1 Tesalonaika 3
3
Pauloŋo Timoti Talekaki Tesalonaika Ma Togole Oniyakane Arike
1Ŋene yewa koso kiroine mi ma okorakenane rokop okange, pakiso ŋene ŋenzeka Atens mesikenane rakone. 2Ŋo kimaze Timoti eŋe yemo talekaŋem uke, eŋe ŋenerop Kaisale wane urata maki paki Kristo wane, kisi maep don yewa ra okanmaike, ŋene talekaŋem ŋinano uke, yemo matogole ŋuniyakane so mali malipŋine qesiŋkaki ma togole more togoleka okorakei wane. 3Paki, ŋinano ŋine natneŋo peleke more, mi zingekei, onoka wane wikile wakile so umat pamaike eya wane, ŋine ŋidom mo detmami, wikile wakile yaline eya yemo Kaisale wane dereret so numa me gege sotakine, ŋene yalinerop weneŋ okora urata maikenane maine detmaike. 4Ŋene ŋinerop gekone, naso yewao mo alakan ŋidane rakone, ŋene wikile wakile baŋ okanŋonikei, wane ŋine mo detluk waremami, ŋidangone eya wane rokop wakon waremaike. 5Na yalinane rawe paki, Timoti talekawe uke, na yewa maine mi ma okorawe rap, eso eya wane mali malipŋinane kine kayakane talekawe uke, welekatne, Liwe liwek ŋeiŋo mo liwek ŋungi rap, paki kelok okanŋungi, paki maki ŋenane urata eya, mo korop wele midaine okane, mida leleki rap, eya desikalane Timoti talekawe uke.
Timotiŋo Donkisi Maine Masariki, Pauloŋo Wetpesek Detke
6Timotiŋo ŋinano ŋine mo zinge ŋenano sari lotkike, eso eŋe ŋinane don kisi maine yewa ma sariki paki, mali malipŋinane so wet maep ŋinane don ŋedange. Ŋine naso baŋem ŋenane detpi menaŋ okanmaike, so ŋene ŋine ŋunikenane ŋon okanmaike, rokop yalewaka ŋine ŋene ŋonikei wane ŋun okanmaike, eya wane donkisi ŋedangi detwarekone. 7Eso umat kinekine so wikile wakileŋo kotozo wikile ŋebongi dere geŋem kimakop, ŋinane kisi maep don ma gege ŋinane donŋo ma togoleŋonge, ŋinane mali malipŋineŋo ŋene ma togoleŋonge. 8Onoka wane, ŋine gegeŋine Waom wano motpi paki, togole okorakeiwo, ukude ŋene gege wele gekene. 9Ukude ŋene maine ŋinane raŋem paki, Kaisale bakomine kitokene, ŋene eŋe bakomine kitokene, yemo onoka wane mida, ŋene ŋinane ra more wet menaŋ suwaine Kaisalezane kaitko magemaine, eya wane. 10So ŋene kaiweo so ruwoo, ŋene eŋe ŋenze wetze kotinoŋine korop olat okanmaine, yemo detŋongi uŋunŋem paki, mali malipŋine midawe raki, koso takotke ma togole ŋibongenane.
Kisi Maep Eŋano Wakone Pa Togoleyakane Pauloŋo Meŋenkake
11Kaisale Magaze oŋom, so Waomze Yesu Kristo etom maine ŋenane numaze ma suwatkeuk koso ŋinano sarikene! 12Waomŋo ŋinano eŋine wet maep ŋineŋo maine maki, ŋidomka eŋane wet maepko kima kima okangei, so ŋei ŋerep korop ŋine Waom eŋe oŋom maki eŋane wet maep eyaŋo ŋinao suwa ariyake, paki kakapa okangi, ŋene ŋine wet maep okanŋun okanmaine, yale okanikei. 13Numa yalewa oken okangi paki, eŋe baŋ maki ŋinane mali malipŋine eya togoleyake, so ŋine baŋ koboboine so libe qot qole okanikei, paki, Kaisale so Magazane kaitko okorau baŋ Waomze Yesu sariyake, naso eyao eŋine biŋek so magukoune okangene.
Currently Selected:
1 Tesalonaika 3: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Tesalonaika 3
3
Pauloŋo Timoti Talekaki Tesalonaika Ma Togole Oniyakane Arike
1Ŋene yewa koso kiroine mi ma okorakenane rokop okange, pakiso ŋene ŋenzeka Atens mesikenane rakone. 2Ŋo kimaze Timoti eŋe yemo talekaŋem uke, eŋe ŋenerop Kaisale wane urata maki paki Kristo wane, kisi maep don yewa ra okanmaike, ŋene talekaŋem ŋinano uke, yemo matogole ŋuniyakane so mali malipŋine qesiŋkaki ma togole more togoleka okorakei wane. 3Paki, ŋinano ŋine natneŋo peleke more, mi zingekei, onoka wane wikile wakile so umat pamaike eya wane, ŋine ŋidom mo detmami, wikile wakile yaline eya yemo Kaisale wane dereret so numa me gege sotakine, ŋene yalinerop weneŋ okora urata maikenane maine detmaike. 4Ŋene ŋinerop gekone, naso yewao mo alakan ŋidane rakone, ŋene wikile wakile baŋ okanŋonikei, wane ŋine mo detluk waremami, ŋidangone eya wane rokop wakon waremaike. 5Na yalinane rawe paki, Timoti talekawe uke, na yewa maine mi ma okorawe rap, eso eya wane mali malipŋinane kine kayakane talekawe uke, welekatne, Liwe liwek ŋeiŋo mo liwek ŋungi rap, paki kelok okanŋungi, paki maki ŋenane urata eya, mo korop wele midaine okane, mida leleki rap, eya desikalane Timoti talekawe uke.
Timotiŋo Donkisi Maine Masariki, Pauloŋo Wetpesek Detke
6Timotiŋo ŋinano ŋine mo zinge ŋenano sari lotkike, eso eŋe ŋinane don kisi maine yewa ma sariki paki, mali malipŋinane so wet maep ŋinane don ŋedange. Ŋine naso baŋem ŋenane detpi menaŋ okanmaike, so ŋene ŋine ŋunikenane ŋon okanmaike, rokop yalewaka ŋine ŋene ŋonikei wane ŋun okanmaike, eya wane donkisi ŋedangi detwarekone. 7Eso umat kinekine so wikile wakileŋo kotozo wikile ŋebongi dere geŋem kimakop, ŋinane kisi maep don ma gege ŋinane donŋo ma togoleŋonge, ŋinane mali malipŋineŋo ŋene ma togoleŋonge. 8Onoka wane, ŋine gegeŋine Waom wano motpi paki, togole okorakeiwo, ukude ŋene gege wele gekene. 9Ukude ŋene maine ŋinane raŋem paki, Kaisale bakomine kitokene, ŋene eŋe bakomine kitokene, yemo onoka wane mida, ŋene ŋinane ra more wet menaŋ suwaine Kaisalezane kaitko magemaine, eya wane. 10So ŋene kaiweo so ruwoo, ŋene eŋe ŋenze wetze kotinoŋine korop olat okanmaine, yemo detŋongi uŋunŋem paki, mali malipŋine midawe raki, koso takotke ma togole ŋibongenane.
Kisi Maep Eŋano Wakone Pa Togoleyakane Pauloŋo Meŋenkake
11Kaisale Magaze oŋom, so Waomze Yesu Kristo etom maine ŋenane numaze ma suwatkeuk koso ŋinano sarikene! 12Waomŋo ŋinano eŋine wet maep ŋineŋo maine maki, ŋidomka eŋane wet maepko kima kima okangei, so ŋei ŋerep korop ŋine Waom eŋe oŋom maki eŋane wet maep eyaŋo ŋinao suwa ariyake, paki kakapa okangi, ŋene ŋine wet maep okanŋun okanmaine, yale okanikei. 13Numa yalewa oken okangi paki, eŋe baŋ maki ŋinane mali malipŋine eya togoleyake, so ŋine baŋ koboboine so libe qot qole okanikei, paki, Kaisale so Magazane kaitko okorau baŋ Waomze Yesu sariyake, naso eyao eŋine biŋek so magukoune okangene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.