2 Пётр 1
1
Селямлашув
1 #
Мт 4.18-21; Юх 1.40-42; Тит 2.13 Симон Пётр, Иса Месихнинъ къулу ве эльчиси, –
Алламызнынъ ве Къуртарыджы Иса Месихнинъ догърулыгъына коре сизнен берабер къыйметли имангъа кельгенлерге:
2 #
Дан 3.31; 1 Пётр 1.2; Иуда 1.2 Алланы ве Раббимиз Исаны бильгенинъиз сайын, Алланынъ эйилиги ве тынчлыкъ-аманлыкъ сизде чокълашсын!
Алланынъ давети
3О бизни Озюне Озь шуретинен ве гузель ахлягъынен чагъыргъаныны бильгенимизде, Онынъ Алла дайын къудрети бизге яшайышкъа ве иманлы арекетлерге керекли эр бир шейни багъышлады. 4#2 Пётр 2.18О, бизге къыйметли ве улу ваделерни багъышлады. Бойлеликнен, яман истеклер себептен дюньяда булунгъан бозукълыкътан къачкъан сонъ, сиз оларнынъ ярдымынен Алланынъ табиатына къошулмагъа имкян алдынъыз. 5Шу себептен эр тюрлю гъайрет этип, иманынъызгъа ахлякъны, ахлякъкъа бильгини, 6#Якъ 1.3-4бильгиге озюни къолда тутувны, озюни къолда тутувгъа сабырны, сабыргъа диндарлыкъны, 7#1 Юх 4.16; 1 Кор 13.13; Еуд 13.1диндарлыкъкъа агъа-къардаш муаббетини, агъа-къардаш муаббетине севгини къошунъыз. 8#Тит 3.14Эгер бу шейлер сизде олса, эм де артып турса, о вакъытта сиз Раббимиз Иса Месихни бильмек ёлунда файдасыз ве мейвасыз къалмазсынъыз. 9#1 Юх 1.7; Эф 5.26; Еуд 9.14Амма бу шейлер биревде олмаса, о, кёр ве узакътан корьмей, эвельки гуналарындан темизленгенини унуткъандыр. 10#1 Тес 1.4Шунынъ ичюн, агъа-къардашлар, Алланынъ сизлерни сайлагъаныны ве чагъыргъаныны къавий этмеге гъайретнен тырышынъыз. Бойле арекет этсенъиз, ич бир вакъыт сюрюнмезсинъиз. 11#Кол 1.13Бойлеликнен, Раббимиз ве Къуртарыджы Иса Месихнинъ эбедий Падишалыгъына кириш ёлу сизлерге кенъ ачыладжакъ. 12#Иуда 1.5Шунынъ ичюн, сизлер бу шейлерни бильсенъиз де, акъикъатта къатты турсанъыз да, мен эр вакъыт буларны сизлерге акъылгъа кетиреджегим. 13Бу беденимде олгъанымда, буларны акъылгъа кетирмекнен сизлерни уятып турмагъа догъру шей деп тюшюнем, 14#Юх 21.18-19; 2 Тим 4.6чюнки мен тезден беденимден айырылмакъ кереклигини билем. Буны манъа Раббимиз Иса Месих ачып берди. 15Бу дюньядан кеткенимден сонъ да сизлер эр вакъыт буларны акъылларынъызда тутмакъ ичюн, шимди къолумдан кельгенини япаджагъым.
Месих шуретининъ шаатлары
16 #
Лк 9.32; Юх 1.14; 1 Тес 2.19; 4.16 Раббимиз Иса Месихнинъ къудрети ве келеджеги акъкъында сизлерге айтып бергенимизде, усталыкънен уйдурылгъан масалларны айтып кельмедик, амма Онынъ улулыгъыны озь козюмизнен корьгенлер оларакъ кельдик. 17#Мт 3.17; 17.5; Мк 1.11; 9.7; Лк 9.35; Юх 8.54; 17.1; Фаал 3.13Улу ве шуретли Алладан: «Бу Меним севимли Огълумдыр! Мен Ондан разым!» – деген сес кельгенинен, Месих Алла Бабадан урьмет ве шуретни къабул этти. 18Онен берабер азиз дагъда олгъанымызда, коктен кельген бу сесни биз озюмиз эшиттик. 19#Збр 118.105; Юх 5.35; 1 Пётр 1.10; 2 Кор 4.6Бундан гъайры, бизде пейгъамберлернинъ ишанчлы сёзлери де бар. Олар – кунь догъмагъандже ве сизинъ юрегинъизде танъ йылдызы чыкъмагъандже, къаранлыкъ ерде нур сачкъан чыракътыр. Сизлер оларгъа къулакъ аскъанынъызда, яхшы иш япасынъыз. 20Энъ эвеля шуны билинъиз: Языда олгъан ич бир пейгъамберлик бир адамнынъ озь фикиринден кельмей, 21#2 Пад 17.13; Нех 9.30; 2 Тим 3.16чюнки ич бир пейгъамберлик сёзю адам истегинен айтылмады, лякин адамлар Мукъаддес Рухтан рухланып, Алланынъ сёзлерини айта эдилер.
Currently Selected:
2 Пётр 1: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016