Popular Bible Verses from El Apocalipsis 5

Share

Te ni ka jita ya in yaa jaa, ja kaꞌan suaꞌa: Kanuu maa ni, ja tnii ni tutu yaꞌa, te kaꞌnde ni ñuma ja kuu seyu ja yitnuni tutu yaꞌa. Chi ni ka jaꞌni ña ñayiu jin ni, te jin niñi ni ni ndakiꞌin ni ñayiu ndiꞌi tatatnoꞌo, vi ndiꞌi nuu saꞌan vi ndiꞌi ñuu, ja vi kokui ñayiu maa ia Dios.

Te ka kana jaa ya: Lelu ni tuji ja ni ka jaꞌni ña jin ti kuu ya. Te kanuu ja niꞌi ya jakaꞌnu, jakuika, jandichi, vi jandakui, vi jayiñuꞌu vi jayeꞌe tajan, te na vi kaꞌon ja ia vii ia vaꞌa kuu ya. Ka kachi ya.

Te ni saꞌa ni ja vi kokui rey vi sutu nuu maa ia Dios, te vi kotatnuni nuu ñuyiu.

Te suni ni jini san ja ka kaꞌan ndiꞌi ja ni saꞌa ia Dios ja ka oo andivi vi nuu ñuꞌu, vi ñayiu ni ka jiꞌi, vi ja ka ñuꞌu nuu ndute mar, vi ndiꞌi tuꞌu ka kaꞌan suaꞌa: Nuu ia nukoo nuu mesa ja tatnuni vi nuu Lelu maa ia Dios, na vi kaꞌon ja ia vii ia vaꞌa kuu ya, te na koo jayiñuꞌu vi jayeꞌe tajan vi jakaꞌnu nuu ya nikuii nikani.

Yun te ni kaꞌan in ia kuu nijaꞌnu yun jin san, te kachi ya: ―Ma kuaku ni, chi oo maa Ndikaꞌa ja kuu tatatnoꞌo Judá, ndikin tata rey David, ja ni kundee ya nuu jakueꞌe, te ndiso tniuu maa ya ja kuu kaꞌnde ya ndi uja ñuma ja kuu seyu ja yitnuni nuu tutu, te ndakune ya nuu tutu yaꞌa ―kachi ya nuu san.