Эюп 37
37
1Юрегим бунынъ ичюн титрер
ве еринден ойнар.
2Алланынъ гудюрдили сесини дикъкъатнен динъленъиз
ве агъзындан чыкъкъан гудюрдилерини эшитинъиз!
3 #
Эюп 36.30, 32 Олар кокнинъ тюбюндеки эр ерде эшитилир,
йылдырымнынъ ярыгъы ер юзюнинъ эр кошесинде корюнир.
4 #
2 Пад 22.14; Збр 17.14; 28.3-4 Артындан бир сес гудюрдер,
Озь гъурурлы сесинен гурьлер,
сеси эшитильген сонъ да, оны токътатмаз.
5 #
Эюп 5.9
Алланынъ сеси гудюрдер,
аджайип ишлерни косьтерир,
бизлер исе оларны анъламамыз.
6 #
Збр 148.8
Къаргъа: «Ерге тюш», – деп буюрыр,
эм сагъанакъ, эм ягъмур Онынъ кучюне бойсуныр.
7Бутюн инсанлар Онынъ ишлерини бильсинлер деп,
О, эр кеснинъ къолуна тамгъа къояр#37.7 Я да «О, эр кесни, раатлансынлар деп, япыкъ къапу артында отурта»..
8 #
Збр 103.22
О заман айванлар да сакълангъан ерлерге кетер,
юваларында отурарлар.
9Дженюптен боран къопар,
шимальден – къатты сувукъ#37.9 Къ. еуд. сёзю-сёзюне «чадырдан боран келе, сувукъ кетирген еллерден аджджы сувукъ» демектир..
10 #
Эюп 38.29-30
Алланынъ уфюргенинден буз пейда олур,
ве сув юзю къаттылашыр.
11О, даа булутларны дымгъа толдурыр,
ве олар яшынларны эр якъкъа ягъдырыр.
12 #
Збр 148.8
Булутлар айланалар,
Онынъ истегине коре ёл тутар,
ер юзюнде буюргъаныны беджерир.
13 #
Чыкъ 9.18; 3 Пад 18.45 Я инсанларны джезаламакъ,
я топракъны сувармакъ,
я мерамет косьтермек ичюн
ягъмурны ягъдырыр.
14– Динъле шуны, Эюп,
тур да, Алланынъ аджайип ишлерини тюшюн.
15Алла булутларны насыл ерлештиргенини,
яшын насыл этип парылдагъаныны билесинъми?
16 #
Эюп 36.4
Булутлар кокте насыл асылып тургъанларыны билесинъми?
Онынъ бильгиси къусурсыз,
япкъанлары да аджайиптир!
17Дженюптен ель кельгенде
ве ер юзюни тынчландыргъанда,
санъа да урбаларынъда сыджакъ ола.
18 #
Еш 44.24
Лякин тёкме кузьгю киби сагълам олгъан кок къуббесини
Онен берабер сен джаярсынъмы?
19 #
Еш 60.2
Онъа не айтаджагъымызны огрет бизге,
чюнки бу къаранлыкъта биз бир шей азырлап оламаймыз.
20Онъа не айтаджагъым акъкъында айтмакъ керек экенми?
Адам Алланен лаф этсе,
мытлакъа ёкъ этиледжек.
21Ель урып-йыкъып, коклерни темизлегенде,
булутлар устюнден парылдагъан ярыкъкъа
бакъмакънынъ чареси олмай.
22Алтын ярыкъ шимальден келир,
Алланынъ чевресинде къоркъунчлы шуреттир.
23Къудретли Алланы акъылымыз анъламаз.
Онынъ кучю – буюк,
суду – адалетли, догърулыгъы – сонъсуздыр.
Ич бир адамны О, хорламаз.
24 #
Икм 15.33
Шунынъ ичюн, эй, адамлар, Алладан къоркъунъыз!
О, сизинъ акъыллы олгъанынъызгъа бакъмаз!
Currently Selected:
Эюп 37: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
