1 Коринтлилерге 1

Селямлашув

1Павел (Алланынъ истегинен Иса Месих мени эльчи олмагъа чагъырды) ве дин къардашымыз Сосфен –

2 # Фаал 18.1-17; Рим 1.7 Коринт шеэриндеки Алланынъ иманлылар джемиетине, Иса Месих ярдымынен эляллангъанларгъа, чагъырылгъан азизлерге ве эр ерде, эм сизде, эм бизде Раббимиз Иса Месихнинъ Адына инангъанларнынъ эписине:

3Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Миннетдарлыкъ дувасы

4Мен сиз ичюн Аллагъа токътамайып шукюрлер айтам, чюнки Иса Месих ярдымынен сизге Алланынъ эйилиги берильди 5#2 Кор 8.7; 9.11ве Онынъ ичюн Алла сизге Озь Сёзюни ачты ве чокъ бильги берди. 6Сиз Месих акъкъында эткен хаберимизге къатты иман эттинъиз, 7#Лк 17.30; 1 Тес 3.13; 4.16-18; Флп 3.20шунынъ ичюн сизде Алланынъ эр бир бахшышы бар ве сиз Раббимиз Иса Месихнинъ пейда оладжагъыны беклейсинъиз. 8#Флп 1.6О, сизинъ иманынъызны бутюнлей къавийлештиреджек, ве Раббимиз Иса Месих къайтаджакъ кунюнде сиз къабаатсыз олурсынъыз. 9#Юх 17.21; 1 Юх 1.3; 1 Тес 5.24; 2 Тес 3.3; Еуд 10.23Озь Огълуны, Раббимиз Иса Месихни якъындан бильмеге сизлерни чагъыргъан Алла ишанчлыдыр.

Иманлылар джемиетининъ болюнюви

10 # 1 Кор 11.18 Дин къардашларым, Раббимиз Иса Месихнинъ Адынен сизлерге ялварам, эпинъиз разылыкънен яшанъыз. Аранъызда къавгъаларгъа ёл берменъиз, амма акъылларынъызда ве фикирлеринъизде бир олунъыз.

11 # 1 Кор 3.3 Агъа-къардашларым, сизинъ аранъызда къавгъалар олгъаны акъкъында манъа Хлоининъ эвдекилери хабер этти. 12#Юх 1.42; Фаал 18.24; 19.1; 1 Кор 3.4-5; 4.6; 6.12; Тит 3.13Аранъызда: «Мен Павелнинъ издеши», «Мен Аполлоснынъ», «Мен Кифанынъ», «Мен Месихнинъ», – деген лафлар бар. Мен шуны айтмагъа истейим: 13#Эф 4.4-5Месих болюндими? Я да сизлер ичюн Павелни хачкъа мыхладылармы? Бельки сизлер Павелнинъ адына сувгъа батырылып чыкъарылгъандырсыз? 14#Фаал 18.8; Рим 16.23Аллагъа шукюр, мен Крисп ве Гайдан гъайры сизлерден ич кимсени сувгъа батырып чыкъармадым. 15Шунынънен ич кимсенъиз меним адыма сувгъа батырылып чыкъкъаныны айтып оламазсыз. 16#1 Кор 16.15Мен Стефанаснынъ эвдекилерини де сувгъа батырып чыкъардым. Бундан башкъа кимни сувгъа батырып чыкъаргъанымны бильмейим. 17#2 Кор 10.10Месих мени сувгъа батырып чыкъармагъа дегиль, Къуванчлы Хаберни даркъатмагъа ёллады. Месихнинъ хачы бош шей олмасын деп, мен буны акъыллы лафларнынъ ярдымынен япмайым.

Дюньянынъ «икмети» ве хачнынъ «акъылсызлыгъы»

18 # Рим 1.16; 1 Кор 2.1; 2 Кор 2.15 Гъайып олаяткъанлар ичюн хач акъкъындаки хабер акъылсызлыкътыр. Амма къуртулышны алаяткъан бизге бу хабер – Алланынъ къудретидир. 19#Еш 29.14Бойле язылгъан:

«Акъыллыларнынъ икметини ёкъ этерим,

анълагъан адамларнынъ анълавыны четке ташларым».

20 # Икм 21.30; Еш 44.25; Рим 1.22; 1 Кор 3.19 Акъыллы адам къайда? Къанун оджасы къайда? Бу дюньянынъ алими къайда? Алла дюньянынъ икметини акъылсызлыкъкъа айландырмадымы? 21Алланынъ истегине коре, дюнья озь акъылынен Оны анълап оламады, ве шунынъ ичюн Алла имангъа кельген адамларны «акъылсыз» хабер ярдымынен къуртармагъа къарар этти. 22#Мт 12.38; Мк 8.11; Юх 2.18; 4.48; 6.30Еудийлер аджайип шейлерни истейлер, юнанлар икметни къыдыралар. 23#Гал 5.11Биз исе хачкъа мыхлангъан Месих акъкъында хаберни даркъатамыз. Шу хабер еудийлерни ёлдан ура, юнанлар ичюн исе о, акъылсызлыкътыр. 24#1 Кор 2.7; Кол 2.3Амма Алла чагъыргъанлар ичюн, эм еудийлер, эм юнанлар ичюн Месих – Алланынъ къудрети ве Алланынъ икметидир. 25Алланынъ «акъылсызлыгъы» адамларнынъ акъылындан устюндир, Алланынъ «къуветсизлиги» адамларнынъ къуветинден кучьлюдир.

26Агъа-къардашлар, тюшюнинъиз, Алла сизни чагъыргъан вакъытта сиз насыл адамлар эдинъиз? Аранъызда инсан ольчюсине коре акъыллы олгъанлар чокъ дегиль, къуветли олгъанлар чокъ дегиль, мырза олгъанлар да чокъ дегиль. 27Лякин Алла дюньянынъ акъылсызларыны сайлап, акъыллыларны масхара этти, дюньянынъ къуветсизлерини сайлап, къуветлилерни масхара этти. 28#Якъ 2.5Эм де дюньянынъ урьметсиз, хор ве эмиетсиз шейлерини сайлап, эмиетли шейлерни четке ташлады, 29#Рим 3.27; Эф 2.9ич кимсе Алланынъ огюнде макътанмасын. 30#Эф 1.7; Флп 3.9Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды. 31#Йрм 9.24; 2 Кор 10.17Бойлеликнен, язылгъанына коре, макътангъан адам Раббинен макътансын.

Currently Selected:

1 Коринтлилерге 1: CTB

Highlight

Copy

Compare