Эюп 26
26
Эюпнынъ джевабы
Эюп Билдад лафларынынъ устюнден куле
1Эюп бойле джевап берди:
2– Къуветсиз адамгъа сен буюк ярдым эттинъ!
Такъаттан кесильгенге ярдым къолуны узаттынъ!
3Акъыллы олмагъангъа насыл акъыл огреттинъ!
Ишни бутюнлей пек гузель анълаттынъ!
4Кимнинъ ярдымынен бу сёзлерни айттынъ?
Бойле лаф этмеге сени ким рухландырды?
5Сувларнынъ тюбюнде олюлернинъ рухлары
ве анда яшагъанлар титрер.
6 #
Збр 138.8; Икм 15.11 Алланынъ огюнде олюлернинъ дюньясы ачыкътыр,
ве эляк дияры ич бир шей къапатмаз.
7 #
Эюп 9.8
О, бошлукънынъ устюне шимальни джайды,
ич бир шейнинъ устюне дюньяны асты.
8 #
Икм 30.4
Булутларынынъ ичине сувларны къапата,
оларнынъ агъырлыгъы тюбюнде булутлар йыртылмаз.
9О, Озь тахтынынъ огюни сакълады,
устюни булутларнен къаплады.
10 #
Баш 1.9, 10; Икм 8.29 Ярыкънен къаранлыкъны айыргъан ерде
сувларнынъ устюнден сынъыр чызды.
11 #
Збр 103.7
Алланынъ ачувлы гудюрдисинден
коклернинъ диреклери титреди
ве шашып къалды.
12 #
Эюп 9.13; Збр 88.11; Еш 51.9 Озь кучюнен О, денъизни далгъалатты,
акъылынен Рахавны урып-йыкъты.
13 #
Еш 27.1
Онынъ нефесинден коклер ачылды,
Онынъ къолу къачкъан йыланны ольдюрди.
14Будыр япкъанларынынъ кучюк парчалары.
Онынъ акъкъында тек азчыкъ эшиттик,
амма къудретининъ гудюрдисини ким анълап олур?
Currently Selected:
Эюп 26: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
