Aiyúb 26
26
1Tab Aiyúb ne jawáb diyá:
2Jo betáqat hai, us kí tú ne kaisí madad kí!
Jis bázú meṉ quwwat na thí, us ko tú ne kaisá sambhálá!
3Nádán ko tú ne kaisí saláh dí,
Aur haqíqí ma‘rifat ḳhúb hí batáí!
4Tú ne jo báteṉ kahíṉ, so kis se?
Aur kis kí rúh tujh meṉ se hokar niklí?
5Murdoṉ kí rúheṉ
Pání aur us ke rahnewáloṉ ke níche káṉptí haiṉ.
6Pátál us ke huzúr khulá hai,
Aur jahannam beparda hai.
7Wuh shimál ko fazá meṉ phailátá hai,
Aur zamín ko ḳhalá meṉ laṭkátá hai.
8Wuh apne daldár bádaloṉ meṉ pání ko báṉdh detá hai;
Aur bádal us ke bojh se phaṭtá nahíṉ.
9Wuh apne taḳht ko ḍháṉk letá hai,
Aur us ke úpar apne bádal ko tán detá hai.
10Us ne raushní aur andhere ke milne kí jagah tak,
Pání kí sath par hadd báṉdh dí hai.
11Ásmán ke sutún káṉpte,
Aur us kí jhiṛkí se hairán hote haiṉ.
12Wuh apní qudrat se samundar ko maujzan kartá,
Aur apne fahm se Ráhab ko chhed detá hai.
13Us ke dam se ásmán árásta hotá hai,
Us ke háth ne tezrau sáṉp ko chhedá hai.
14Dekho, yih to us kí ráhoṉ ke faqat kanáre haiṉ:
Aur us kí kaisí dhímí áwáz ham sunte haiṉ!
Par kaun us kí qudrat kí garaj ko samajh saktá hai?
Currently Selected:
Aiyúb 26: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
