ŋine sari okanŋoniyake. 8Gerep bolamgorop sariki paki Kaisale mi detka okanmami, ŋei yewa so Waomze Yesu Kristo wane Don Maine yewa dere ŋadek okanmami ŋei yaline korop engu matalioniyake. 9Ŋei yewa eŋe turuŋine bori wori wane wikile togogole maratkau Waom kaitino ŋine so zonomine togogolane saraino, ŋine ebu mapok one biraongi arikei. 10Eŋe sariyake, Kaiwe Naso yewao yemo, ŋei ŋerep magukoune korop eŋano ŋine qeli ewe zonom mayakane, so mali malipkorop eŋanoŋine bakom mawa mawa mayakane, ŋine yaleka weneŋ eŋane keuwo okorakei, onokawane ŋene don ŋidangone, yewa ŋine dere malipkakoi, eya wane.
11Kine iwa yale wane, ŋene naso baŋem ŋinane meŋenka okanmaine, ŋene Kaisaleze olatmaine, yemo ŋine gege gekeiwane raki paki, ŋidora newanŋunge, eya wane rokopko gekei wane, olat okanmaine, wane eŋe eŋine zonomŋo maine qesiŋŋungi, kinekine maine korop okangei wane wetkemami, yewa okanwarekei, paki mali malipŋinane urata wele maratka warekei. 12Numa yaleoken okanbi, Waomze Yesu wane eŋetineŋo ŋine ŋibu wiyeyake, ŋo ŋido eŋane eŋetine ma wiyekei, iwa yemo Kaisaleze so Waomze Yesu Kristo qomine rarainane yale okan ŋuniyake, eya ŋene ŋinane meŋenka okanmaine.
Currently Selected:
2 Tesalonaika 1: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
2 Tesalonaika 1
1
1Paulo, Sailas so Timoti ŋedo ŋei ŋerep doku tautau magu, Tesalonaika matko gemami, Kaisale Magak so Waom Yesu Kristo wane ŋei ŋerep, ŋinane kibi iwa qemaine. 2Kaisale Magak so Yesu Kristoŋo maine wet menaŋ so peyam ŋiboniyake.
Kristo Lotkeyake Naso Yewao Wano Wanok Wakoniyake
3Kimakop, naso baŋem ŋene ŋinane raŋem paki Kaisale bakomine kito okanmaine. Ŋene iwa okanmaine, yemo mayakatne, onokawane ŋinane mali malipŋineŋo zok manerop suwamaike, so wet maep ŋine bonep bonep yewaŋo doku tautau magu okan nagumami, yewaŋo mo zok kakapa suwaine okanmaike. 4Kine eya wane, ŋene ŋedom Kaisale wane doku tautau magu gemami, eŋane keueno ŋene ŋinane don kisi ra mawa ŋune okanmaine, ŋene ra edane mawaŋune okanmaine, yemo ŋaba edo masi worik okanŋunbi, ŋine wikile so wet borik korop geu paki, mali malipŋine mi qorodoŋgi soringeu paki, togogole malipka okoramami paki, umat so wikile kinekine korop teweke okoramami, eya wane.
5Iwa yemo ŋinano kinekine wakonmaike, eyaŋo iwa yale sikangi ŋene kamaine. Kaisale wane wano wanok koboine, eŋe baŋ ŋinano mayake, onoka wane ŋine ŋidom kine mo korop iwa kamami, yalinane, ŋine baŋ gege togon Mat Uruminane kotino wake waket wane rokop maratkaikei wane ŋine wikile kutno gemami. 6Kaisaleŋo detki koboine pamaike, eya wane rokop baŋ okanŋoniyake, ŋine wikile ŋibonmami, ŋei yewa eŋe wikile eboniyake. 7Ŋo wikile detmami, ŋine yemo magunut ŋungi paki, ŋene yaleka okan ŋoniyake, eŋe iwa baŋ okaniyake yemo Waom Yesu eŋine lotkeyake, naso yewao aŋelo magukoune zonominerop loutne eŋerop qeliwo ŋine sari okanŋoniyake. 8Gerep bolamgorop sariki paki Kaisale mi detka okanmami, ŋei yewa so Waomze Yesu Kristo wane Don Maine yewa dere ŋadek okanmami ŋei yaline korop engu matalioniyake. 9Ŋei yewa eŋe turuŋine bori wori wane wikile togogole maratkau Waom kaitino ŋine so zonomine togogolane saraino, ŋine ebu mapok one biraongi arikei. 10Eŋe sariyake, Kaiwe Naso yewao yemo, ŋei ŋerep magukoune korop eŋano ŋine qeli ewe zonom mayakane, so mali malipkorop eŋanoŋine bakom mawa mawa mayakane, ŋine yaleka weneŋ eŋane keuwo okorakei, onokawane ŋene don ŋidangone, yewa ŋine dere malipkakoi, eya wane.
11Kine iwa yale wane, ŋene naso baŋem ŋinane meŋenka okanmaine, ŋene Kaisaleze olatmaine, yemo ŋine gege gekeiwane raki paki, ŋidora newanŋunge, eya wane rokopko gekei wane, olat okanmaine, wane eŋe eŋine zonomŋo maine qesiŋŋungi, kinekine maine korop okangei wane wetkemami, yewa okanwarekei, paki mali malipŋinane urata wele maratka warekei. 12Numa yaleoken okanbi, Waomze Yesu wane eŋetineŋo ŋine ŋibu wiyeyake, ŋo ŋido eŋane eŋetine ma wiyekei, iwa yemo Kaisaleze so Waomze Yesu Kristo qomine rarainane yale okan ŋuniyake, eya ŋene ŋinane meŋenka okanmaine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.