Зебур 26
26
Давутнынъ умюти
Давутнынъ зебуры.
1 #
Еш 60.20; Микъа 7.8 РАББИ – меним ярыгъым ве къуртулышымдыр,
мен кимден къоркъарым?
РАББИ – омрюмнинъ къалесидир,
мен кимнинъ огюнде титрерим?
2Яманлыкъ япкъанлар манъа якъынлашсалар,
душманларым ве манъа къаршы олгъанлар беденимни ашамагъа истеселер,
олар озьлери сюрюнип йыкъыладжакълар.
3 #
Збр 3.7; 22.4 Къаршыма бир орду чыкъса да,
юрегиме къоркъу тюшмез.
Манъа къаршы дженк башланса да,
кене умюттен кесильмем.
4 #
Збр 22.6; 60.5; 64.5 Бир шейни истедим РАББИден,
мен тек бир шейни къыдырам:
РАББИнинъ Эвинде омюр боюнджа къалмакъ,
РАББИнинъ дюльберлигини корьмек,
Онынъ Сарайыны сейир этмек.
5Агъыр куньде О, мени Озь сыгъынагъында сакълар,
Озь чадырында мени къорчалар,
юксек къая устюне мени алып чыкъар.
6 #
Збр 3.4; Эф 5.19 О вакъытта мени сарып алгъан душманларыма къаршы
мен башымны котерип юреджегим;
РАББИнинъ чадырында къурбанлар чалып,
къуванчнен къычыраджагъым,
РАББИге йырлайджагъым ве чалгъы чаладжагъым!
7Я РАББИ, меним чагъыргъан сесимни эшит,
манъа мерамет эт ве манъа джевап бер.
8 #
Збр 104.4
Сен юрегиме: «Меним юзюмни къыдыр», – дединъ.
Сенинъ юзюнъни къыдыраджагъым, я РАББИ!
9Юзюнъни менден сакълама,
гъазап ичинде къулунъны ред этме.
Сен меним ярдымджым олдынъ,
менден вазгечме, ташлап кетме мени,
эй, Аллам, меним Къуртарыджым!
10 #
Еш 49.15
Анам-бабам мени ташлап кетселер де,
РАББИ мени къабул этер.
11 #
Збр 24.4
Я РАББИ, Озь ёлунъны манъа огрет,
душманларым ичюн, манъа догъру ёлны косьтер.
12 #
Чыкъ 20.16; Збр 40.3; Икм 6.19 Яланджы шаатлар манъа къаршы баш котерди,
агъызларындан зулум чыкъа,
лякин душманларымнынъ къолуна мени берме.
13 #
Еш 53.8; Ехез 26.20; 32.23 Меним ишанчым къатты:
мен мытлакъа тирилер дюньясында
РАББИнинъ яхшылыгъыны кореджегим.
14 #
Ехо 1.6; Збр 30.25; Еш 8.17 РАББИге ишан!
Джесюр ол, юрегинъе кучь бер
ве РАББИге ишан!
Currently Selected:
Зебур 26: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
