Эюп 7
7
Эюпнынъ къасевети
1 #
Эюп 14.6, 14 Адамнынъ ер юзюндеки куньлери – аскернинъ агъыр хызмети кибидир,
онынъ куньлери – ыргъатнынъ куньлери киби.
2 #
Лев 19.13
Талдада раатланмакъ ичюн айырылгъан вакъытны
къул сабырсызлыкънен беклегени дайын,
ыргъат да иш кунюнинъ акъкъыны беклей.
3Джанымнынъ айлары бири-бири артындан бошуна кетелер,
геджелери де къаарь-къасеветте кечелер.
4 #
Текр 28.67
Ятар-ятмам, танъ аткъаныны беклейим,
амма гедже пек узанып, уджу-буджу корюнмей,
ве танъ аткъандже юварланам.
5Беденимни къуртлар ве чамурлы къотур къаплады,
чатлагъан теримден ирин акъа.
6 #
Эюп 9.25; 17.11; Еш 38.12 Куньлерим тез-тез кечелер#7.6 Къ. еуд. сёзю-сёзюне «куньлерим токъуйыджынынъ аткъычындан тез кечелер» демектир.,
ишанчсыз битмектелер.
7Акълынъда тут, омюрим – бир ель эсмесидир,
козюм де бир даа яхшылыкъ корьмез.
8 #
Эюп 20.9
Шимди манъа бакъкъан козьлер бир даа мени корьмейджек,
манъа бакъкъанынъда, мен ёкъ оладжагъым.
9Булутлар дагъылып ёкъ олгъаны киби,
олюлер дюньясына тюшкен бир даа чыкъмаз,
10 #
Збр 36.10; 102.16 бир даа эвине къайтмаз,
булунгъан ери де оны танымаз.
11Шунынъ ичюн индемейип отурмайджагъым,
юрек сыкъынтысынен айтаджагъым,
джаным агъырлыгъы акъкъында агъланаджагъым.
12Аджеба, мен санъа денъизимми? Я да денъиз джанаварыммы?
Не ичюн башыма къаравул къойдынъ?
13«Тёшегим манъа гонъюль берер,
ятагъым белямны алып кетер», – деп тюшюнгенимде,
14Сен мени тюшлернен къоркъутасынъ,
руяларнен отюмни патлатасынъ.
15Мени бирев богъып ташлагъайды,
бу хайырсыз беден ичине яшамакътан ольмек хайырлыдыр.
16 #
Эюп 9.21; 10.1, 20; Джем 1.2; Збр 38.6-7; 61.10; 143.4 Бездим.
Яшайышым эбедий дегильдир.
Мени озь алыма къалдыр!
Яшагъан куньлерим бошунадыр!
Эюп Алланы чагъыра
17 #
Збр 8.5; 143.3 Адамларгъа не о къадар къыймет кесесинъ?
Неден токътамайып олар акъкъында тюшюнесинъ?
18 #
Збр 10.5
Неден Сен эр саба оны корьмеге келесинъ?
Неден Сен эр дакъкъа оны сынайсынъ?
19 #
Эюп 14.6; Збр 38.14 Козюнъни менден ич айырмайджакъсынъмы?
Тюкюригимни ютмагъа биле манъа вакъыт бермейджексинъми?
20 #
Эюп 16.12; Агъл 3.12 Гуна къазангъан олсам биле,
Санъа не зарар кетирир эдим,
эй, адамларнынъ къаравулы?
Нечюн мени токътамаздан урасынъ?
Нечюн санъа бир юк олдым?
21Нечюн гунамны багъышламайсынъ?
Нечюн къабаатымны кечирмейсинъ?
Энди топракъкъа киреджегим,
мени къыдырырсынъ, амма мен олмайджагъым.
Currently Selected:
Эюп 7: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
