Зебур 27
27
Ярдым дувасы
Давутнынъ зебуры.
1 #
Збр 82.2; 87.5; 108.1; 142.7; Икм 1.12 Я РАББИ, Сени чагъырам!
Меним Къаям! Мени джевапсыз къалдырма!
Ёкъса, Сен манъа джевап бермесенъ,
мен мезаргъа тюшкенге ошайджагъым.
2 #
Збр 133.2
Мен Сенден ярдым истегенимде,
Энъ Мукъаддес Еринъе тараф къолларымны котергенимде,
ялваргъан сесиме къулакъ ас!
3 #
Збр 25.9; Икм 26.23; Йрм 9.8 Ярамай ве беля кетириджи адамлар
озь къомшуларынен муаббет лаф этелер,
лякин юреклеринде къара ниет сакълайлар.
Оларны ёкъ эткенде,
оларнен берабер мени де къырып ташлама!
4Оларнынъ ишлерине коре,
яманлыкъларына коре,
къоллары япкъанларына коре,
къазангъанларына коре акъларыны бер!
5 #
Еш 5.12
Олар РАББИнинъ эткенлерине,
Онынъ къолларынынъ ишлерине
эмиет бермегенлери ичюн,
О, оларны ерге йыкъар,
кене аякъ устюне турсатмаз.
6РАББИни алгъышлайым,
чюнки О, меним ялваргъанымны эшитти.
7 #
Баш 15.1; Збр 20.2 РАББИ манъа къудрет бере ве мени къорчалай!
Мен Онъа ишандым, ве О, манъа ярдым этти!
Юрегим къуванчкъа толды,
мен йыр йырлап, Онъа шукюр этерим!
8РАББИ – Озь халкъынынъ къудретидир;
Озь сайлагъан падишаны О, къорчалар ве къуртарыр!
9 #
Еш 40.11; 46.3 Озь халкъынъны къуртар,
Озь мирасынъа яхшылыкъ яп;
оларнынъ чобаны ол,
оларны эр вакъыт юксельт!
Currently Selected:
Зебур 27: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
