Zabúr 16
16
Dáúd ká Miktám.
1Ai Ḳhudá, merí hifázat kar, kyúṉki maiṉ tujh hí meṉ panáh letá húṉ.
2Maiṉ ne Ḳhudáwand se kahá hai, Tú hí Rabb hai:
Tere siwá merí bhaláí nahíṉ.
3Zamín ke muqaddas log wuh barguzída haiṉ,
Jin meṉ merí púrí ḳhushnúdí hai.
4G̣airma‘búdoṉ ke píchhe dauṛnewáloṉ ká g̣am baṛh jáegá:
Maiṉ un ke se ḳhúnwále tapáwan nahíṉ tapáúṉgá,
Aur apne hoṉṭhoṉ se un ke nám nahíṉ lúṉgá.
5 Ḳhudáwand hí merí mírás aur mere piyále ká hissa hai:
Tú mere baḳhre ká muháfiz hai.
6Jaríb mere liye dilpasand jagahoṉ meṉ paṛí,
Balki merí mírás ḳhúb hai.
7Maiṉ Ḳhudáwand kí hamd karúṉgá jis ne mujhe nasíhat dí hai;
Balki merá dil rát ko merí tarbiyat kartá hai.
8Maiṉ ne Ḳhudáwand ko hamesha apne sámne rakkhá hai:
Chúṉki wuh mere dahine háth hai is liye mujhe jumbish na hogí.
9Isí sabab se merá dil ḳhush aur merí rúh shádmán hai:
Merá jism bhí amn o amán meṉ rahegá.
10Kyúṉki tú na merí ján ko pátál meṉ rahne degá;
Na apne muqaddas ko saṛne degá.
11Tú mujhe zindagí kí ráh dikháegá:
Tere huzúr meṉ kámil shádmání hai:
Tere dahine háth meṉ dáimí ḳhushí hai.
Currently Selected:
Zabúr 16: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
