Amsál 1
1
1Isráíl ke bádsháh Sulaimán bin Dáúd kí amsál:
2Hikmat aur tarbiyat hásil karne,
Aur fahm kí bátoṉ ká imtiyáz karne ke liye;
3‘Aqlmandí aur sadáqat aur ‘adl,
Aur rástí meṉ tarbiyat hásil karne ke liye;
4Sádadiloṉ ko hoshyárí,
Jawán ko ‘ilm aur tamíz baḳhshne ke liye:
5Táki dáná ádmí sunkar ‘ilm meṉ taraqqí kare;
Aur fahím ádmí durust mashwarat tak pahuṉche:
6Jis se masal aur tamsíl ko,
Dánáoṉ kí bátoṉ aur un ke mu‘ammoṉ ko samajh sake.
7 Ḳhudáwand ká ḳhauf ‘ilm ká shurú‘ hai:
Lekin ahmaq hikmat aur tarbiyat kí hiqárat karte haiṉ.
8Ai mere beṭe, apne báp kí tarbiyat par kán lagá,
Aur apní máṉ kí ta‘lím ko tark na kar:
9Kyúṉki wuh tere sir ke liye zínat ká sihrá,
Aur tere gale ke liye tauq hoṉgí.
10Ai mere beṭe, agar gunahgár tujhe phusláeṉ,
Tú razámand na honá.
11Agar wuh kaheṉ, Hamáre sáth chal,
Ham ḳhún karne ke liye ták meṉ baiṭheṉ,
Aur chhipkar begunáh ke liye náhaqq ghát lagáeṉ;
12Ham un ko is tarah jítá aur samúchá nigal jáeṉ,
Jis tarah pátál murdoṉ ko nigal játá hai;
13Ham ko har qism ká nafís mál milegá,
Ham apne gharoṉ ko lúṭ se bhar leṉge;
14Tú hamáre sáth mil já;
Ham sab kí ek hí thailí hogí:
15To, ai mere beṭe, tú un ke hamráh na jáná;
Un kí ráh se apná páṉw rokná:
16Kyúṉki un ke páṉw badí kí taraf dauṛte haiṉ,
Aur ḳhún baháne ke liye jaldí karte haiṉ.
17Kyúṉki parande kí áṉkhoṉ ke sámne
Jál bichháná ‘abas hai.
18Aur yih log to apná hí ḳhún karne ke liye ták meṉ baiṭhte haiṉ,
Aur chhipkar apní hí ján kí ghát lagáte haiṉ.
19Nafa‘ ke lálachí kí ráheṉ aisí hí haiṉ;
Aisá nafa‘ us kí ján lekar hí chhoṛtá hai.
20Hikmat kúche meṉ zor se pukártí hai;
Wuh chaukoṉ meṉ apní áwáz baland kartí hai,
21Wuh purhujúm bázár meṉ chillátí hai;
Wuh pháṭakoṉ ke madḳhal par,
Aur shahr meṉ yih kahtí hai,
22Ai nádáno, tum kab tak nádání ko dost rakkhoge?
Aur ṭhaṭṭhebáz kab tak ṭhaṭṭhebází se ḳhush raheṉge,
Aur ahmaq kab tak ‘ilm se ‘adáwat rakkheṉge?
23Tum merí malámat ko sunkar báz áo:
Dekho, maiṉ apní rúh tum par unḍelúṉgí,
Maiṉ tum ko apní báteṉ batáúṉgí.
24Chúṉki maiṉ ne buláyá aur tum ne inkár kiyá,
Maiṉ ne háth phailáyá aur kisí ne ḳhayál na kiyá;
25Balki tum ne merí tamám mashwarat ko náchíz jáná,
Aur merí malámat kí beqadrí kí;
26Is liye maiṉ bhí tumhárí musíbat ke din haṉsúṉgí,
Aur jab tum par dahshat chháegí to ṭhaṭṭhe márúṉgí;
27Ya‘ní jab dahshat túfán kí tarah á paṛegí,
Aur áfat bagole kí tarah tum ko á legí,
Jab musíbat aur jánkaní tum par ṭúṭ paṛegí,
28Tab wuh mujhe pukáreṉge, lekin maiṉ jawáb na dúṉgí;
Aur dil o ján se mujhe ḍhúṉḍheṉge, par na páeṉge.
29Is liye ki unhoṉ ne ‘ilm se ‘adáwat rakkhí,
Aur Ḳhudáwand ke ḳhauf ko iḳhtiyár na kiyá.
30Unhoṉ ne merí mashwarat kí beqadrí kí,
Aur merí malámat ko haqír jáná.
31Pas wuh apní hí rawish ká phal kháeṉge,
Aur apne hí mansúboṉ se peṭ bhareṉge;
32Kyúṉki nádánoṉ kí bargashtagí un ko qatl karegí,
Aur ahmaqoṉ kí fárig̣u’l bálí un kí halákat ká bá‘is hogí;
33Lekin jo merí suntá hai wuh mahfúz hogá,
Aur áfat se niḍar hokar itmínán se rahegá.
Currently Selected:
Amsál 1: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Amsál 1
1
1Isráíl ke bádsháh Sulaimán bin Dáúd kí amsál:
2Hikmat aur tarbiyat hásil karne,
Aur fahm kí bátoṉ ká imtiyáz karne ke liye;
3‘Aqlmandí aur sadáqat aur ‘adl,
Aur rástí meṉ tarbiyat hásil karne ke liye;
4Sádadiloṉ ko hoshyárí,
Jawán ko ‘ilm aur tamíz baḳhshne ke liye:
5Táki dáná ádmí sunkar ‘ilm meṉ taraqqí kare;
Aur fahím ádmí durust mashwarat tak pahuṉche:
6Jis se masal aur tamsíl ko,
Dánáoṉ kí bátoṉ aur un ke mu‘ammoṉ ko samajh sake.
7 Ḳhudáwand ká ḳhauf ‘ilm ká shurú‘ hai:
Lekin ahmaq hikmat aur tarbiyat kí hiqárat karte haiṉ.
8Ai mere beṭe, apne báp kí tarbiyat par kán lagá,
Aur apní máṉ kí ta‘lím ko tark na kar:
9Kyúṉki wuh tere sir ke liye zínat ká sihrá,
Aur tere gale ke liye tauq hoṉgí.
10Ai mere beṭe, agar gunahgár tujhe phusláeṉ,
Tú razámand na honá.
11Agar wuh kaheṉ, Hamáre sáth chal,
Ham ḳhún karne ke liye ták meṉ baiṭheṉ,
Aur chhipkar begunáh ke liye náhaqq ghát lagáeṉ;
12Ham un ko is tarah jítá aur samúchá nigal jáeṉ,
Jis tarah pátál murdoṉ ko nigal játá hai;
13Ham ko har qism ká nafís mál milegá,
Ham apne gharoṉ ko lúṭ se bhar leṉge;
14Tú hamáre sáth mil já;
Ham sab kí ek hí thailí hogí:
15To, ai mere beṭe, tú un ke hamráh na jáná;
Un kí ráh se apná páṉw rokná:
16Kyúṉki un ke páṉw badí kí taraf dauṛte haiṉ,
Aur ḳhún baháne ke liye jaldí karte haiṉ.
17Kyúṉki parande kí áṉkhoṉ ke sámne
Jál bichháná ‘abas hai.
18Aur yih log to apná hí ḳhún karne ke liye ták meṉ baiṭhte haiṉ,
Aur chhipkar apní hí ján kí ghát lagáte haiṉ.
19Nafa‘ ke lálachí kí ráheṉ aisí hí haiṉ;
Aisá nafa‘ us kí ján lekar hí chhoṛtá hai.
20Hikmat kúche meṉ zor se pukártí hai;
Wuh chaukoṉ meṉ apní áwáz baland kartí hai,
21Wuh purhujúm bázár meṉ chillátí hai;
Wuh pháṭakoṉ ke madḳhal par,
Aur shahr meṉ yih kahtí hai,
22Ai nádáno, tum kab tak nádání ko dost rakkhoge?
Aur ṭhaṭṭhebáz kab tak ṭhaṭṭhebází se ḳhush raheṉge,
Aur ahmaq kab tak ‘ilm se ‘adáwat rakkheṉge?
23Tum merí malámat ko sunkar báz áo:
Dekho, maiṉ apní rúh tum par unḍelúṉgí,
Maiṉ tum ko apní báteṉ batáúṉgí.
24Chúṉki maiṉ ne buláyá aur tum ne inkár kiyá,
Maiṉ ne háth phailáyá aur kisí ne ḳhayál na kiyá;
25Balki tum ne merí tamám mashwarat ko náchíz jáná,
Aur merí malámat kí beqadrí kí;
26Is liye maiṉ bhí tumhárí musíbat ke din haṉsúṉgí,
Aur jab tum par dahshat chháegí to ṭhaṭṭhe márúṉgí;
27Ya‘ní jab dahshat túfán kí tarah á paṛegí,
Aur áfat bagole kí tarah tum ko á legí,
Jab musíbat aur jánkaní tum par ṭúṭ paṛegí,
28Tab wuh mujhe pukáreṉge, lekin maiṉ jawáb na dúṉgí;
Aur dil o ján se mujhe ḍhúṉḍheṉge, par na páeṉge.
29Is liye ki unhoṉ ne ‘ilm se ‘adáwat rakkhí,
Aur Ḳhudáwand ke ḳhauf ko iḳhtiyár na kiyá.
30Unhoṉ ne merí mashwarat kí beqadrí kí,
Aur merí malámat ko haqír jáná.
31Pas wuh apní hí rawish ká phal kháeṉge,
Aur apne hí mansúboṉ se peṭ bhareṉge;
32Kyúṉki nádánoṉ kí bargashtagí un ko qatl karegí,
Aur ahmaqoṉ kí fárig̣u’l bálí un kí halákat ká bá‘is hogí;
33Lekin jo merí suntá hai wuh mahfúz hogá,
Aur áfat se niḍar hokar itmínán se rahegá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)