2 Тарих вакъиалары 8
8
Сулейманнынъ шуретли ишлери
1 #
3 Пад 6.38; 7.1 Сулейман РАББИнинъ Сарайыны ве озюнинъ эвини 20 йыл девамында къурды. 2Сонъра Сулейман Хурам онъа берген шеэрлерни гъайрыдан къурды ве анда Исраиль огъулларыны ерлештирди. 3Сонъра Сулейман Хамат-Цова шеэрине уджюм этти ве оны алды. 4Сонъ о, чёльде Тадмор шеэрини ве Хамат еринде аш сакъламакъ ичюн шеэрлерни къурды. 5#Ехо 16.3, 5; Текр 3.5Сулейман даа юкъары Бет-Хорон ве ашагъы Бет-Хорон шеэрлерини къурды. Бу шеэрлер диварларнен, къапуларнен ве килитлернен пекитильген шеэрлер эди. 6Сулейман даа да Баалат шеэрини, озь ашларыны сакъламакъ ичюн эписи шеэрлерини, дженк арабалары ичюн эписи шеэрлерни ве атлылар ичюн шеэрлерни тюзетип абаданлаштырды. Сулейман Ерусалимде, Ливанда ве падишалыкъ эткен бутюн топрагъында къурмагъа истеген эписи шейлерни къурды.
7Исраилли олмагъанларны исе: хитли, аморлы, перизли, хивли ве евуслы халкъларнынъ къалгъанларыны 8ве олардан сонъ къалгъан ве исраиллилер ольдюрмеген балаларыны да Сулейман озюне чалышмагъа меджбур этти. Бойле ал шимдигедже сакъланып къала. 9#Лев 25.9; 3 Пад 5.13Исраиль огъулларыны исе Сулейман озюне чалышмагъа меджбур этмеди. Олар онынъ аскерлери ве къаравул башлыкълары, дженк арабаларынынъ ве атлыларынынъ башлыкълары олдылар. 10Булардан Сулейман падишанынъ башлыкълары, 250 адам эди. Олар халкъны идаре эттилер.
11 #
3 Пад 3.1; 7.8 Сулейман фыравуннынъ къызыны Давут Шеэринден алып:
– Меним апайыма Давутнынъ эвинде, Исраиль падишасынынъ эвинде яшамагъа олмаз, чюнки РАББИнинъ Сандыгъы кирген ерлер азиздир, – деп, апайыны онъа къурып берген эвге кочюрди.
12 #
2 Тар 4.1; 7.7 Сонъра Сулейман Эйван огюнде къурулгъан РАББИнинъ къурбан еринде бутюнлей якъыладжакъ къурбанларны РАББИге кетирип башлады. 13#Текр 16.1-17Муса буюргъаны киби, о, эм де эр кунь керекли къурбанларны, эм де эр раатлыкъ куню, эм де янъы ай догъгъан куньлеринде, эм де йылда учь кере: Маясыз Пишкен Пите Байрамында, Афталар Байрамында ве Чалашлар Байрамы куньлеринде бутюнлей якъыладжакъ къурбанларны кетире эди. 14#1 Тар 9.22; 24.6; 25.1Сулейман, Давут бабасынынъ къарарына коре, ибадет этмек ичюн руханийлернинъ болюклерини бельгиледи ве вазифелерини беджермек ичюн левийлилернинъ болюклерини тайинледи. Левийлилер РАББИни шуретлемек ве эр кунь руханийлернинъ ишлеринде ярдым этмек керек эдилер. Сулейман эр бир къапу ичюн къапуджыларнынъ невбетлерини де тайинледи. Алланынъ адамы Давутнынъ буюргъанлары бойле эди. 15Олар падишанынъ эм руханийлер акъкъында, эм левийлилер акъкъында, эм хазине, эм де эр бир шей акъкъында буюргъанларыны бозмайып беджере эдилер.
16Бойлеликнен, РАББИнинъ Сарайы темелининъ къурулышындан башлап, къуруджылыкънынъ сонъунадже Сулейманнынъ бутюн иши беджерильген эди.
17 #
Текр 2.8; 4 Пад 14.22 Бундан сонъ Сулейман Эдом топрагъында, денъиз ялысында ерлешкен Эцион-Гевер ве Элоткъа кетти. 18#Баш 10.29; 1 Тар 29.4; Эюп 22.24; 28.16; Збр 44.10; Еш 13.12Хурам озь хызметчилеринен Сулеймангъа гемилерни ве денъизни бильген хызметчилерини ёллады. Олар Сулейманнынъ хызметчилеринен берабер Офирге кеттилер ве андан 450 чувал#8.18 450 чувал – къ. еуд. «450 киккар». алтын алып, Сулейман падишагъа кетирдилер.
Currently Selected:
2 Тарих вакъиалары 8: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
