Amsál 2
2
1Ai mere beṭe, agar tú merí bátoṉ ko qubúl kare
Aur mere farmán ko nigáh meṉ rakkhe;
2Aisá ki tú hikmat kí taraf kán lagáe,
Aur fahm se dil lagáe;
3Balki agar tú ‘aql ko pukáre,
Aur fahm ke liye áwáz baland kare;
4Aur us ko aisá ḍhúṉḍhe jaise chándí ko,
Aur us kí aisí talásh kare jaisí poshída ḳhazánoṉ kí;
5To tú Ḳhudáwand ke ḳhauf ko samjhegá,
Aur Ḳhudá kí ma‘rifat ko hásil karegá;
6Kyúṉki Ḳhudáwand hikmat baḳhshtá hai,
‘Ilm o fahm usí ke muṉh se nikalte haiṉ.
7Wuh rástbázoṉ ke liye madad taiyár rakhtá hai,
Aur rástrau ke liye sipar hai;
8Táki wuh ‘adl kí ráhoṉ kí nigahbání kare.
Aur apne muqaddasoṉ kí ráh ko mahfúz rakkhe.
9Tab tú sadáqat aur ‘adl aur rástí ko,
Balki har ek achchhí ráh ko samjhegá.
10Kyúṉki hikmat tere dil meṉ dáḳhil hogí,
Aur ‘ilm terí ján ko marg̣úb hogá;
11Tamíz terí nigahbán hogí,
Fahm terí hifázat karegá;
12Táki tujhe sharír kí ráh se
Aur kajgo se bacháeṉ;
13Jo rástbází kí ráh ko tark karte haiṉ,
Táki táríkí kí ráhoṉ meṉ chaleṉ;
14Jo badkárí se ḳhush hote haiṉ,
Aur sharárat kí kajrawí meṉ ḳhush rahte haiṉ;
15Jin kí rawisheṉ náhamwár,
Aur jin kí ráheṉ ṭeṛhí haiṉ:
16Táki tujhe begána ‘aurat se bacháeṉ,
Ya‘ní chikní chupṛí báteṉ karnewálí paráí ‘aurat se;
17Jo apní jawání ke sáthí ko chhoṛ detí,
Aur apne Ḳhudá ke ‘ahd ko bhúl játí hai:
18Kyúṉki us ká ghar maut kí utráí par hai,
Aur us kí ráheṉ pátál ko játí haiṉ:
19Jo koí us ke pás játá hai wápas nahíṉ átá,
Aur zindagí kí ráhoṉ tak nahíṉ pahuṉchtá:
20Táki tú nekoṉ kí ráh par chale,
Aur sádiqoṉ kí ráhoṉ par qáim rahe.
21Kyúṉki rástbáz mulk meṉ baseṉge,
Aur kámil us meṉ ábád raheṉge.
22Lekin sharír zamín par se káṭ ḍále jáeṉge,
Aur dag̣ábáz us se ukháṛ pheṉke jáeṉge.
Currently Selected:
Amsál 2: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Amsál 2
2
1Ai mere beṭe, agar tú merí bátoṉ ko qubúl kare
Aur mere farmán ko nigáh meṉ rakkhe;
2Aisá ki tú hikmat kí taraf kán lagáe,
Aur fahm se dil lagáe;
3Balki agar tú ‘aql ko pukáre,
Aur fahm ke liye áwáz baland kare;
4Aur us ko aisá ḍhúṉḍhe jaise chándí ko,
Aur us kí aisí talásh kare jaisí poshída ḳhazánoṉ kí;
5To tú Ḳhudáwand ke ḳhauf ko samjhegá,
Aur Ḳhudá kí ma‘rifat ko hásil karegá;
6Kyúṉki Ḳhudáwand hikmat baḳhshtá hai,
‘Ilm o fahm usí ke muṉh se nikalte haiṉ.
7Wuh rástbázoṉ ke liye madad taiyár rakhtá hai,
Aur rástrau ke liye sipar hai;
8Táki wuh ‘adl kí ráhoṉ kí nigahbání kare.
Aur apne muqaddasoṉ kí ráh ko mahfúz rakkhe.
9Tab tú sadáqat aur ‘adl aur rástí ko,
Balki har ek achchhí ráh ko samjhegá.
10Kyúṉki hikmat tere dil meṉ dáḳhil hogí,
Aur ‘ilm terí ján ko marg̣úb hogá;
11Tamíz terí nigahbán hogí,
Fahm terí hifázat karegá;
12Táki tujhe sharír kí ráh se
Aur kajgo se bacháeṉ;
13Jo rástbází kí ráh ko tark karte haiṉ,
Táki táríkí kí ráhoṉ meṉ chaleṉ;
14Jo badkárí se ḳhush hote haiṉ,
Aur sharárat kí kajrawí meṉ ḳhush rahte haiṉ;
15Jin kí rawisheṉ náhamwár,
Aur jin kí ráheṉ ṭeṛhí haiṉ:
16Táki tujhe begána ‘aurat se bacháeṉ,
Ya‘ní chikní chupṛí báteṉ karnewálí paráí ‘aurat se;
17Jo apní jawání ke sáthí ko chhoṛ detí,
Aur apne Ḳhudá ke ‘ahd ko bhúl játí hai:
18Kyúṉki us ká ghar maut kí utráí par hai,
Aur us kí ráheṉ pátál ko játí haiṉ:
19Jo koí us ke pás játá hai wápas nahíṉ átá,
Aur zindagí kí ráhoṉ tak nahíṉ pahuṉchtá:
20Táki tú nekoṉ kí ráh par chale,
Aur sádiqoṉ kí ráhoṉ par qáim rahe.
21Kyúṉki rástbáz mulk meṉ baseṉge,
Aur kámil us meṉ ábád raheṉge.
22Lekin sharír zamín par se káṭ ḍále jáeṉge,
Aur dag̣ábáz us se ukháṛ pheṉke jáeṉge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)