Зебур 1
1
Акъикъий бахыт
1 #
Эюп 21.16; Збр 25.4-5; Икм 1.15; 3.34; 4.14; 24.1; 21.24 Не де бахтлыдыр
ярамазларнынъ акъылынен юрмеген,
гунакярлар ёлуна тюшмеген,
мыскъылджылар топлашувында отурмагъан адам!
2 #
Ехо 1.8; Збр 118.47-48, 97 О, РАББИнинъ Къанунындан кейф ала,
гедже-куньдюз Онынъ Къануныны тюшюне.
3 #
Йрм 17.8; Ехез 47.12 Акъкъан сувлар янында сачылгъан,
мейвасыны озь вакътында берген,
япракълары ич солмагъан терек кибидир о адам!
О не япса да, эр шейни беджерир!
4 #
Эюп 21.18; Збр 34.5 Ярамайлар бойле дегиллер,
олар ельде савурылгъан тобан киби олурлар.
5Шунынъ ичюн ярамай адамлар къыямет куню къуртулып оламазлар,
гунакярлар да инсафлыларнынъ топлашувында олмазлар.
6 #
Збр 36.18
РАББИ инсафлыларнынъ ёлуны биле,
ярамайларнынъ ёлу исе гъайып олур.
Currently Selected:
Зебур 1: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
