Эюп 27
27
Эюпнынъ сонъки айткъанлары
1Эюп лафыны кене девам этип, бойле деди:
2 #
Эюп 34.5
– Манъа адалет косьтермеген Алланынъ огюнде,
джанымны ынджыткъан Къудретлининъ огюнде ант этем:
3 #
Эюп 33.4
Мен сагъ олып, нефес алгъаныма къадар,
ичимде Алла берген яшайыш руху олгъанына къадар,
4агъзымдан яман сёз чыкъмайджакъ,
тилим ялан айтмайджакъ.
5Сизни ич бир вакъыт акълы саймайджагъым,
олерим, амма инсафлы олгъанымдан вазгечмейджегим.
6Акъикъатымда къатты тураджагъым,
ондан вазгечмейджегим,
яшагъан куньлерим ичюн юрегим мени сёгмейджек.
Яман адамларнынъ устюнден Алланынъ суду
7Душманларым къабаатлы сайсын,
манъа къаршы тургъанлар акъсызлыкъ япкъанлар киби олсун.
8 #
Эюп 8.13
Алласыз адам неге ишаныр?
Алла оны ёкъ этер, онынъ джаныны алыр!
9 #
Збр 17.42; 65.18; Икм 1.28; 28.9; Юх 9.31 Башына беля кельгенде,
Алла онынъ ярдымгъа чагъыргъаныны эшитирми?
10Ойле адам Къудретлиде къуванч къыдырырмы?
Эр заман Аллагъа ялварырмы?
11Алланынъ къолунда не олгъаныны сизге хабер этеджегим,
Къудретлининъ барлыгъыны гизлемейджегим.
12Сиз эпинъиз буны корьдинъиз,
ойле олса, нечюн о къадар бош лафлар этесинъиз?
13 #
Эюп 20.29
Яман адамнынъ Алладан аладжакъ пайы,
хорлагъаннынъ Къудретли береджек къысмети бойле:
14 #
Еш 1.22
огъланлары чокъ олса да, къылычнен ольдюриледжек,
эвлятлары отьмекке тоймайджакъ,
15 #
Збр 77.64
сагъ къалгъанларны олюм мезаргъа тюшюреджек,
артларындан тул апайлары агъламайджакъ.
16 #
Зек 9.3
О, бир оба топракъ киби кумюш топласа да,
чокъ чамур киби урбалар азырласа да,
17 #
Збр 38.7; Икм 13.22 онынъ азырлагъаныны догъру адам киеджек,
кумюш къабаатсызнынъ пайы оладжакъ.
18 #
Эюп 8.15
Сюме киби, эвини къура,
яшагъан ери къаравул япкъан чалашкъа ошай.
19 #
Збр 48.18
Бай олып ятса да, зенгин олып уянмаз,
козьлерини ачкъанда, эписи ёкъ олып кеткендир.
20Къоркъулар оны, буюк сувлар киби, басар,
боран оны гедже алып къачар,
21 #
Эюп 30.22
куньдогъуш ели учып, оны котерир,
еринден алып, фуртунадан алып кетер,
22онъа атылыр ве ич аджымаз,
ельнинъ кучюнден о, мытлакъа къачмагъа тырышыр.
23 #
Агъл 2.15
Оны мыскъыллап, артындан сызгъырып,
ель оны еринден къувалар.
Currently Selected:
Эюп 27: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
