Эюп 42

Эюп тёвбе эте

1О заман Эюп РАББИге бойле джевап берди:

2 # Баш 18.14; Йрм 32.17; Мт 19.26 – Сен эр шейни япып оладжагъынъны билем,

ич бир ниетинъ токътатылмаз.

3 # Эюп 38.2 «Бильгисиз сёзлернен

Меним япкъанларыма шубеленген бу адам кимдир?» – деп сорадынъ.

Бойледже, мен анъламайып айта эдим,

аджайип ишлеринъ акъкъында бильмей эдим.

4 # Эюп 38.3; 40.2 «Энди динъле, Мен лаф этейим, – дединъ.

– Мен сорайым, сен джевап бер».

5Сенинъ акъкъынъда къулакънен эшиткен эдим,

шимди исе козьлеримнен Сени корьдим.

6 # Эюп 2.8 Шунынъ ичюн озюмни корьмеге козюм ёкъ#42.6 Я да «айткъанымдан къайтам».,

тоз ве куль ичинде тёвбе этем.

Нетидже

7 # Эюп 2.11 РАББИ бойле сёзлерни Эюпкъа айткъан сонъ, теманлы Элифазгъа бойле деди:

– Санъа ве эки достунъа ачувландым, чюнки къулум Эюп догъру лаф эткен олса да, сиз Меним акъкъымда догъру лаф этмединъиз. 8#Баш 20.7; Сай 23.1; 1 Тар 15.26; Якъ 5.16Шимди еди бузав ве еди къочкъар алынъыз, къулум Эюпкъа кетинъиз ве оларны озьлеринъиз ичюн бутюнлей якъыладжакъ къурбан оларакъ кетиринъиз. Къулум Эюп сиз ичюн дува этер. Мен онынъ дувасыны къабул этерим ве, сизлер Меним акъкъымда къулум Эюп киби догъру айтмасанъыз да, сизни джезаламам.

9 # Эюп 2.11 Теманлы Элифаз, шуалы Билдад ве наамалы Цофар кетип, РАББИнинъ оларгъа буюргъаныны яптылар. РАББИ Эюпнынъ дувасыны къабул этти.

10 # Еш 40.2; 61.7 Эюп достлары ичюн дува эткенден сонъ, РАББИ онъа эвельки барлыгъыны къайтарды. Бундан гъайры, РАББИ Эюпта олгъанынынъ эки къат зиядесини берди. 11#Эюп 19.13О вакъыт бутюн огълан къардашлары ве къызкъардашлары, эвельки танышларнынъ эписи Эюпнынъ янына кельди ве эвинде онен берабер байрам яптылар. Къасеветлеринен пайлашып, РАББИ Эюпнынъ башына тюшюрген белялары ичюн гонълюни ала эдилер. Эр бири онъа пара#42.11 Пара – къ. еуд. «бир кесита», агъырлыгъы ве дегери бельгисиз олгъан бир къадимий парадыр. ве бир алтын юзюк берди.

12РАББИ Эюпнынъ сонъки йылларыны берекетли япып, эвелькисинден чокъ багъышлады. Онынъ 14 000 къой-эчкиси, 6 000 девеси, 1 000 чифт бугъасы, 1 000 эшеги олды. 13#Эюп 1.2Онынъ даа еди огълу ве учь къызы олды. 14Биринджи къызынынъ адыны «Гогерджин», экинджисининъ «Хош Къокъулы Чечек», учюнджисининъ «Кирпиклернинъ Парылдысы»#42.14 Къ. еуд. «Емима», «Кеция», «Керен-Хаппук». адыны къойды. 15#Сай 27.1-8Мемлекетнинъ ич бир еринде Эюпнынъ къызлары къадар дюльбер къызлар ёкъ эди. Бабалары оларгъа, агъа-къардашларына киби, байлыгъынынъ пайларыны берди.

16 # Баш 50.23 Бундан сонъ Эюп 140 йыл даа яшады, огъулларыны ве дёртюнджи несильге къадар торунларыны корьди. 17Эюп омюрине тойды ве къартайып кечинди.

Currently Selected:

Эюп 42: CTB

Highlight

Copy

Compare