2 Тарих вакъиалары 9
9
Шева къыраличеси
1 #
3 Пад 4.34; Збр 71.10, 15; Еш 60.6; Йрм 6.20; Ехез 27.22; 38.13; Ёэль 3.8; Мт 12.42; Лк 11.31 Шева къыраличеси, Сулейманнынъ шурети акъкъында эшитип, оны къыйын суаллернен сынамакъ ичюн, Ерусалимге кельди. О, буюктен буюк байлыкънен кельди: девелер гузель къокъулы шейлернен ве чокътан-чокъ алтын ве къыйметли ташларнен юклю эди. О, Сулеймангъа келип, юрегинде олгъан эр шей акъкъында онен субет этти. 2Сулейман онынъ эр бир суалине джевап берди. О, эр шей акъкъында биле эди ве эр шейни Шевагъа анълатып ола эди. 3Шева къыраличеси Сулейманнынъ акълыны ве къургъан эвини, 4софрасындаки ашыны, къулларынынъ отургъан эвлерини, хызметкярларынынъ яхшы ишини ве оларнынъ урбаларыны, ички дагъыткъан адамларыны ве оларнынъ урбаларыны, Сулейман РАББИнинъ Сарайына алып баргъан ёлны да корьгенде, пек шашты 5ве падишагъа бойле деди:
– Мен яшагъан мемлекетимде сенинъ ишлеринъ ве икметинъ акъкъында эшиткеним догърудыр. 6Лякин мен озюм келип, озь козюмнен корьмегендже, бу шейлерге инанмай эдим. Энди корем ки, сенинъ буюк икметинъ акъкъында манъа ярысыны да айтмагъан экенлер. Сенинъ акъкъынъда айтылгъан шейлерден даа да устюнсинъ! 7Сенинъ адамларынъ бахтлыдыр! Сенинъ огюнъде даима тургъан ве акъыллы сёзлеринъни эшиткен бу хызметкярларынъ да бахтлыдыр! 8#2 Пад 8.15; 2 Тар 2.11Сенден разы олгъан РАББИ-Таалянъа шукюрлер олсун! РАББИ-Тааля сени Озь тахтына, Озь падишасы олмакъ ичюн, отуртты! Алланънынъ Исраильге олгъан севгиси ичюн, оны эбедиен къавий этмек ичюн, О, сени, укюмдарлыкъ этмек ве акъкъикъатны къорчаламакъ ичюн, падиша этти!
9Сонъ о, падишагъа 120 чувал#9.9 120 чувал – къ. еуд. «120 киккар». алтын ве чокътан-чокъ гузель къокъулы шейлер ве къыйметли ташлар багъышлады. Шева къыраличеси Сулейман падишагъа багъышлагъан гузель къокъулы шейлерге ошагъан шейлер даа олмагъан эди.
10 #
3 Пад 9.27-28
Офирден алтын кетирген Хурамнынъ хызметчилери ве Сулейманнынъ хызметчилери чокътан-чокъ алгум агъачы ве къыйметли ташлар да кетирди. 11Падиша шу алгум агъачындан РАББИнинъ Сарайына ве падишанынъ эвине мердивен япты, бундан гъайры йырджылар ичюн сантырлар ве арфалар да яптырды. Бундан эвель Ехуда топракъларында ойле шейлер корюльмеген эди.
12Сулейман падиша Шева къыраличесине бахшыш оларакъ о сорагъан ве истеген эр шейни берди, ве бу шейлер Шеванынъ падишагъа кетирген шейлеринден чокъ эди. Сонъра о ве онынъ хызметчилери озь мемлекетине къайттылар.
Сулейманнынъ зенгинлиги
13Сулеймангъа эр бир йылда кельген алтын 666 чувал#9.13 666 чувал – къ. еуд. «666 киккар». эди. 14Ондан гъайры, алыш-веришчилер ве базиргянлар, эм де эписи Арабистан падишалары ве виляетлер башлыкълары Сулеймангъа алтын ве кумюш кетире эдилер.
15Сулейман падиша дёгюльген алтындан 200 дане балабан къалкъан яптырды. Эр бир къалкъангъа алты кило#9.15 Алты кило – къ. еуд. «600 (шекель)». дёгюльген алтын кетти. 16#3 Пад 7.2; 14.26Даа дёгюльген алтындан 300 дане кичкене къалкъан яптырды. Эр бирине учь кило#9.16 Учь кило – къ. еуд. «300 (шекель)». алтын кетти. Падиша оларны Ливан Орманы эвинде къойды.
17Падиша фильтиштен балабан тахт яптырды ве оны темиз алтыннен къаплады. 18Тахтнынъ алты басамагъы ве тахткъа къошулгъан аякъ тюбюне къоюлгъан алтын скемлечик бар эди. Отургъан ернинъ эки тарафындан эки тирсеклик бар эди, тирсекликлернинъ янында бирер арслан япылгъан эди. 19Алты басамакънынъ эки тарафындан он эки дане арслан япылгъан эди. Башкъа падишалыкъларда бу корюльмеген шей эди. 20Сулейман падишанынъ эписи ичкен савутлары алтындан ясалгъан эди. Ливан Орманы эвиндеки савутлар да темиз алтындан ясалгъан эди. Сулейманнынъ заманында кумюшнинъ бир къыймети ёкъ эди. 21#3 Пад 22.48Падишанынъ гемилери Хурамнынъ хызметчилеринен берабер Таршишке кете эдилер, учь йылда бир кере Таршиштен кельген гемилер алтын, кумюш, фильтиш, маймунлар ве тавус къушларыны кетире эдилер.
22 #
3 Пад 3.12-13; 2 Тар 1.12 Сулейман падишанынъ зенгинлиги ве икмети ер юзюндеки эр бир падишанынъкисинден зияде олды. 23#3 Пад 4.34; 10.1; 2 Тар 9.1Ер юзюндеки бутюн падишалар Сулейманнен корюшмек, онынъ юрегине Алла берген икметини динълемек истей эдилер. 24Оларнынъ эр бири озюнден бахшышларны: кумюш ве алтын шейлер, урбалар, силя ве къокъулы шейлер, ат ве къатырларны, – эр йыл кетире эдилер.
25 #
3 Пад 4.26; 9.19; 2 Тар 1.14-17 Сулейман озюне дженк арабалары ве атлы аскерлер топлады. Атлары ве дженк арабалары ичюн онынъ 4 000 араны бар эди, эм де онынъ 12 000 атлы аскери бар эди. Оларны о, дженк арабалары шеэрлеринде ве Ерусалимде, падишанынъ янында ерлештирди. 26#3 Пад 4.21Сулейман, Фират дерьясындан башлап, Фелестин топракъларына къадар ве Мысыр сынъырларына къадар яшагъан падишаларгъа укюмдарлыкъ япа эди. 27Падиша Ерусалимде кумюшни адий таш ерине сайдырды, кедрлерни исе, оларнынъ чокълугъы себебинден, Шефелада оськен инджир тереклерине тенъ этти. 28#Текр 17.16; 2 Тар 1.14-16Атларны исе Сулеймангъа Мысырдан ве башкъа мемлекетлерден кетире эдилер.
Сулейман падишалыгъынынъ нетиджелери
29Сулейманнынъ башкъа ишлери башындан сонъунадже Натан пейгъамбернинъ китабында, шилолы Ахиянынъ пейгъамберлик китабында ве Неват огълу Еровоам акъкъындаки гизли шейлерни бильген Иддонынъ руяларында язылгъандыр. 30Сулейман Ерусалимде бутюн Исраильге 40 йыл девамында падишалыкъ этти. 31Сонъ Сулейман баба-деделерине къошулды ве Давут бабасынынъ шеэринде дефн этильди. Огълу Реховоам онынъ ерине падиша олды.
Currently Selected:
2 Тарих вакъиалары 9: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
