Gintí 33
33
1Jab baní Isráíl Músá aur Hárún ke mátaht dal báṉdhe húe mulk i Misr se nikalkar chale, to zail kí manziloṉ par unhoṉ ne qiyám kiyá. 2Aur Músá ne un ke safar ká hál un kí manziloṉ ke mutábiq Ḳhudáwand ke hukm se qalamband kiyá: so un ke safar kí manzileṉ yih haiṉ. 3Pahle mahíne kí pandrahwíṉ táríḳh ko unhoṉ ne Ra‘msís se kúch kiyá. Fasah ke dúsre din sáre baní Isráíl ke log sab Misríoṉ kí áṉkhoṉ ke sámne baṛe faḳhr se rawána húe. 4Us waqt Misrí apne pahlauṭhoṉ ko, jin ko Ḳhudáwand ne márá thá, dafn kar rahe the. Ḳhudáwand ne un ke deotáoṉ ko bhí sazá dí thí. 5So baní Isráíl ne Ra‘msís se kúch karke Sukkát meṉ ḍere ḍále. 6Aur Sukkát se kúch karke Etám meṉ, jo biyábán se milá húá hai, muqím húe. 7Phir Etám se kúch karke Fí Haḳhírot ko, jo Ba‘l Safon ke muqábil hai, muṛ gaye, aur Mijdál ke sámne ḍere ḍále. 8Phir unhoṉ ne Fí Haḳhírot ke sámne se kúch kiyá, aur samundar ke bích se guzarkar biyábán meṉ dáḳhil húe, aur dasht i Etám meṉ tín din kí ráh chalkar Márah meṉ paṛáo kiyá. 9Aur Márah se kúch karke Elím meṉ áe; aur Elím meṉ pání ke bárah chashme aur khajúr ke sattar daraḳht the; so unhoṉ ne yahíṉ ḍere ḍál liye. 10Aur Elím se kúch karke unhoṉ ne daryá e Qulzum ke kanáre ḍere khaṛe kiye. 11Aur daryá e Qulzum se chalkar dasht i Sín meṉ ḳhaimazan húe. 12Aur dasht i Sín se kúch karke Dafqah meṉ ṭhahre. 13Aur Dafqah se rawána hokar Alús meṉ muqím húe. 14Aur Alús se chalkar Rafídím meṉ ḍere ḍále. Yaháṉ in logoṉ ko píne ke liye pání na milá. 15Aur Rafídím se kúch karke dasht i Síná meṉ ṭhahre. 16Aur dasht i Síná se chalkar Qabrot Hattáwah meṉ ḳhaime khaṛe kiye. 17Aur Qabrot Hattáwah se kúch karke Hasírát meṉ ḍere ḍále. 18Aur Hasírát se kúch karke Ritmah meṉ ḍere ḍále. 19Aur Ritmah se rawána hokar Rimmon Fáras meṉ ḳhaime khaṛe kiye. 20Aur Rimmon Fáras se jo chale, to Libnah meṉ jákar muqím húe. 21Aur Libnah se kúch karke Raissah meṉ ḍere ḍále. 22Aur Raissah se chalkar Qahílátah meṉ ḍere khaṛe kiye. 23Aur Qahílátah se chalkar koh i Sáfar ke pás ḍerá kiyá. 24Koh i Sáfar se kúch karke Harádah meṉ ḳhaimazan húe. 25Aur Harádah se safar karke Maqhílot meṉ qiyám kiyá. 26Aur Maqhílot se rawána hokar Tahat meṉ ḳhaime khaṛe kiye. 27Tahat se jo chale, to Tárah meṉ ákar ḍere ḍále. 28Aur Tárah se kúch karke Mitqah meṉ qiyám kiyá. 29Aur Mitqah se rawána hokar Hashmúnah meṉ ḍere ḍále. 30Aur Hashmúnah se chalkar Mausírot meṉ ḍere khaṛe kiye. 31Aur Mausírot se rawána hokar baní Ya‘qán meṉ ḍere ḍále. 32Aur baní Ya‘qán se chalkar Hor Hajjidjád meṉ ḳhaimazan húe. 33Aur Hor Hajjidjád se rawána hokar Yútbátah meṉ ḳhaime khaṛe kiye. 34Aur Yútbátah se chalkar ‘Abrúnah meṉ ḍere ḍále. 35Aur ‘Abrúnah se chalkar ‘Asyún Jábar meṉ ḍerá kiyá. 36Aur ‘Asyún Jábar se rawána hokar dasht i Sín meṉ, jo Qádis hai, qiyám kiyá. 37Aur Qádis se chalkar koh i Hor ke pás, jo mulk i Adom kí sarhadd hai, ḳhaimazan húe. 38Yaháṉ Hárún káhin Ḳhudáwand ke hukm ke mutábiq koh i Hor par chaṛh gayá, aur us ne baní Isráíl ke mulk i Misr se nikalne ke chálísweṉ baras ke páṉchweṉ mahíne kí pahlí táríḳh ko wahíṉ wafát páí. 39Aur jab Hárún ne koh i Hor par wafát páí, to wuh ek sau teís baras ká thá. 40Aur ‘Arád ke Kan‘ání bádsháh ko, jo mulk i Kan‘án ke junúb meṉ rahtá thá, baní Isráíl kí ámad kí ḳhabar milí; 41aur Isráílí koh i Hor se kúch karke Zalmúnah meṉ ṭhahre. 42Aur Zalmúnah se kúch karke Fúnon meṉ ḍere ḍále. 43Aur Fúnon se kúch karke Obát meṉ qiyám kiyá. 44Aur Obát se kúch karke ‘Aiye ‘Abárím meṉ, jo mulk i Moáb kí sarhadd par hai, ḍere ḍále. 45Aur ‘Aiyim se kúch karke Díbon Jadd meṉ ḳhaimazan húe. 46Aur Díbon Jadd se kúch karke ‘Almún ‘Almún Blatáyim meṉ ḳhaime khaṛe kiye. 47Aur ‘Almún Blatáyim se kúch karke ‘Abárím ke kohistán meṉ, jo Nabo ke muqábil hai, ḍerá kiyá. 48Aur ‘Abárím ke kohistán se chalkar Moáb ke maidánoṉ meṉ, jo Yaríhú ke muqábil Yardan ke kanáre wáqi‘ haiṉ, ḳhaimazan húe. 49Aur Yardan ke kanáre Bait Yasímot se lekar Abíl Sittím tak Moáb ke maidánoṉ meṉ unhoṉ ne ḍere ḍále.
50Aur Ḳhudáwand ne Moáb ke maidánoṉ meṉ jo Yaríhú ke muqábil Yardan ke kanáre wáqi‘ haiṉ, Músá se kahá ki, 51Baní Isráíl se yih kah de, ki Jab tum Yardan ko ‘ubúr karke mulk i Kan‘án meṉ dáḳhil ho, 52to tum us mulk ke sáre báshindoṉ ko waháṉ se nikál dená, aur un ke shabíhdár pattharoṉ ko, aur un ke ḍhále húe butoṉ ko toṛ ḍálná, aur un ke sab úṉche maqámoṉ ko mismár kar dená: 53aur tum us mulk par qabza karke us meṉ basná, kyúṉki maiṉ ne wuh mulk tum ko diyá hai, ki tum us ke málik bano. 54Aur tum qur‘a ḍálkar us mulk ko apne gharánoṉ meṉ mírás ke taur par báṉṭ lená. Jis ḳhándán meṉ ziyáda ádmí hoṉ, us ko ziyáda, aur jis meṉ thoṛe hoṉ, us ko thoṛí mírás dená: aur jis ádmí ká qur‘a jis jagah ke liye nikle, wuhí us ko hisse meṉ mile. Tum apne ábáí qabáil ke mutábiq apní apní mírás lená. 55Lekin agar tum us mulk ke báshindoṉ ko apne áge se dúr na karo, to jin ko tum báqí rahne doge, wuh tumhárí áṉkhoṉ meṉ ḳhár, aur tumháre pahlúoṉ meṉ káṉṭe hoṉge, aur us mulk meṉ jaháṉ tum basoge, tum ko diqq kareṉge. 56Aur áḳhir ko yúṉ hogá, ki jaisá maiṉ ne un ke sáth karne ká iráda kiyá, waisá hí tum se karúṉgá.
Currently Selected:
Gintí 33: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)