1 Tesalonaika 2
2
Pauloŋo Tesalonaika Matko Kisi Maep Urata Makoi Eya Wane Don Rake
1Ŋine ŋidom mo detmami, kimakop, ŋene ŋine qeyare ŋungone yewa wele midaine mi okange. 2Alakan Pilipi matko ŋengu kito okangoi, so dongo biraŋonbi, ŋene ŋado ŋinano Tesalonaika matko sarikone, ŋine eya mo detmami, ŋo ŋenane Kaisaleŋo yemo eŋinoŋine kisi maep don sarike, yewa ŋine ŋidanikenane zonom ŋebongi, ŋene ŋaba eŋane kaet mi okangone, midakaka, ŋene sorin borin okane u more ra wakone ŋidangone. 3Ŋene don ŋidanmaine, yewa dere siuk kutno mida, me wet siuk, me ŋene ikopka more ŋei natne mi isi ŋunmaine, midakaka! 4Eya wane turuŋine yemo ŋei naso baŋem Kaisaleŋo detŋongi ra okanmaine, onoka wane, eŋe ŋongi menaŋgi kisi maep don iwa raikenane ra ŋebonge, ŋei edo ŋenane uratazane detpi, menageyakane mida, Kaisaleŋo detki menageyakane, oŋo ŋenane wetzane kine mo liwekka detka okanmaike. 5Ŋine mo detluk waremami, ŋene ŋinano sari more donzeŋo kelok mi okan ŋungone, me donŋo wesi aboŋ wane qom riwe riwe yewa mi kawetka ŋidangone, Kaisaleŋo ŋenane kine detlukmaike! 6Ŋene ŋei maneŋo eŋetze ŋedora mawa ŋoniyake, me ŋido, me ŋei natne edo, eya wane mi rakone. 7Welekatne, ŋene Kristo wane aposolo gemaine, eya wane ŋido mawa ŋonikei wane ŋene maine ra ŋunŋem rap, ŋo siluŋ ŋene ŋinerop ketkele gekone, ketkele geŋem paki, nabokŋo medewekoune kito qesiŋ ebu okanmaike, rokop yalewa okan ŋungone. 8Onoka wane ŋene ŋinane simileze pakane, ŋene eweke more, ŋinerop kisi maep don Kaisale wano ŋine yewaka ŋidanikenane mida, ŋene gegeze ŋinane qikkaikenane weneŋ ewekkone, onoka wane ŋinane wetze zok pake eya wane! 9Welekatne ŋine mo detmami, kimakop, ŋene urata togogole wikilerop makone! Ŋene wikile ŋibonŋem bauŋine wayakane raŋem paki kaiweo, so ruwo me sola wane urata weneŋ gereunerop makone, yewa mama mama so Kaisale wanoŋine kisi maep don yewa weneŋ ŋidangone.
10Ŋine mo detmami, Kaisale eŋe yaleka detmaike, ŋene ŋinanoken tanik manik maŋem ka more malip kakoi, yemo libeka, koboboine, so sot midaine. 11Ŋine detmami, Magak maneŋo eŋine gipon borasokoune okanon okanmaike, rokop yalewaka ŋedo ŋine okanŋunŋem paki, weku weku ŋibu don girem ŋidan warekone. 12Ŋene ŋidane ma togole ŋungone, ŋene wetŋine ma pesekone, so takotke gege ŋineŋo geu, Kaisale kima okan kayakane qebin ŋungone, oŋo ŋidora newanŋune okanmaike, eŋinerop gekei wane so eŋine Gege Togon Mat Urumgo so qeli ewe zonom kotino.
Kaisale Wane Don Wane Wikile Kumunam Makoi
13Sogine ŋene Kaisale bakomine kito okanikei wane ŋidangone, so kine mane iwa yale, eya wane ŋene yaleka naso baŋem Kaisale bakomine kito okanmaine, ŋene Kaisale wane don ŋinano ma sari ŋidanŋem, ŋine yewa detpi paki ma nogankakoi, eyamo ŋei mane wane don yale midakaka, ŋo yemo Kaisale wane don welekatne iwa pamaike, yewa ma nogan kakoi, ŋei Kaisale malipka okanmami, ŋinane kotoŋino urata ma okanmaike. 14Ŋine, naŋane kimakopne, ŋinano masi tanik wakonmaike, masi tanik weku yewaka Kaisale wane doku tautau magu, Yuda kepeo gemami, eŋano wakonge, ŋei ŋerep yewa eŋe Kristo Yesu wane magu, ŋine ŋinŋine matŋine wekuwo ŋine, ŋei yewa edo wikile ŋibonmami, rokop weku yewaka eŋe Yuda ŋei kimakopene edom wikile ebongoi. 15Eŋe Waom Yesu qeu paki propet engukoi, eso koso ŋene ŋengu esopŋon okanŋongoi, eŋe Kaisale kima mi okanka okanmami, eŋe kisi maep ŋei korop ŋabaon okanmami! 16Eŋe soringeu paki kitatŋongoi, ŋene qelaŋ ŋei kisi maep don edanŋem, eyaŋo koso ebuki maine menageu rap, masi yaline ma okangoi, iwa yemo sotene naso baŋem borikine kutno ma wakoi, paki yekuwat namo Kaisale wane busuŋo ŋado qoe kuteno wake pamaike, eyaŋo enguki mida lelekei.
Paulo Eŋe Koso Eseŋake Manerop Qeyare Oniyakane Wetkeke
17Eso ŋene qeliŋ ŋungone, yemo kimakop, wet korop mi qeliŋ ŋungone, yemo solaŋoka qeliŋŋune, nasomde bamgoka biraŋune gemaine, paki wetzeŋo yemo ŋinano pamaikane, ŋene koso ŋine manerop ŋunikenane zok urata suwaine makone! 18Ŋene ŋinano koso zinge ukenane ŋonge, na Pauloŋo atakine atakine ukalane soringekole, ŋo Ŋei Borikineŋo numa kitatŋongi mi ukone. 19Ŋado baŋ koso Waom lotkeyake, naso yemo ŋine, natne eŋane ketkele mi okangei, midakaka! Ŋene baŋ ŋinanoka gege maikene, ŋene eya wane wetze ŋinaneka pamaike, ŋene baŋ nasoo gege togon ge ari gekene, eya mo ŋene ŋinanoka, yemo kine iwa yale wane, Waomze Yesu Kristo ŋado koso zinge sariki, ŋenzarek orodoŋ kaitino okorakene, yewao yemo ŋene ŋido ŋenane oi bakomze kakapa suwaine baŋ tebakau sariyake. 20Welekakatne, ŋine ŋenane mawa mawaze so ŋenane oi bakomkopze! Baŋ kakapa suwaine manerop ma wa-one ŋebongei.
Currently Selected:
1 Tesalonaika 2: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
1 Tesalonaika 2
2
Pauloŋo Tesalonaika Matko Kisi Maep Urata Makoi Eya Wane Don Rake
1Ŋine ŋidom mo detmami, kimakop, ŋene ŋine qeyare ŋungone yewa wele midaine mi okange. 2Alakan Pilipi matko ŋengu kito okangoi, so dongo biraŋonbi, ŋene ŋado ŋinano Tesalonaika matko sarikone, ŋine eya mo detmami, ŋo ŋenane Kaisaleŋo yemo eŋinoŋine kisi maep don sarike, yewa ŋine ŋidanikenane zonom ŋebongi, ŋene ŋaba eŋane kaet mi okangone, midakaka, ŋene sorin borin okane u more ra wakone ŋidangone. 3Ŋene don ŋidanmaine, yewa dere siuk kutno mida, me wet siuk, me ŋene ikopka more ŋei natne mi isi ŋunmaine, midakaka! 4Eya wane turuŋine yemo ŋei naso baŋem Kaisaleŋo detŋongi ra okanmaine, onoka wane, eŋe ŋongi menaŋgi kisi maep don iwa raikenane ra ŋebonge, ŋei edo ŋenane uratazane detpi, menageyakane mida, Kaisaleŋo detki menageyakane, oŋo ŋenane wetzane kine mo liwekka detka okanmaike. 5Ŋine mo detluk waremami, ŋene ŋinano sari more donzeŋo kelok mi okan ŋungone, me donŋo wesi aboŋ wane qom riwe riwe yewa mi kawetka ŋidangone, Kaisaleŋo ŋenane kine detlukmaike! 6Ŋene ŋei maneŋo eŋetze ŋedora mawa ŋoniyake, me ŋido, me ŋei natne edo, eya wane mi rakone. 7Welekatne, ŋene Kristo wane aposolo gemaine, eya wane ŋido mawa ŋonikei wane ŋene maine ra ŋunŋem rap, ŋo siluŋ ŋene ŋinerop ketkele gekone, ketkele geŋem paki, nabokŋo medewekoune kito qesiŋ ebu okanmaike, rokop yalewa okan ŋungone. 8Onoka wane ŋene ŋinane simileze pakane, ŋene eweke more, ŋinerop kisi maep don Kaisale wano ŋine yewaka ŋidanikenane mida, ŋene gegeze ŋinane qikkaikenane weneŋ ewekkone, onoka wane ŋinane wetze zok pake eya wane! 9Welekatne ŋine mo detmami, kimakop, ŋene urata togogole wikilerop makone! Ŋene wikile ŋibonŋem bauŋine wayakane raŋem paki kaiweo, so ruwo me sola wane urata weneŋ gereunerop makone, yewa mama mama so Kaisale wanoŋine kisi maep don yewa weneŋ ŋidangone.
10Ŋine mo detmami, Kaisale eŋe yaleka detmaike, ŋene ŋinanoken tanik manik maŋem ka more malip kakoi, yemo libeka, koboboine, so sot midaine. 11Ŋine detmami, Magak maneŋo eŋine gipon borasokoune okanon okanmaike, rokop yalewaka ŋedo ŋine okanŋunŋem paki, weku weku ŋibu don girem ŋidan warekone. 12Ŋene ŋidane ma togole ŋungone, ŋene wetŋine ma pesekone, so takotke gege ŋineŋo geu, Kaisale kima okan kayakane qebin ŋungone, oŋo ŋidora newanŋune okanmaike, eŋinerop gekei wane so eŋine Gege Togon Mat Urumgo so qeli ewe zonom kotino.
Kaisale Wane Don Wane Wikile Kumunam Makoi
13Sogine ŋene Kaisale bakomine kito okanikei wane ŋidangone, so kine mane iwa yale, eya wane ŋene yaleka naso baŋem Kaisale bakomine kito okanmaine, ŋene Kaisale wane don ŋinano ma sari ŋidanŋem, ŋine yewa detpi paki ma nogankakoi, eyamo ŋei mane wane don yale midakaka, ŋo yemo Kaisale wane don welekatne iwa pamaike, yewa ma nogan kakoi, ŋei Kaisale malipka okanmami, ŋinane kotoŋino urata ma okanmaike. 14Ŋine, naŋane kimakopne, ŋinano masi tanik wakonmaike, masi tanik weku yewaka Kaisale wane doku tautau magu, Yuda kepeo gemami, eŋano wakonge, ŋei ŋerep yewa eŋe Kristo Yesu wane magu, ŋine ŋinŋine matŋine wekuwo ŋine, ŋei yewa edo wikile ŋibonmami, rokop weku yewaka eŋe Yuda ŋei kimakopene edom wikile ebongoi. 15Eŋe Waom Yesu qeu paki propet engukoi, eso koso ŋene ŋengu esopŋon okanŋongoi, eŋe Kaisale kima mi okanka okanmami, eŋe kisi maep ŋei korop ŋabaon okanmami! 16Eŋe soringeu paki kitatŋongoi, ŋene qelaŋ ŋei kisi maep don edanŋem, eyaŋo koso ebuki maine menageu rap, masi yaline ma okangoi, iwa yemo sotene naso baŋem borikine kutno ma wakoi, paki yekuwat namo Kaisale wane busuŋo ŋado qoe kuteno wake pamaike, eyaŋo enguki mida lelekei.
Paulo Eŋe Koso Eseŋake Manerop Qeyare Oniyakane Wetkeke
17Eso ŋene qeliŋ ŋungone, yemo kimakop, wet korop mi qeliŋ ŋungone, yemo solaŋoka qeliŋŋune, nasomde bamgoka biraŋune gemaine, paki wetzeŋo yemo ŋinano pamaikane, ŋene koso ŋine manerop ŋunikenane zok urata suwaine makone! 18Ŋene ŋinano koso zinge ukenane ŋonge, na Pauloŋo atakine atakine ukalane soringekole, ŋo Ŋei Borikineŋo numa kitatŋongi mi ukone. 19Ŋado baŋ koso Waom lotkeyake, naso yemo ŋine, natne eŋane ketkele mi okangei, midakaka! Ŋene baŋ ŋinanoka gege maikene, ŋene eya wane wetze ŋinaneka pamaike, ŋene baŋ nasoo gege togon ge ari gekene, eya mo ŋene ŋinanoka, yemo kine iwa yale wane, Waomze Yesu Kristo ŋado koso zinge sariki, ŋenzarek orodoŋ kaitino okorakene, yewao yemo ŋene ŋido ŋenane oi bakomze kakapa suwaine baŋ tebakau sariyake. 20Welekakatne, ŋine ŋenane mawa mawaze so ŋenane oi bakomkopze! Baŋ kakapa suwaine manerop ma wa-one ŋebongei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.