Zabúr 149
149
1 Ḳhudáwand kí hamd karo.
Ḳhudáwand ke huzúr nayá gít gáo,
Aur muqaddasoṉ ke majma‘ meṉ us kí madhsaráí karo.
2Isráíl apne ḳháliq meṉ shádmán rahe:
Farzandán i Siyyún apne bádsháh ke sabab se shádmán hoṉ.
3Wuh náchte húe us ke nám kí sitáish kareṉ:
Wuh daf aur sitár par us kí madhsaráí kareṉ.
4Kyúṉki Ḳhudáwand apne logoṉ se ḳhushnúd rahtá hai:
Wuh halímoṉ ko naját se zínat baḳhshegá.
5Muqaddas log jalál par faḳhr kareṉ:
Wuh apne bistaroṉ par ḳhushí se nag̣masaráí kareṉ.
6Un ke muṉh meṉ Ḳhudá kí tamjíd,
Aur háth meṉ dodhárí talwár ho;
7Táki qaumoṉ se intiqám leṉ,
Aur ummatoṉ ko sazá deṉ;
8Un ke bádsháhoṉ ko zanjíroṉ se jakṛeṉ,
Aur un ke sardároṉ ko lohe kí beṛiyáṉ pahináeṉ;
9Táki un ko wuh sazá deṉ jo marqúm hai:
Us ke sab muqaddasoṉ ko yih sharf hásil hai.
Ḳhudáwand kí hamd karo.
Currently Selected:
Zabúr 149: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
