Amsál 8
8
1Kyá hikmat pukár nahíṉ rahí,
Aur fahm áwáz baland nahíṉ kar rahá?
2Wuh ráh ke kanáre kí úṉchí jagahoṉ kí choṭiyoṉ par,
Jaháṉ saṛakeṉ miltí haiṉ, khaṛí hotí hai;
3Pháṭakoṉ ke pás shahr ke madḳhal par,
Ya‘ní darwázoṉ ke madḳhal par wuh zor se pukártí hai:
4Ai ádmío, maiṉ tum ko pukártí húṉ,
Aur baní Ádam ko áwáz detí húṉ.
5Ai sádadilo, hoshyárí síkho;
Aur ai ahmaqo, dánádil bano.
6Suno, kyúṉki maiṉ latíf báteṉ kahúṉgí,
Aur mere laboṉ se rástí kí báteṉ nikleṉgí.
7Is liye ki merá muṉh sachcháí ko bayán karegá,
Aur mere hoṉṭhoṉ ko sharárat se nafrat hai.
8Mere muṉh kí sab báteṉ sadáqat kí haiṉ.
Un meṉ kuchh ṭeṛhá tirchhá nahíṉ hai.
9Samajhnewále ke liye wuh sab sáf haiṉ,
Aur ‘ilm hásil karnewáloṉ ke liye rást haiṉ.
10Chándí ko nahíṉ balki merí tarbiyat ko qubúl karo,
Aur kundan se baṛhkar ‘ilm ko.
11Kyúṉki hikmat marján se afzal hai,
Aur sab marg̣úb chízoṉ meṉ benazír.
12Mujh hikmat ne hoshyárí ko apná maskan banáyá hai,
Aur ‘ilm aur tamíz ko pá letí húṉ.
13 Ḳhudáwand ká ḳhauf badí se ‘adáwat hai.
G̣urúr aur ghamanḍ aur burí ráh,
Aur kajgo muṉh se mujhe nafrat hai.
14Mashwarat aur himáyat merí haiṉ;
Fahm maiṉ hí húṉ; mujh meṉ qudrat hai.
15Merí badaulat bádsháh saltanat karte,
Aur umará insáf ká fatwá dete haiṉ.
16Merí hí badaulat hákim hukúmat karte haiṉ,
Aur sardár ya‘ní dunyá ke sab qází bhí.
17Jo mujh se mahabbat rakhte haiṉ maiṉ un se mahabbat rakhtí húṉ,
Aur jo mujhe dil se ḍhúṉḍhte haiṉ wuh mujhe pá leṉge.
18Daulat o ‘izzat mere sáth haiṉ,
Balki dáimí daulat aur sadáqat.
19Merá phal sone se, balki kundan se bhí bihtar hai,
Aur merá hásil ḳhális chándí se.
20Maiṉ sadáqat kí ráh par
Insáf ke rástoṉ meṉ chaltí húṉ:
21Táki maiṉ un ko jo mujh se mahabbat rakhte haiṉ mál ke wáris banáúṉ,
Aur un ke ḳhazánoṉ ko bhar dúṉ.
22 Ḳhudáwand ne intizám i ‘álam ke shurú‘ meṉ
Apní qadímí san‘atoṉ se pahle mujhe paidá kiyá.
23Maiṉ azal se ya‘ní ibtidá hí se muqarrar húí,
Is se pahle kí zamín thí.
24Maiṉ us waqt paidá húí jab gahráo na the,
Jab pání se bhare húe chashme bhí na the.
25Maiṉ paháṛoṉ ke qáim kiye jáne se pahle,
Aur ṭíloṉ se pahle ḳhalq húí.
26Jab ki us ne abhí na zamín ko banáyá thá, na maidánoṉ ko,
Aur na zamín kí ḳhák kí ibtidá thí.
27Jab us ne ásmán ko qáim kiyá, maiṉ wahíṉ thí:
Jab us ne samundar kí sath par dáira kheṉchá:
28Jab us ne úpar aflák ko ustuwár kiyá,
Aur gahráo ke sote mazbút ho gaye:
29Jab us ne samundar kí hadd ṭhahráí,
Táki pání us ke hukm ko na toṛe;
Jab us ne zamín kí bunyád ke nishán lagáe:
30Us waqt máhir kárígar kí mánind maiṉ us ke pás thí:
Aur maiṉ har roz us kí ḳhushnúdí thí,
Aur hamesha us ke huzúr shádmán rahtí thí;
31Ábádí ke láiq zamín se shádmán thí;
Aur merí ḳhushnúdí baní Ádam kí suhbat meṉ thí.
32Is liye, ai beṭo, merí suno:
Kyúṉki mubárak haiṉ wuh jo merí ráhoṉ par chalte haiṉ.
33Tarbiyat kí bát suno aur dáná bano,
Aur is ko radd na karo.
34Mubárak hai wuh ádmí jo merí suntá hai,
Aur har roz mere pháṭakoṉ par intizár kartá hai,
Aur mere darwázoṉ kí chaukhaṭoṉ par ṭhahrá rahtá hai.
35Kyúṉki jo mujh ko pátá hai zindagí pátá hai,
Aur wuh Ḳhudáwand ká maqbúl hogá.
36Lekin jo mujh se bhaṭak játá hai apní hí ján ko nuqsán pahuṉchátá hai:
Mujh se ‘adáwat rakhnewále sab maut se mahabbat rakhte haiṉ.
Currently Selected:
Amsál 8: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Amsál 8
8
1Kyá hikmat pukár nahíṉ rahí,
Aur fahm áwáz baland nahíṉ kar rahá?
2Wuh ráh ke kanáre kí úṉchí jagahoṉ kí choṭiyoṉ par,
Jaháṉ saṛakeṉ miltí haiṉ, khaṛí hotí hai;
3Pháṭakoṉ ke pás shahr ke madḳhal par,
Ya‘ní darwázoṉ ke madḳhal par wuh zor se pukártí hai:
4Ai ádmío, maiṉ tum ko pukártí húṉ,
Aur baní Ádam ko áwáz detí húṉ.
5Ai sádadilo, hoshyárí síkho;
Aur ai ahmaqo, dánádil bano.
6Suno, kyúṉki maiṉ latíf báteṉ kahúṉgí,
Aur mere laboṉ se rástí kí báteṉ nikleṉgí.
7Is liye ki merá muṉh sachcháí ko bayán karegá,
Aur mere hoṉṭhoṉ ko sharárat se nafrat hai.
8Mere muṉh kí sab báteṉ sadáqat kí haiṉ.
Un meṉ kuchh ṭeṛhá tirchhá nahíṉ hai.
9Samajhnewále ke liye wuh sab sáf haiṉ,
Aur ‘ilm hásil karnewáloṉ ke liye rást haiṉ.
10Chándí ko nahíṉ balki merí tarbiyat ko qubúl karo,
Aur kundan se baṛhkar ‘ilm ko.
11Kyúṉki hikmat marján se afzal hai,
Aur sab marg̣úb chízoṉ meṉ benazír.
12Mujh hikmat ne hoshyárí ko apná maskan banáyá hai,
Aur ‘ilm aur tamíz ko pá letí húṉ.
13 Ḳhudáwand ká ḳhauf badí se ‘adáwat hai.
G̣urúr aur ghamanḍ aur burí ráh,
Aur kajgo muṉh se mujhe nafrat hai.
14Mashwarat aur himáyat merí haiṉ;
Fahm maiṉ hí húṉ; mujh meṉ qudrat hai.
15Merí badaulat bádsháh saltanat karte,
Aur umará insáf ká fatwá dete haiṉ.
16Merí hí badaulat hákim hukúmat karte haiṉ,
Aur sardár ya‘ní dunyá ke sab qází bhí.
17Jo mujh se mahabbat rakhte haiṉ maiṉ un se mahabbat rakhtí húṉ,
Aur jo mujhe dil se ḍhúṉḍhte haiṉ wuh mujhe pá leṉge.
18Daulat o ‘izzat mere sáth haiṉ,
Balki dáimí daulat aur sadáqat.
19Merá phal sone se, balki kundan se bhí bihtar hai,
Aur merá hásil ḳhális chándí se.
20Maiṉ sadáqat kí ráh par
Insáf ke rástoṉ meṉ chaltí húṉ:
21Táki maiṉ un ko jo mujh se mahabbat rakhte haiṉ mál ke wáris banáúṉ,
Aur un ke ḳhazánoṉ ko bhar dúṉ.
22 Ḳhudáwand ne intizám i ‘álam ke shurú‘ meṉ
Apní qadímí san‘atoṉ se pahle mujhe paidá kiyá.
23Maiṉ azal se ya‘ní ibtidá hí se muqarrar húí,
Is se pahle kí zamín thí.
24Maiṉ us waqt paidá húí jab gahráo na the,
Jab pání se bhare húe chashme bhí na the.
25Maiṉ paháṛoṉ ke qáim kiye jáne se pahle,
Aur ṭíloṉ se pahle ḳhalq húí.
26Jab ki us ne abhí na zamín ko banáyá thá, na maidánoṉ ko,
Aur na zamín kí ḳhák kí ibtidá thí.
27Jab us ne ásmán ko qáim kiyá, maiṉ wahíṉ thí:
Jab us ne samundar kí sath par dáira kheṉchá:
28Jab us ne úpar aflák ko ustuwár kiyá,
Aur gahráo ke sote mazbút ho gaye:
29Jab us ne samundar kí hadd ṭhahráí,
Táki pání us ke hukm ko na toṛe;
Jab us ne zamín kí bunyád ke nishán lagáe:
30Us waqt máhir kárígar kí mánind maiṉ us ke pás thí:
Aur maiṉ har roz us kí ḳhushnúdí thí,
Aur hamesha us ke huzúr shádmán rahtí thí;
31Ábádí ke láiq zamín se shádmán thí;
Aur merí ḳhushnúdí baní Ádam kí suhbat meṉ thí.
32Is liye, ai beṭo, merí suno:
Kyúṉki mubárak haiṉ wuh jo merí ráhoṉ par chalte haiṉ.
33Tarbiyat kí bát suno aur dáná bano,
Aur is ko radd na karo.
34Mubárak hai wuh ádmí jo merí suntá hai,
Aur har roz mere pháṭakoṉ par intizár kartá hai,
Aur mere darwázoṉ kí chaukhaṭoṉ par ṭhahrá rahtá hai.
35Kyúṉki jo mujh ko pátá hai zindagí pátá hai,
Aur wuh Ḳhudáwand ká maqbúl hogá.
36Lekin jo mujh se bhaṭak játá hai apní hí ján ko nuqsán pahuṉchátá hai:
Mujh se ‘adáwat rakhnewále sab maut se mahabbat rakhte haiṉ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)