1 Tesalonaika 4
4
Gege Koboboineŋo Kaisale Kima Okankayake
1Kimakop, ŋine gege daleo geu, gegeŋine yewaŋo Kaisale kima okan kayakane, ŋenano ŋine kau paki waetne makoi, numa yewa, yemo ŋine mo maine gemami, pakimo iwa yemo ŋene koso ra ŋunmaine, so qebin ŋunŋem, ŋine Waom Yesu wane eŋetko koso manerop okanikei. 2Ŋene suwaineze, Yesu wane eŋetko don kinekine korop ŋidangone, eyamo detwaremami. 3Kaisale wane simileŋo yemo, ŋinane iwa yale dere ŋibon okanmaike, eŋe ŋine koto ŋine libe libe geu paki, borikine yau yaup mama bailalaŋ yewa qeliŋkaulukkei wane ra okanmaike. 4Ŋei bonep bonep ŋine iwa yale desikei, ŋanom weku eyaŋo, koto ŋino libe libe so, ewe kito kito eya wane numao okorakene. 5Bailalaŋ mane wetke more, qelaŋ edo Kaisale mi detkau paki okanmami, yale misuk okanikei. 6Yalinao ŋei maneŋo kimaine ŋerep wane ra misuk matali kayake, me eya wane misuk isikayake, ŋene don iwa yemo mo alakan ŋidangone, ŋene togoleka girem don ŋidane rakone, borikine yaline maikei, ŋei yewa eŋe Waomŋo baŋ turuŋine eboniyake. 7Kaisaleŋo kotoze dika gekenane mi ŋedora newanŋonge, midakaka, kotoze libe libe gekenane newanŋonge. 8Eya wane ŋei mane eŋe don iwa ŋadek kayakeo, eŋe ŋei me ŋenane don mi ŋadek kayake, eŋe Kaisale, ŋadekkayake, so Asuine koboboine ŋibon okanmaike eŋe eya mo weneŋ ŋadek kayake.
9Ŋine kisi maep don dere mali malip korop okangoiŋo, kimakop ŋine wet maep okanonikei wane, don zok mi qe ŋibonikene, Kaisale oŋom kimakop ŋine wet maep daleo okan onikei, eya wane kine mo kito ŋibonge. 10So ŋine kimakopze korop Makedoniya kepeo ge arimami, numa yaleoken okane wet maep okan onmami, ŋo siluŋ kimakop, ŋene koso manerop okanlukeu suwayakane qebin ŋunmaine. 11Ŋine wet dereret ŋine togogole motpi paki, ari sari so don ukat mi okane more mat ŋino doŋmane metlukeu paki, meteŋineŋo ŋinŋine urata mauluke maikei paki, gegeŋine maratkaikei, ŋene alakan don ŋidangone yale okangei. 12Ŋine numa yaleoken okanbi, qelaŋ eŋe ŋune eweŋine kitokei paki, ŋine kinekine mane wane mi ŋaŋaekei.
Waom Sariyakane Don
13Kimakop, ŋene ŋei seukkoi, eŋane don welekatne iwa ŋidanŋem detpi paki, kisi maepene midaineŋo wet borik okan okanmami, yale misuk okanikei. 14Ŋene detlukmaine, yemo Yesu eŋe seukki paki koso wisikae wiyeke, wane ŋene detlukmaine, yemo ŋei Yesu malipkau paki eŋe Kaisaleŋo baŋ Yesurop weneŋ ebuki gege togongo arikei.
15Iwa yemo Waom eŋine don ŋine ŋidanŋem detpi, wisikaune gemami ŋene Waom sariyake, naso yewao ŋei alakane seukkoi, eŋe yuwan one more ŋedo baŋ lewine mi alakanikene. 16Yewao yemo bokawoka suwaine bokaki, aŋelo suwainane don wakongi, Kaisale wane romon taron wakone paki, Waom eŋine baŋ qeliwo ŋine sari kesiyake paki, ŋei mo sogino Kristo detlukkau paki seukkoi, edo gege togon wane alakane wisikae wiyekei. 17Wiyeu, mo ŋene wisikaune gekeneŋo, naso yewao korop baŋ qeturage eŋerop weneŋ kezoŋ kutno wa keuwo Waom marat kaikene, paki ŋene baŋ Waom gorop banine tako rakot ge arikene. 18Eya wane ŋine don iwaŋo wetŋine ma pesekŋungi wet maep okannagu gekei.
Currently Selected:
1 Tesalonaika 4: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Tesalonaika 4
4
Gege Koboboineŋo Kaisale Kima Okankayake
1Kimakop, ŋine gege daleo geu, gegeŋine yewaŋo Kaisale kima okan kayakane, ŋenano ŋine kau paki waetne makoi, numa yewa, yemo ŋine mo maine gemami, pakimo iwa yemo ŋene koso ra ŋunmaine, so qebin ŋunŋem, ŋine Waom Yesu wane eŋetko koso manerop okanikei. 2Ŋene suwaineze, Yesu wane eŋetko don kinekine korop ŋidangone, eyamo detwaremami. 3Kaisale wane simileŋo yemo, ŋinane iwa yale dere ŋibon okanmaike, eŋe ŋine koto ŋine libe libe geu paki, borikine yau yaup mama bailalaŋ yewa qeliŋkaulukkei wane ra okanmaike. 4Ŋei bonep bonep ŋine iwa yale desikei, ŋanom weku eyaŋo, koto ŋino libe libe so, ewe kito kito eya wane numao okorakene. 5Bailalaŋ mane wetke more, qelaŋ edo Kaisale mi detkau paki okanmami, yale misuk okanikei. 6Yalinao ŋei maneŋo kimaine ŋerep wane ra misuk matali kayake, me eya wane misuk isikayake, ŋene don iwa yemo mo alakan ŋidangone, ŋene togoleka girem don ŋidane rakone, borikine yaline maikei, ŋei yewa eŋe Waomŋo baŋ turuŋine eboniyake. 7Kaisaleŋo kotoze dika gekenane mi ŋedora newanŋonge, midakaka, kotoze libe libe gekenane newanŋonge. 8Eya wane ŋei mane eŋe don iwa ŋadek kayakeo, eŋe ŋei me ŋenane don mi ŋadek kayake, eŋe Kaisale, ŋadekkayake, so Asuine koboboine ŋibon okanmaike eŋe eya mo weneŋ ŋadek kayake.
9Ŋine kisi maep don dere mali malip korop okangoiŋo, kimakop ŋine wet maep okanonikei wane, don zok mi qe ŋibonikene, Kaisale oŋom kimakop ŋine wet maep daleo okan onikei, eya wane kine mo kito ŋibonge. 10So ŋine kimakopze korop Makedoniya kepeo ge arimami, numa yaleoken okane wet maep okan onmami, ŋo siluŋ kimakop, ŋene koso manerop okanlukeu suwayakane qebin ŋunmaine. 11Ŋine wet dereret ŋine togogole motpi paki, ari sari so don ukat mi okane more mat ŋino doŋmane metlukeu paki, meteŋineŋo ŋinŋine urata mauluke maikei paki, gegeŋine maratkaikei, ŋene alakan don ŋidangone yale okangei. 12Ŋine numa yaleoken okanbi, qelaŋ eŋe ŋune eweŋine kitokei paki, ŋine kinekine mane wane mi ŋaŋaekei.
Waom Sariyakane Don
13Kimakop, ŋene ŋei seukkoi, eŋane don welekatne iwa ŋidanŋem detpi paki, kisi maepene midaineŋo wet borik okan okanmami, yale misuk okanikei. 14Ŋene detlukmaine, yemo Yesu eŋe seukki paki koso wisikae wiyeke, wane ŋene detlukmaine, yemo ŋei Yesu malipkau paki eŋe Kaisaleŋo baŋ Yesurop weneŋ ebuki gege togongo arikei.
15Iwa yemo Waom eŋine don ŋine ŋidanŋem detpi, wisikaune gemami ŋene Waom sariyake, naso yewao ŋei alakane seukkoi, eŋe yuwan one more ŋedo baŋ lewine mi alakanikene. 16Yewao yemo bokawoka suwaine bokaki, aŋelo suwainane don wakongi, Kaisale wane romon taron wakone paki, Waom eŋine baŋ qeliwo ŋine sari kesiyake paki, ŋei mo sogino Kristo detlukkau paki seukkoi, edo gege togon wane alakane wisikae wiyekei. 17Wiyeu, mo ŋene wisikaune gekeneŋo, naso yewao korop baŋ qeturage eŋerop weneŋ kezoŋ kutno wa keuwo Waom marat kaikene, paki ŋene baŋ Waom gorop banine tako rakot ge arikene. 18Eya wane ŋine don iwaŋo wetŋine ma pesekŋungi wet maep okannagu gekei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.