1 Пётр 5

Алланынъ сюрюси

1 # Лк 24.48; Рим 8.17 Сизинъ ортанъыздаки акъсакъалларгъа мен ялварам, – мен де акъсакъалым ве Месих чеккен азапларнынъ шаатым; мен де тезден пейда оладжакъ шуретке къошуладжагъым, – 2#Юх 21.16-17; Фаал 20.28; 1 Тим 3.8; Тит 1.7сизлерге берильген Алланынъ сюрюсини яхшы бакъынъыз. Бу ишни меджбурий дегиль, Алла бегенген киби, озь истегинъизнен япынъыз. Озь файдасы ичюн дегиль, акъикъий истекнен япынъыз. 3#Мт 20.25-26; Флп 3.17; 2 Тес 3.9; 1 Тим 4.12; Тит 2.7Сизге ишанып берильген сюрюни хорламанъыз, лякин оларгъа яхшы орьнек косьтеринъиз. 4#Збр 22.1; 79.2; Еш 40.11; Ехез 34.11-15; Джем 12.12; Юх 10.11; 1 Кор 9.25; Еуд 13.20О вакъытта, Баш Чобан коктен пейда олгъанда, сизлер эбедий шурет таджыны аладжакъсынъыз.

5 # Икм 3.34; Якъ 4.6 Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

6Бойлеликнен, Алланынъ къудретли къолу астында алчакъгонъюлли олунъыз, ве озь вакътында О, сизлерни юксельтеджек. 7#Збр 36.5; Мт 6.25; Флп 4.6Аллагъа бутюн къасеветлеринъизни беринъиз; Онынъ Озю сизлерни къайгъыра.

8 # Эюп 1.6; 2.2; Мк 13.33-34; 1 Пётр 5.8; 2 Кор 2.11; Эф 6.11, 18; 1 Тес 5.6 Айыныкъ ве козь-къулакъ олунъыз. Душманынъыз Шейтан, окюрген арслан киби, юре ве биревни ютмакъ ичюн къыдыра. 9#Фаал 14.22; Якъ 4.7; 1 Тес 3.3Къатты иманнен онъа къаршы чыкъынъыз, дюньянынъ эр ериндеки агъа-къардашларынъыз бойле азаплар да чеккенини унутманъыз. 10#2 Тим 2.10Эр бир эйиликнинъ саиби олгъан Алла бизни Иса Месихте Озь эбедий шуретине чагъырды. Сиз къыскъа бир вакъыт ичинде азап чеккенинъизден сонъ, Алла Озю сизлерни котереджек, къуветлендиреджек, къавийлештиреджек ве темеллештиреджек. 11#1 Пётр 4.11Акимиет эбедиен Онынъкидир! Амин.

Селямлар

12 # Фаал 15.22, 40; 1 Тес 1.1; 2 Тес 1.1 Буны мен Силуаннынъ#5.12 Силуаннынъ башкъа ады – Сила. ярдымынен (меним фикримдже, о, сизинъ ишанчлы къардашынъыз) сизлерге къыскъадан язып алдым, сизлернинъ гонълюнъизни алмагъа ве сизге бойле шаатлыкъ бермеге истедим: шу – Алланынъ акъикъий эйилигидир. Ондан узакълашманъыз!

13 # Фаал 12.12; 13.5; 15.37 Сизнен берабер сайлангъан Вавилондаки иманлылар джемиети ве огълум Марк сизлерге селям ёллайлар. 14#Рим 16.16Бири-биринъизни севгинен опип селямлашынъыз. Сизге, Иса Месихке инангъанларгъа, тынчлыкъ-аманлыкъ олсун!

Currently Selected:

1 Пётр 5: CTB

Highlight

Copy

Compare