1 Коринтлилерге 11

1 # 1 Кор 4.16; 1 Тес 1.6; 2 Тес 3.7 Мен арекетлеримде Месихке ошамагъа тырышкъаным киби, сиз де арекетлеринъизде манъа ошанъыз.

Апайларнынъ башы къапатылмасы акъкъында

2Сизлер мени эр вакъыт хатырлагъанынъыз ичюн ве мен берген огретювимни туткъанынъыз ичюн сизлерни макътайым. 3#Баш 3.16; Юх 14.28; 1 Кор 15.24; Эф 1.22; 4.15; 5.23Шуны бильгенинъизни де истейим: эр бир акъайнынъ башлыгъы – Месих, апайнынъ башлыгъы – онынъ акъайы, Месихнинъ башлыгъы исе – Алладыр. 4Башыны къапатып дува окъугъан я да пейгъамберлик япкъан эр бир акъай озь Башлыгъыны масхара эте. 5#4 Пад 22.14; Лк 2.36; Фаал 21.9Амма башыны къапатмайып дува окъугъан я да пейгъамберлик япкъан эр бир апай озь башлыгъыны масхара эте. Бойле къадын башы тыраш этильген къадынгъа тенъ. 6#Текр 21.12Эгер къадын башыны къапатмагъа истемесе, сачларыны кессин. Амма къадынгъа сачларыны кесмек я да тыраш этмек айып олса, башыны къапатсын. 7#Баш 1.26Акъайгъа башыны япмагъа керекмей, чюнки о, Алланынъ образы ве шуретидир. Апай исе – акъайнынъ шурети. 8#Баш 2.21-23Чюнки акъай апайдан дегиль, апай акъайдан яратылгъан. 9#Баш 2.18Ве акъай апай ичюн дегиль, апай исе акъай ичюн яратылгъан. 10Шунынъ ичюн, мелеклер себебинден, апайнынъ башында устюндеки акимлик алямети олмакъ керек.

11 # Гал 3.28 Не де олса, Раббининъ халкъында не апай акъайындан, не акъай апайындан азат дегиль. 12Апай акъайдан яратылгъан эди, амма акъай апайдан дюньягъа келе. Эр шей исе – Алладандыр.

13Озьлеринъиз тюшюнип бакъынъыз: къадын башыны къапатмайып, Аллагъа дува окъугъаны догърумы? 14Табиатнынъ озю сизни огрете: акъай сачларыны осьтюрсе, бу онъа урьметсизликтир, 15#Сай 5.18амма къадын сачларыны осьтюрсе, бу о ичюн шуреттир, чюнки сач онъа баш къапламакъ ичюн берильген. 16Эгер бир кимсе бу акъта тартышмагъа истесе, бильсин ки, бизде де, Алланынъ ич бир джемиетинде де бойле адет ёкъ.

Раббининъ софрасы акъкъында

17Энди сизге буны буюргъанымда, сизлерни шу акъта макътамайым: сизинъ топлашкъанларынъыз яхшылыкъ дегиль, зарар кетирелер. 18#1 Кор 1.10-12Биринджиден, иманлылар джемиети топлашкъанда, аранъызда къавгъалар олгъаныны эшитем ве бунъа, азчыкъ олса да, инанам. 19#1 Юх 2.19Аранъызда тюрлю фикирлер олмакъ керек, ве вакъыт оларны сынап косьтереджек.

20Сизлер бир ерде аш ашамагъа топлангъанда, бойле ашкъа «Раббининъ акъшамлыкъ софрасы» айтмагъа олмаз. 21Эр ким башкъаларны беклемейип, озь ашыны ашай. Шунынъ ичюн бири ач къала, башкъасы исе сархош ола. 22#Икм 17.5Ашамакъ ве ичмек ичюн сизинъ эвлеринъиз ёкъмы? Я да Алланынъ джемиетине сайгъысызлыкъ косьтересизми, ёкъсулларны ашалайсызмы? Сизлерге не айтайым? Сизлерни макътайыммы? Ёкъ, бу акъта сизлерни макътамам.

23 # Гал 1.12 Мен Раббининъ Озюнден алгъан ве сизлерге эткен хабер бойле: Рабби Иса хаинликнен сатылмаздан эвель, геджеде отьмекни алды, 24#Лк 22.19шукюр этип, оны парчалады ве: «Бу – сизлер ичюн берильген Меним беденимдир. Акълынъызда Мени тутып, отьмекни ашанъыз», – деди. 25#Лк 22.20Эм де акъшам ашындан сонъ къадени алып: «Бу къаде – къанымнен кучьке кирген янъы васиеттир. Ондан эр кере ичкенинъизде, акълынъызда Мени тутып, ичинъиз», – деди. 26Сизлер бу отьмекни эр кере ашагъанынъызда ве бу къадеден ичкенинъизде, Раббининъ келеджегине къадар Онынъ олюмини илян этесинъиз.

27 # Юх 6.53-56 Демек, ким ляйыкъ олмагъан ёлда бу отьмекни ашаса я да Раббининъ къадесинден ичсе, Раббининъ бедени ве къаны огюнде къабаатлы оладжакъ. 28Шунынъ ичюн адам озь-озюни сынасын, ондан сонъ отьмектен ашасын ве къадеден ичсин. 29Ким ляйыкъ олмагъан ёлда ашаса ве ичсе, Раббининъ беденини урьмет этмейип, озюни ашагъанынен ве ичкенинен суд эте. 30Шу себептен чокъунъыз зайыф ве хаста оласынъыз, ольгенлер де аз дегиль. 31Эгер озь-озюмизни догъру суд эткен олсакъ, Алла бизни суд этмез эди. 32#Икм 3.12Бизни дюньянен берабер суд этмесин деп, Рабби бизни шимди суд этип, бизге джезамызны бере.

33Бойлеликнен, дин къардашларым, акъшамлыкъ софрасына топлангъанынъызда, бири-биринъизни бекленъиз. 34Эгер бир адам ач олса, озь эвинде ашасын. О вакъыт сизинъ топлашкъанынъыз суд этильмейджек.

Мен сизге баргъанда, къалгъан меселелер акъкъында лаф этерим.

Currently Selected:

1 Коринтлилерге 11: CTB

Highlight

Copy

Compare