Amsál 3
3
1Ai mere beṭe, merí ta‘lím ko farámosh na kar;
Balki terá dil mere hukmoṉ ko máne:
2Kyúṉki tú in se ‘umr kí darází aur pírí
Aur salámatí hásil karegá.
3Shafaqat aur sachcháí tujh se judá na hoṉ:
Tú un ko apne gale ká tauq banáná;
Aur apne dil kí taḳhtí par likh lená:
4Yúṉ tú Ḳhudá aur insán kí nazar meṉ
Maqbúlíyat aur ‘aqlmandí hásil karegá.
5Sáre dil se Ḳhudáwand par tawakkul kar,
Aur apne fahm par takya na kar:
6Apní sab ráhoṉ meṉ us ko pahchán,
Aur wuh terí rahnumáí karegá.
7Tú apní hí nigáh meṉ dánishmand na ban;
Ḳhudáwand se ḍar aur badí se kanára kar:
8Yih terí náf kí sihhat,
Aur terí haḍḍiyoṉ kí tázagí hogí.
9Apne mál se aur apní sárí paidáwár ke pahle phaloṉ se
Ḳhudáwand kí ta‘zím kar:
10Yúṉ tere khatte ḳhúb bhare raheṉge,
Aur tere hauz nayí mai se labrez hoṉge.
11Ai mere beṭe, Ḳhudáwand kí tambíh ko haqír na ján;
Aur us kí malámat se bezár na ho:
12Kyúṉki Ḳhudáwand usí ko malámat kartá hai jis se use mahabbat hai;
Jaise báp us beṭe ko jis se wuh ḳhush hai.
13Mubárak hai wuh ádmí jo hikmat ko pátá hai,
Aur wuh jo fahm hásil kartá hai.
14Kyúṉki is ká husúl chándí ke husúl se,
Aur is ká nafa‘ kundan se bihtar hai.
15Wuh marján se ziyáda beshbahá hai,
Aur terí marg̣úb chízoṉ meṉ benazír.
16Us ke dahine háth meṉ ‘umr kí darází hai;
Aur us ke báeṉ háth meṉ daulat o ‘izzat.
17Us kí ráheṉ ḳhushgawár ráheṉ haiṉ,
Aur us ke sab ráste salámatí ke haiṉ.
18Jo use pakṛe rahte haiṉ, wuh un ke liye hayát ká daraḳht hai:
Aur har ek jo use liye rahtá hai mubárak hai.
19 Ḳhudáwand ne hikmat se zamín kí bunyád ḍálí,
Aur fahm se ásmán ko qáim kiyá.
20Usí ke ‘ilm se gahráo ke sote phúṭ nikle,
Aur aflák shabnam ṭapkáte haiṉ.
21Ai mere beṭe, dánáí aur tamíz kí hifázat kar;
Un ko apní áṉkhoṉ se ojhal na hone de;
22Yúṉ wuh terí ján kí hayát,
Aur tere gale kí zínat hoṉgí.
23Tab tú bekhaṭke apne ráste par chalegá,
Aur tere páṉw ko ṭhes na lagegí.
24Jab tú leṭegá to ḳhauf na kháegá:
Balki tú leṭ jáegá aur terí níṉd míṭhí hogí.
25Nágahání dahshat se ḳhauf na kháná,
Aur na sharíroṉ kí halákat se jab wuh áe:
26Kyúṉki Ḳhudáwand terá sahárá hogá,
Aur tere páṉw ko phaṉs jáne se mahfúz rakkhegá.
27Bhaláí ke haqqdár se use dareg̣ na karná,
Jab tere maqdúr meṉ ho.
28Jab tere pás dene ko kuchh ho
To apne hamsáye se yih na kahná, Ab já, phir áná,
Maiṉ tujhe kal dúṉgá.
29Apne hamsáye ke ḳhiláf buráí ká mansúba na báṉdhná,
Jis hál ki wuh tere paṛaus meṉ bekhaṭke rahtá hai.
30Agar kisí ne tujhe nuqsán na pahuṉcháyá ho,
To us se besabab jhagṛá na karná.
31Tundḳho ádmí par hasad na karná,
Aur us kí kisí rawish ko iḳhtiyár na karná.
32Kyúṉki kajrau se Ḳhudáwand ko nafrat hai:
Lekin rástbáz us ke mahram i ráz haiṉ.
33Sharíroṉ ke ghar par Ḳhudáwand kí la‘nat hai;
Lekin sádiqoṉ ke maskan par us kí barakat hai.
34Yaqínan wuh ṭhaṭṭhebázoṉ par ṭhaṭṭhe mártá hai,
Lekin firotanoṉ par fazl kartá hai.
35Dáná jalál ke wáris hoṉge;
Lekin ahmaqoṉ kí taraqqí sharmindagí hogí.
Currently Selected:
Amsál 3: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Amsál 3
3
1Ai mere beṭe, merí ta‘lím ko farámosh na kar;
Balki terá dil mere hukmoṉ ko máne:
2Kyúṉki tú in se ‘umr kí darází aur pírí
Aur salámatí hásil karegá.
3Shafaqat aur sachcháí tujh se judá na hoṉ:
Tú un ko apne gale ká tauq banáná;
Aur apne dil kí taḳhtí par likh lená:
4Yúṉ tú Ḳhudá aur insán kí nazar meṉ
Maqbúlíyat aur ‘aqlmandí hásil karegá.
5Sáre dil se Ḳhudáwand par tawakkul kar,
Aur apne fahm par takya na kar:
6Apní sab ráhoṉ meṉ us ko pahchán,
Aur wuh terí rahnumáí karegá.
7Tú apní hí nigáh meṉ dánishmand na ban;
Ḳhudáwand se ḍar aur badí se kanára kar:
8Yih terí náf kí sihhat,
Aur terí haḍḍiyoṉ kí tázagí hogí.
9Apne mál se aur apní sárí paidáwár ke pahle phaloṉ se
Ḳhudáwand kí ta‘zím kar:
10Yúṉ tere khatte ḳhúb bhare raheṉge,
Aur tere hauz nayí mai se labrez hoṉge.
11Ai mere beṭe, Ḳhudáwand kí tambíh ko haqír na ján;
Aur us kí malámat se bezár na ho:
12Kyúṉki Ḳhudáwand usí ko malámat kartá hai jis se use mahabbat hai;
Jaise báp us beṭe ko jis se wuh ḳhush hai.
13Mubárak hai wuh ádmí jo hikmat ko pátá hai,
Aur wuh jo fahm hásil kartá hai.
14Kyúṉki is ká husúl chándí ke husúl se,
Aur is ká nafa‘ kundan se bihtar hai.
15Wuh marján se ziyáda beshbahá hai,
Aur terí marg̣úb chízoṉ meṉ benazír.
16Us ke dahine háth meṉ ‘umr kí darází hai;
Aur us ke báeṉ háth meṉ daulat o ‘izzat.
17Us kí ráheṉ ḳhushgawár ráheṉ haiṉ,
Aur us ke sab ráste salámatí ke haiṉ.
18Jo use pakṛe rahte haiṉ, wuh un ke liye hayát ká daraḳht hai:
Aur har ek jo use liye rahtá hai mubárak hai.
19 Ḳhudáwand ne hikmat se zamín kí bunyád ḍálí,
Aur fahm se ásmán ko qáim kiyá.
20Usí ke ‘ilm se gahráo ke sote phúṭ nikle,
Aur aflák shabnam ṭapkáte haiṉ.
21Ai mere beṭe, dánáí aur tamíz kí hifázat kar;
Un ko apní áṉkhoṉ se ojhal na hone de;
22Yúṉ wuh terí ján kí hayát,
Aur tere gale kí zínat hoṉgí.
23Tab tú bekhaṭke apne ráste par chalegá,
Aur tere páṉw ko ṭhes na lagegí.
24Jab tú leṭegá to ḳhauf na kháegá:
Balki tú leṭ jáegá aur terí níṉd míṭhí hogí.
25Nágahání dahshat se ḳhauf na kháná,
Aur na sharíroṉ kí halákat se jab wuh áe:
26Kyúṉki Ḳhudáwand terá sahárá hogá,
Aur tere páṉw ko phaṉs jáne se mahfúz rakkhegá.
27Bhaláí ke haqqdár se use dareg̣ na karná,
Jab tere maqdúr meṉ ho.
28Jab tere pás dene ko kuchh ho
To apne hamsáye se yih na kahná, Ab já, phir áná,
Maiṉ tujhe kal dúṉgá.
29Apne hamsáye ke ḳhiláf buráí ká mansúba na báṉdhná,
Jis hál ki wuh tere paṛaus meṉ bekhaṭke rahtá hai.
30Agar kisí ne tujhe nuqsán na pahuṉcháyá ho,
To us se besabab jhagṛá na karná.
31Tundḳho ádmí par hasad na karná,
Aur us kí kisí rawish ko iḳhtiyár na karná.
32Kyúṉki kajrau se Ḳhudáwand ko nafrat hai:
Lekin rástbáz us ke mahram i ráz haiṉ.
33Sharíroṉ ke ghar par Ḳhudáwand kí la‘nat hai;
Lekin sádiqoṉ ke maskan par us kí barakat hai.
34Yaqínan wuh ṭhaṭṭhebázoṉ par ṭhaṭṭhe mártá hai,
Lekin firotanoṉ par fazl kartá hai.
35Dáná jalál ke wáris hoṉge;
Lekin ahmaqoṉ kí taraqqí sharmindagí hogí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)