Amsál 9
9
1Hikmat ne apná ghar baná liyá.
Us ne apne sátoṉ sutún tarásh liye haiṉ:
2Us ne apne jánwaroṉ ko zabh kar liyá; aur apní mai milákar taiyár kar lí;
Us ne apná dastarḳhwán bhí chun liyá.
3Us ne apní saheliyoṉ ko rawána kiyá hai,
Wuh ḳhud shahr kí úṉchí jagahoṉ par pukártí hai,
4Jo sádadil hai idhar á jáe:
Aur be‘aql se wuh kahtí hai,
5Áo, merí roṭí meṉ se kháo,
Aur merí miláí húí mai meṉ se piyo.
6Ai sádadilo, báz áo, aur zinda raho;
Aur fahm kí ráh par chalo.
7Ṭhaṭṭhebáz ko tambíh karnewálá la‘n ta‘n uṭháegá:
Aur sharír ko malámat karnewale par dhabbá lagegá.
8Ṭhaṭṭhebáz ko malámat na kar, na ho ki wuh tujh se ‘adáwat rakhne lage:
Dáná ko malámat kar aur wuh tujh se mahabbat rakkhegá.
9Dáná ko tarbiyat kar, aur wuh âur bhí dáná ban jáegá;
Sádiq ko sikhá, aur wuh ‘ilm meṉ taraqqí karegá.
10 Ḳhudáwand ká ḳhauf hikmat ká shurú‘ hai:
Aur us Quddús kí pahchán fahm hai.
11Kyúṉki merí badaulat tere aiyám baṛh jáeṉge,
Aur terí zindagí ke sál ziyáda hoṉge.
12Agar tú dáná hai, to apne liye:
Aur agar tú ṭhaṭṭhebáz hai, to ḳhud hí bhugtegá.
13Ahmaq ‘aurat g̣aug̣áí hai;
Wuh nádán hai, aur kuchh nahíṉ jántí.
14Wuh apne ghar ke darwáze par
Shahr kí úṉchí jagahoṉ meṉ baiṭh játí hai,
15Táki áne jánewáloṉ ko buláe,
Jo apne apne ráste par sídhe já rahe haiṉ,
16Sádadil idhar á jáeṉ:
Aur be‘aql se wuh yih kahtí hai,
17Chorí ká pání míṭhá hai,
Aur poshídagí kí roṭí lazíz.
18Par wuh nahíṉ jántá ki waháṉ murde paṛe haiṉ;
Aur us ‘aurat ke mihmán pátál kí tah meṉ haiṉ.
Currently Selected:
Amsál 9: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Amsál 9
9
1Hikmat ne apná ghar baná liyá.
Us ne apne sátoṉ sutún tarásh liye haiṉ:
2Us ne apne jánwaroṉ ko zabh kar liyá; aur apní mai milákar taiyár kar lí;
Us ne apná dastarḳhwán bhí chun liyá.
3Us ne apní saheliyoṉ ko rawána kiyá hai,
Wuh ḳhud shahr kí úṉchí jagahoṉ par pukártí hai,
4Jo sádadil hai idhar á jáe:
Aur be‘aql se wuh kahtí hai,
5Áo, merí roṭí meṉ se kháo,
Aur merí miláí húí mai meṉ se piyo.
6Ai sádadilo, báz áo, aur zinda raho;
Aur fahm kí ráh par chalo.
7Ṭhaṭṭhebáz ko tambíh karnewálá la‘n ta‘n uṭháegá:
Aur sharír ko malámat karnewale par dhabbá lagegá.
8Ṭhaṭṭhebáz ko malámat na kar, na ho ki wuh tujh se ‘adáwat rakhne lage:
Dáná ko malámat kar aur wuh tujh se mahabbat rakkhegá.
9Dáná ko tarbiyat kar, aur wuh âur bhí dáná ban jáegá;
Sádiq ko sikhá, aur wuh ‘ilm meṉ taraqqí karegá.
10 Ḳhudáwand ká ḳhauf hikmat ká shurú‘ hai:
Aur us Quddús kí pahchán fahm hai.
11Kyúṉki merí badaulat tere aiyám baṛh jáeṉge,
Aur terí zindagí ke sál ziyáda hoṉge.
12Agar tú dáná hai, to apne liye:
Aur agar tú ṭhaṭṭhebáz hai, to ḳhud hí bhugtegá.
13Ahmaq ‘aurat g̣aug̣áí hai;
Wuh nádán hai, aur kuchh nahíṉ jántí.
14Wuh apne ghar ke darwáze par
Shahr kí úṉchí jagahoṉ meṉ baiṭh játí hai,
15Táki áne jánewáloṉ ko buláe,
Jo apne apne ráste par sídhe já rahe haiṉ,
16Sádadil idhar á jáeṉ:
Aur be‘aql se wuh yih kahtí hai,
17Chorí ká pání míṭhá hai,
Aur poshídagí kí roṭí lazíz.
18Par wuh nahíṉ jántá ki waháṉ murde paṛe haiṉ;
Aur us ‘aurat ke mihmán pátál kí tah meṉ haiṉ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)