Эюп 8
8
Билдаднынъ биринджи лафы
Билдад Эюпкъа Аллагъа дува этмесини огрете
1 #
Эюп 2.11
Шуалы Билдад бойле джевап берди:
2– Даа чокъ ойле айтаджакъсынъмы?
Сёзлеринъ бошуна уфюрген ель киби.
3 #
Эюп 34.12
Алла адалетсиз суд этерми?
Къудретли Олгъан акъикъатны чевирирми?
4Огъулларынъ Алланынъ огюне гуна ишлеген олсалар,
О, оларгъа къабаатларынынъ джезасыны бергендир.
5Эгер сен Алланы къыдырсанъ,
Къудретлиге ялварсанъ,
6 #
Икм 3.33
эгер сен темиз ве догъру олсанъ,
О, шимди сени къорчалар
ве сенинъ инсафлы эвинъе тынчлыкъ-аманлыкъ берер.
7Илериде оладжакъ байлыгъынъ ойле буюк оладжакъ ки,
эвельки бутюнлей козюнъе корюнмейджек.
Гунакяр ве инсафлы адамларнынъ яшайышы акъкъында
8 #
Текр 32.7
Эвель яшагъан несиллерден сора,
деделери нелер огренгенини анъла.
9 #
Збр 101.12; Джем 6.12 Биз тек тюневин догъдыкъ,
бир шей бильмеймиз,
ер юзюндеки куньлеримиз – бир талдадыр.
10Деделер санъа акъыл огретир,
икмет сёзлерини айтарлар.
11Батакълыкъ олмагъан ерде папирус оту осерми?
Сув олмагъан ерде къамыш осерми?
12 #
Збр 128.6
О, даа ешиль олып, кесильмеден,
сув олмаса, башкъа отлардан эвель къуруп кетер.
13 #
Эюп 27.8; Збр 9.18; Икм 10.28; 11.7 Алланы унуткъан эр кеснинъ сонъу бойледир,
алласызларнынъ умюти гъайып олур.
14 #
Еш 59.6
Онынъ ишанчы дагъылыр,
о, орюмчекнинъ йипчигине ишаныр.
15 #
Эюп 27.18
Эвине таяныр да, эви авдарылыр,
онъа япышыр да, турып оламаз.
16Ойле адам кунешнинъ тюбюнде семирир,
пытакълары багъча бою дагъылыр,
17тамырлары таш обасына сарылыр,
ташларнынъ арасында ер къыдырыр.
18 #
Эюп 7.10
Амма еринден чыкъарылгъанда,
ери: «Сени ич корьмедим», – деп оны ред этеджек.
19Бакъ, къуванчынынъ сонъу будыр.
Топракътан исе башкъалар котерилир.
20Алла мытлакъа инсафлы адамны ред этмез,
яманлыкъ эткенлерине ярдым этмез.
21 #
Збр 125.2
О, сенинъ агъзынъны кене кулькюге,
дудакъларынъны къуванч къычырувларына толдураджакъ.
22 #
Збр 108.29
Сени кореджек козю олмагъанлар масхара олурлар,
яман адамларнынъ чадырлары ёкъ олурлар.
Currently Selected:
Эюп 8: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
