Húsí‘a 11
11
1Jab Isráíl abhí bachcha hí thá, maiṉ ne us se mahabbat rakkhí, aur apne beṭe ko Misr se buláyá. 2Unhoṉ ne jis qadr un ko buláyá, usí qadr wuh dúr hote gaye; unhoṉ ne Ba‘lím ke liye qurbáníáṉ guzráníṉ, aur taráshí húí múratoṉ ke liye baḳhúr jaláyá. 3Maiṉ ne baní Ifráím ko chalná sikháyá; maiṉ ne un ko god meṉ uṭháyá; lekin unhoṉ ne na jáná ki maiṉ hí ne un ko sihhat baḳhshí. 4Maiṉ ne un ko insání rishtoṉ aur mahabbat kí ḍoriyoṉ se kheṉchá; maiṉ un ke haqq meṉ un kí gardan par se júá utárnewáloṉ kí mánind húá, aur maiṉ ne un ke áge kháná rakkhá. 5Wuh phir mulk i Misr meṉ na jáeṉge; balki Asúr un ká bádsháh hogá, kyúṉki wuh wápas áne se inkár karte haiṉ. 6Talwár un ke shahroṉ par á paṛegí, aur un ke aṛbangoṉ ko khá jáegí, aur yih un hí kí mashwarat ká natíja hogá. 7Kyúṉki mere log mujh se bargashtagí par ámáda haiṉ; báwujúde ki unhoṉ ne un ko buláyá, ki Haqq Ta‘álá kí taraf rujú‘ láeṉ, lekin kisí ne na cháhá ki us kí tamjíd kare. 8Ai Ifráím, maiṉ tujh se kyúṉkar dastbardár ho jáúṉ? ai Isráíl, maiṉ tujhe kyúṉkar tark karúṉ? maiṉ kyúṉkar tujhe Adamah kí mánind karúṉ, aur Zaboím kí mánind banáúṉ? merá dil mujh meṉ pech khátá hai; merí shafaqat maujzan hai. 9Maiṉ apne qahr kí shiddat ke mutábiq ‘amal nahíṉ karúṉgá; maiṉ hargiz Ifráím ko halák na karúṉgá; kyúṉki maiṉ insán nahíṉ, Ḳhudá húṉ; tere darmiyán sukúnat karnewálá Quddús; aur maiṉ qahr ke sáth nahíṉ áúṉgá. 10Wuh Ḳhudáwand kí pairawí kareṉge, jo sher i babar kí tarah garjegá; kyúṉki wuh garjegá, aur us ke farzand mag̣rib kí taraf se káṉpte húe áeṉge. 11Wuh Misr se parande kí tarah aur Asúr ke mulk se kabútar kí mánind káṉpte húe áeṉge, aur maiṉ un ko un ke gharoṉ meṉ basáúṉgá, Ḳhudáwand farmátá hai.
12Ifráím ne darog̣goí se, aur Isráíl ke gharáne ne makkárí se mujh ko gherá hai; lekin Yahúdáh ab tak Ḳhudá ke sáth, háṉ, us Quddús wafádár ke sáth hukmrán hai.
Currently Selected:
Húsí‘a 11: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
