Húsí‘a 14
14
1Ai Isráíl, Ḳhudáwand apne Ḳhudá kí taraf rujú‘ lá; kyúṉki tú apní badkirdárí ke sabab se gir gayá hai. 2Ḳhudáwand kí taraf rujú‘ láo, aur kaho, Hamárí tamám badkirdárí ko dúr kar, aur fazl se ham ko qubúl farmá; tab ham apne laboṉ se qurbáníáṉ guzráneṉge. 3Asúr ham ko nahíṉ bacháegá; ham ghoṛoṉ par sawar nahíṉ hoṉge, aur apní dastkárí ko ḳhudá na kaheṉge: kyúṉki yatímoṉ par rahm karnewálá tú hí hai. 4Maiṉ un kí bargashtagí ká chára karúṉgá, maiṉ kushádadilí se un se mahabbat rakkhúṉgá: kyúṉki merá qahr un par se ṭal gayá hai. 5Maiṉ Isráíl ke liye os kí mánind húṉgá: wuh sosan kí tarah phúlegá, aur Lubnán kí tarah apní jaṛeṉ phailáegá. 6Us kí ḍáliyáṉ phaileṉgí, aur us meṉ zaitún ke daraḳht kí ḳhúbsúratí, aur Lubnán kí sí ḳhushbú hogí. 7Us ke zer i sáya rahnewále bahál ho jáeṉge; wuh gehúṉ kí mánind tar o táza, aur ták kí mánind shigufta hoṉge; un kí shuhrat Lubnán kí mai kí sí hogí. 8Ifráím kahegá, Ab mujhe butoṉ se kyá kám? Maiṉ, Ḳhudáwand ne us kí suní hai, aur us par nigáh karúṉgá; maiṉ sarsabz saro kí mánind húṉ; tú mujh hí se baromand húá. 9Dánishmand kaun hai, ki wuh yih báteṉ samjhe? aur dúrandesh kaun hai, jo in ko jáne? kyúṉki Ḳhudáwand kí ráheṉ rást haiṉ, aur sádiq un meṉ chaleṉge; lekin ḳhatákar un meṉ gir paṛeṉge.
Currently Selected:
Húsí‘a 14: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
