Popular Bible Verses from 1 Пётр 3

Share

Юреклеринъизде Рабби Месихке айры ер беринъиз. Сизден умютинъиз акъкъында эр бир сорагъан адамгъа джевап бермеге эр вакъыт азыр олунъыз. Амма буны назикликнен ве сайгъынен япынъыз, виджданынъызны темизликте тутунъыз. О вакъыт Месихке иманнен яхшы яшайышынъызны яманлагъанлар озьлерининъ яман лафларындан утанаджакълар.

Чюнки Раббининъ козьлери инсафлыларны коре, Онынъ къулакълары оларнынъ дуваларыны эшите. Яманлыкъ япкъанларгъа исе Рабби къаршыдыр.

Сизинъ дюльберлигинъиз орюльген сачлардан, такъылгъан алтынлардан, гузель урбалардан кельмесин, амма эбедий дюльберлигинъиз юрегинъизде сакълангъан юваш ве йымшакъ рух олсун. Алланынъ огюнде бунынъ къыймети буюк.

– Ким бахтлы яшамагъа ве яхшы куньлерни корьмеге истесе, тилини яман сёзден сакъласын, агъзыны яландан къорчаласын, яманлыкътан юзь чевирсин, яхшылыкъ япсын, тынчлыкъ-аманлыкъ къыдырсын ве онъа ынтылсын.

Сонъунда, сиз эпинъиз бир фикирде ве шефкъатлы олунъыз, бири-биринъизни агъа-къардаш киби севинъиз. Бири-биринъизге мераметлик ве алчакъгонъюллик косьтеринъиз. Яманлыкъкъа яманлыкъ япманъыз, акъаретке акъаретнен джевап къайтарманъыз. Аксине, адамларгъа яхшылыкъ тиленъиз, чюнки яхшылыкъны мирас оларакъ алмакъ ичюн, Алла сизлерни шунъа чагъырды.

Эгер яхшылыкънынъ тарафдары олсанъыз, ким сизлерге яманлыкъ япаджакъ?

яманлыкътан юзь чевирсин, яхшылыкъ япсын, тынчлыкъ-аманлыкъ къыдырсын ве онъа ынтылсын.

Яхшылыкъ япкъанлары ичюн Алланынъ истегинен азап чекмеге – яманлыкъ япкъанлары ичюн азап чекмектен яхшыдыр.