1 Коринтлилерге 2

Павелнинъ Коринтке эвельки келюви

1 # 1 Кор 1.18; 2 Кор 2.15 Дин къардашларым, мен сизге кельгенде, Алланынъ шаатлыгъыны бильдиргенде, буны лафкъа усталыкънен ве икметнен япмадым. 2#Гал 6.14Амма аранъызда олгъанда, мен Иса Месихтен ве Онынъ хачкъа мыхлангъанындан башкъа эр шейни унутмагъа къарар эттим. 3#2 Кор 11.30; 12.5; Гал 4.13Аранъызда олгъанда, мен къуветсиз эдим, къоркъудан къалтырай эдим. 4#1 Кор 4.20Акъыллы, къандыргъан сёзлернен огретмей эдим, лякин Рухнынъ къудретинен огрете эдим, 5#2 Кор 4.7; 6.7иманынъыз адамларнынъ акъылына дегиль, Алланынъ къудретине таянгъаныны истедим.

Алланынъ икмети

6 # Флп 3.15 Биз анълагъан адамлар арасында икметли сёзлерни айтамыз, амма бу икмет – дюньянынъ икмети дегиль, дюньядаки кечиджи акимлернинъ икмети де дегиль. 7#Кол 2.3Биз Алланынъ гизли ве сакълангъан икмети акъкъында айтамыз. Бизге шурет бермек ичюн, О, бу икметни дюнья яратылмаздан эвель азырлады. 8#Юх 7.48; Фаал 13.27Бу икметни дюнья акимлеринден ич бириси анъламады. Эгер оны анълагъан олсалар, шуретли Раббини хачкъа мыхламаз эдилер. 9#Еш 52.15; 64.4; 65.17Амма Языда язылгъаны киби олды:

Алла Оны севгенлерге козь корьмеген, къулакъ эшитмеген, адамнынъ юреги тюшюнмеген шейлерни азырлады.

10 # Мт 16.17; 1 Юх 2.20 Бизлерге исе Алла буны Озь Руху ярдымынен бильдирди. Рух бутюн шейлерни, атта Алланынъ терен тюшюнджелерини тешкерип бакъа. 11#Икм 20.27Адамнынъ тюшюнджелерини онынъ ичиндеки рухундан башкъа ич кимсе бильмей. Алланынъ тюшюнджелерини де Алланынъ Рухундан башкъа ич кимсе бильмей. 12#Рим 8.15Бизлер исе дюньянынъ рухуны дегиль, Алладан Рухны къабул эттик. Шунынъ ичюн Алла бизге бедава берген шейлерни билип анълаймыз. 13#Юх 6.45; 2 Кор 1.12Буны биз адамларнынъ акъыллы сёзлеринен дегиль, Рух огреткен сёзлернен бильдиремиз, Рухкъа толгъан адамларгъа рухий акъикъатны анълатамыз. 14#Юх 14.17; Рим 8.7Озю ичюн яшагъан адам Алланынъ Руху огреткен шейлерни къабул этип оламай. О, буларны акъылсызлыкъ деп сая ве оларны анъламай, чюнки оларны тек Алланынъ Руху ярдымынен анъламакъ мумкюн. 15Шунынъ ичюн Алланынъ Руху олгъан адам эр шейнинъ къыйметини кесмек мумкюн, рухсузларнынъ тарафындан исе онынъ къыймети кесильмез. 16#Еш 40.13; Рим 11.34Раббининъ акъылыны ич кимсе бильмез, ич кимсе Оны огретмез. Бизде исе Месихнинъ акъылы бар.

Currently Selected:

1 Коринтлилерге 2: CTB

Highlight

Copy

Compare