1 Пётр 3

Акъайларгъа ве апайларгъа

1-2 # Баш 3.16; 1 Кор 14.34; Эф 5.22; Кол 3.18; Тит 2.5 Бойлеликнен, къадынлар, озь акъайларынъызгъа бойсунынъыз. Эгер акъайларынъызнынъ базылары Алланынъ Сёзюне инанмасалар, олар сизинъ Алладан къоркъкъанынъызны ве азиз яшагъанынъызны кореджеклер ве сёзсюз озь къадынларынынъ арекетлеринен енъиледжеклер. 3Сизинъ дюльберлигинъиз орюльген сачлардан, такъылгъан алтынлардан, гузель урбалардан кельмесин, 4#1 Тим 2.9амма эбедий дюльберлигинъиз юрегинъизде сакълангъан юваш ве йымшакъ рух олсун. Алланынъ огюнде бунынъ къыймети буюк. 5Кечкен заманларда Аллагъа умют эткен азиз къадынлар озьлерини бойле яраштырып, озь акъайларына бойсуна эдилер. 6#Баш 18.12Бойлеликнен, Саре Ибраимни динълей эди ве онъа «эфендим» дей эди. Эгер сизлер яхшылыкъ япсанъыз ве ич бир шейден къоркъмасанъыз, сизлер Саренинъ къызлары олурсынъыз.

7 # Эф 5.25; Кол 3.19 Акъайлар, апайларынъызнен, олар зайыфча олгъаныны анълап, яшанъыз. Оларны урьмет этинъиз, чюнки олар да сизнен берабер эйи эбедий аятны мирас киби аладжакълар. О вакъытта дуваларынъызгъа ич бир шей кедер этмез.

Акъикъат ёлунда азаплар

8 # Рим 12.16 Сонъунда, сиз эпинъиз бир фикирде ве шефкъатлы олунъыз, бири-биринъизни агъа-къардаш киби севинъиз. Бири-биринъизге мераметлик ве алчакъгонъюллик косьтеринъиз. 9#Лев 19.18; Мт 5.44; Рим 12.14, 17; 1 Кор 4.12; 1 Тес 5.15Яманлыкъкъа яманлыкъ япманъыз, акъаретке акъаретнен джевап къайтарманъыз. Аксине, адамларгъа яхшылыкъ тиленъиз, чюнки яхшылыкъны мирас оларакъ алмакъ ичюн, Алла сизлерни шунъа чагъырды.

10– Ким бахтлы яшамагъа ве яхшы куньлерни корьмеге истесе,

тилини яман сёзден сакъласын,

агъзыны яландан къорчаласын,

11яманлыкътан юзь чевирсин, яхшылыкъ япсын,

тынчлыкъ-аманлыкъ къыдырсын ве онъа ынтылсын.

12 # Збр 33.13-17 Чюнки Раббининъ козьлери инсафлыларны коре,

Онынъ къулакълары оларнынъ дуваларыны эшите.

Яманлыкъ япкъанларгъа исе Рабби къаршыдыр.

13Эгер яхшылыкънынъ тарафдары олсанъыз, ким сизлерге яманлыкъ япаджакъ? 14#Еш 8.12; Мт 5.10; 1 Пётр 2.19-20; 4.14-16Лякин акъикъат ёлунда азап чексенъиз де, бахтлы олурсынъыз. Душманларынъыз къоркъкъан шейден къоркъманъыз, къалтыраманъыз. 15#Еш 8.13; Кол 4.6Юреклеринъизде Рабби Месихке айры ер беринъиз. Сизден умютинъиз акъкъында эр бир сорагъан адамгъа джевап бермеге эр вакъыт азыр олунъыз. 16#Лк 13.17; 1 Пётр 2.12Амма буны назикликнен ве сайгъынен япынъыз, виджданынъызны темизликте тутунъыз. О вакъыт Месихке иманнен яхшы яшайышынъызны яманлагъанлар озьлерининъ яман лафларындан утанаджакълар. 17#1 Пётр 2.20Яхшылыкъ япкъанлары ичюн Алланынъ истегинен азап чекмеге – яманлыкъ япкъанлары ичюн азап чекмектен яхшыдыр. 18#1 Пётр 2.21; 4.1; Еуд 9.26-28Месих де бир кере гуналарымыз ичюн азап чекти. Сизни Аллагъа якъынлаштырмакъ ичюн, инсафлы олгъан инсафсызлар ичюн къыйналды. Онынъ бедени ольдюрильди, Рухнынъ ярдымынен исе О, тирильди. 19#Баш 6.3-14; 7.17; 2 Пётр 2.5Рухнынъ ярдымынен О, барып, зинданда олгъан рухларгъа хабер берди. 20Бир заманда, Нух сандыкъны къураяткъан куньлерде, Алла сабырнен беклеген вакъытта, олар боюн эгмегенлер. О сандыкъта аз адам, яни секиз джан сувдан къуртулгъанлар. 21#Мк 16.16; 1 Пётр 1.3; Рим 6.4Шунъа сувгъа батырылып чыкъув ошай; о, шимди бизни Иса Месихнинъ тирилювинен къуртара. Онынъ манасы – беденни кирден темизлемек дегиль, Алладан темиз-пак видждан тилемектир#3.21 Я да «темиз виджданнен яшамагъа Аллагъа сёз бермектир».. 22#Збр 109.1; Мк 16.19; Лк 24.51; Фаал 1.9; Рим 8.34, 38; 1 Кор 15.24; Эф 1.21Месих исе кокке котерилип, шимди Алланынъ онъ тарафында олаята; Алла Онъа мелеклерни, акимиетлерни ве кучьлерни бойсундырды.

Currently Selected:

1 Пётр 3: CTB

Highlight

Copy

Compare