Левийлилер 18

Озь яшайышында азизлик акъкъында

1РАББИ Мусагъа бойле деди:

2– Исраиль халкъына бойле айт:

Мен – РАББИм, сизинъ Алланъыз. 3#Ехез 20.7-8; 23.8Сизлер яшагъан Мысыр топрагъындаки адамларнынъ япкъанларыны япманъыз. Мен сизни алып кетеджек Ханаан топрагъындаки адамларнынъ япкъанларыны да япманъыз. Оларнынъ низамнамелерине коре яшаманъыз. 4Меним къарарларымны беджеринъиз, Меним низамнамелеримни тутунъыз ве оларгъа коре яшанъыз. Мен – РАББИм, сизинъ Алланъыз. 5#Текр 4.1; 32.47; Нех 9.29; Икм 4.4; Ехез 18.9; 20.11; Рим 8.13; 10.5; Гал 3.12Меним низамнамелеримни ве къарарларымны тутунъыз ве беджеринъиз. Оларны беджерген адам оларнынъ ярдымынен яшайджакъ. Мен – РАББИм.

6Ич кимсе озь сой-сопунен ятмагъа ниетленмесин. Мен – РАББИм.

7Ананънен ве бабанънен ятма. Ананънен ятма. О, сенинъ ананъдыр.

8 # Текр 22.30 Бабанънынъ апайынен ятма. Бу – бабанънынъ аврет ерлерининъ ачылышыдыр.

9 # Текр 27.22; 2 Пад 13.12 Озь татанънен, къызкъардашынънен, бабанънынъ къызынен я да ананънынъ къызынен ятма. Олар сенинъ къорантанъда я да башкъа къорантада догъгъан олса да, эп бир оларнен ятма.

10Огълунънынъ къызынен я да къызынънынъ къызынен ятма. Бу – сенинъ аврет ерлеринънинъ ачылышыдыр.

11Бабанъдан догъгъан, бабанънынъ апайынынъ къызынен ятма. О – сенинъ татанъ я да къызкъардашынъ. Онен ятма.

12Аланънен ятма. О – бабанънынъ догъмушыдыр.

13Тизенънен ятма. О – ананънынъ догъмушыдыр.

14Эмдженънен ятма ве онынъ апайына якъынлашма. О, сенинъ дудунъдыр.

15 # Баш 38.26 Келининънен ятма. О – огълунънынъ апайыдыр, онен ятма.

16 # Мт 14.4; Мк 6.18 Дудунънен ятма. Бу – агъанънынъ аврет ерлерининъ ачылышыдыр.

17 # Текр 27.23 Къадыннен ве онынъ къызынен ятма. Огълунынъ къызынен ве къызынынъ къызынен ятмагъа ниетленме. Олар къадыннынъ якъын сойларыдыр. Бу – яманлыкътыр.

18 # Баш 29.30; 30.15 Къадынгъа ве онынъ татасына бирден эвленме. Ёкъса олар бири-бирини куньлер. Сенинъ апайынъ сагъ олгъанда, онынъ татасынен я да къызкъардашынен ятма.

19 # Лев 15.24 Апайынъ устю кирли олгъанда, онен ятмакъ ичюн якъынлашма.

20 # Чыкъ 20.14 Башкъа адамнынъ апайынен ятма. Ёкъса сен урлугъынъны йиберип, арамланырсынъ.

21Эвлятларынъны атештен кечирип, Молек путуна берме ве бунынънен Алланънынъ Адыны яманлама. Мен – РАББИм.

22 # Баш 19.5; Къад 19.22; Рим 1.27 Апайнен яткъанынъ киби, акъайнен ятма. Бу, пистир.

23 # Чыкъ 22.19 Насылдыр айваннен ятма. Ёкъса сен урлугъынъны йиберип, арамланырсынъ. Къадын да джынсий мунасебетте булунмакъ ичюн айваннынъ огюне турмасын. Бу, пистир.

24Бутюн айтылгъанларынен озюнъни арамламанъыз. Мен огюнъизден бутюн къувалайджакъ халкълар айны бу ишлернен озьлерини арамладылар. 25#Сай 35.34; Йрм 2.7; Ехез 36.17Бутюн топракъ арам олды. Шунынъ ичюн Мен халкъларны бутюн яманлыкълары ичюн джезаларым, ве ер юзю онынъ устюнде яшагъанларны къусаджакъ.

26Сизлер исе, эм исраиллилерден олгъан, эм аранъызда яшагъан кельмешеклерден олгъан эр кес Меним низамнамелеримни ве къарарларымны беджеринъиз, бу пис ишлерни япманъыз. 27Бу топракъта сизден эвель яшагъан халкълар бутюн бу пис шейлерни япа эдилер, ве топракъ арам олды. 28Топракъ сизден эвель яшагъан халкъларны къускъаны киби, сиз топракъны арамлайджакъ вакъытта о, сизлерни де къусаджакъ.

29Бойле пис шейлерни япкъан адамларнынъ джанлары халкъ арасындан ёкъ этиледжеклер.

30Буюргъанларымны беджеринъиз ве сизден эвель олгъан адамларнынъ пис низамнамелерини тутманъыз, оларнынъ себебинден арам олманъыз. Мен – РАББИм, сизинъ Алланъыз.

Currently Selected:

Левийлилер 18: CTB

Highlight

Copy

Compare