El Apocalipsis 5
5
Ni tnii Lelu ia Dios tutu
1Yun te ni jini san ia nukoo nuu mesa nuu tatnuni ya, te ndaꞌa kuaꞌa ya tnii ya in tutu kani ja ñutuu. Te yoso tnoꞌo nduu jioo nuu tutu yun, te ndesi guaꞌa jin uja ñuma ja kuu seyu ja yitnuni. 2Te suni ni jini san in ia ndakui ja jinokuechi nuu ia Dios ja kana jaa ya, jikan tnoꞌo ya:
―¿Na in kuu ja kanuu ja ndiso tniuu ja kuu kaꞌnde ñuma ja kuu seyu, te ndakune nuu tutu yaꞌa? ―kachi ya.
3Su vini andivi ni ñuyiu, te ni ñayiu ni ka jiꞌi, tu na in ndiso tniuu ja kuu ndakune nuu tutu yaꞌa ja kaꞌu. 4Te ni jaku ndevaꞌa san ja tnaꞌu ini san, chi vi ni in tu na in kanuu ja ndiso tniuu ja kuu ndakune nuu tutu yun ja kaꞌu, te ni ja kondiaꞌa. 5Yun te ni kaꞌan in ia kuu nijaꞌnu yun jin san, te kachi ya:
―Ma kuaku ni, chi oo maa Ndikaꞌa ja kuu tatatnoꞌo Judá, ndikin tata rey David, ja ni kundee ya nuu jakueꞌe, te ndiso tniuu maa ya ja kuu kaꞌnde ya ndi uja ñuma ja kuu seyu ja yitnuni nuu tutu, te ndakune ya nuu tutu yaꞌa ―kachi ya nuu san.
6Yun te ni jini san ja maꞌñu sagua mesa nuu tatnuni vi nuu ka oo ndi kuun ia ka teku, maꞌñu ia ka kuu nijaꞌnu yun, nukuiin in Lelu ia Dios ja vi naꞌa ka nuu ni tuji ja ni ka jaꞌni ña jin ti. Te oo uja ndiki vi uja nduchi nuu Lelu yun, ja kuu ndi uja espíritu ia Dios ja ni tetniuu ya nii ñuyiu. 7Te ni jaꞌan Lelu yun, te ni tnii ti tutu ja yoso ndaꞌa ia nukoo nuu mesa nuu tatnuni ya ichi ndaꞌa kuaꞌa ya. 8Te nuu ni tnii ti tutu yun, te ni ka jinkuiin jiti ndi kuun ia ka teku jin ndi oko kuun ia ka kuu nijaꞌnu nuu Lelu yun. Te ndiꞌi ka nee arpa, vi ka nee koꞌo ja ka kuu oro, ja ka ñuꞌu chitu suja vixin, te suja yun kuu taka tnoꞌo ja ka ndakuatu ñayiu maa ia Dios. 9Te ni ka jita ya in yaa jaa, ja kaꞌan suaꞌa:
Kanuu maa ni, ja tnii ni tutu yaꞌa,
te kaꞌnde ni ñuma ja kuu seyu ja yitnuni tutu yaꞌa.
Chi ni ka jaꞌni ña ñayiu jin ni,
te jin niñi ni ni ndakiꞌin ni ñayiu ndiꞌi tatatnoꞌo,
vi ndiꞌi nuu saꞌan vi ndiꞌi ñuu, ja vi kokui ñayiu maa ia Dios.
10Te ni saꞌa ni ja vi kokui rey vi sutu nuu maa ia Dios,
te vi kotatnuni nuu ñuyiu.
11Yun te ni ndiaꞌa san, te ni jini san ja ka kaꞌan kuaꞌa ia ka jinokuechi nuu Dios xiin nuu oo mesa tatnuni, nuu ka oo ia ka teku vi ia ka kuu nijaꞌnu. Te ka oo kuaꞌa ndevaꞌa ndetnuni ia ka jinokuechi yun. 12Te ka kana jaa ya:
Lelu ni tuji ja ni ka jaꞌni ña jin ti kuu ya.
Te kanuu ja niꞌi ya jakaꞌnu, jakuika,
jandichi, vi jandakui,
vi jayiñuꞌu vi jayeꞌe tajan,
te na vi kaꞌon ja ia vii ia vaꞌa kuu ya.
Ka kachi ya.
13Te suni ni jini san ja ka kaꞌan ndiꞌi ja ni saꞌa ia Dios ja ka oo andivi vi nuu ñuꞌu, vi ñayiu ni ka jiꞌi, vi ja ka ñuꞌu nuu ndute mar, vi ndiꞌi tuꞌu ka kaꞌan suaꞌa:
Nuu ia nukoo nuu mesa ja tatnuni vi nuu Lelu maa ia Dios,
na vi kaꞌon ja ia vii ia vaꞌa kuu ya,
te na koo jayiñuꞌu vi jayeꞌe tajan
vi jakaꞌnu nuu ya nikuii nikani.
14Te ndi kuun ia ka teku yun ka kaꞌan:
―Saa na kokuu.
Te ni ka jinkuiin jiti ndi oko kuun ia ka kuu nijaꞌnu yun, te ni ka chiñuꞌu ya ia teku nikuii nikani.
Currently Selected:
El Apocalipsis 5: xtnNTplus
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
