1 Коринтлилерге 10

Путперестликтен сакъынынъыз

1 # Чыкъ 13.21; 14.22 Дин къардашлар, сизлер бу шейден хаберсиз къалгъанынъызны истемейим: бабаларымызнынъ эписи булут астында юре эдилер, ве эписи Къызыл денъизден кечтилер. 2Оларнынъ эписи, денъизден кечип ве булутнынъ астында юрип, санки Мусанен бирлештилер. 3#Чыкъ 16.15, 35; Текр 8.3Олар эписи бир рухий ашны ашай эдилер. 4Эписи бир рухий ичимликни иче эдилер, оларнен берабер баргъан рухий къаядан сув иче эдилер. О къая исе Месих эди. 5#Сай 14.29, 36-37Амма Алла оларнынъ чокъусындан разы олмады, шунынъ ичюн олар сахрада гъайып олдылар.

6 # Сай 11.4-6; Збр 77.18 Оларнен олгъан шейлер бизге орьнек олды. Биз оларгъа ошамайыкъ, яман ишлерни япмагъа истемейик. 7#Чыкъ 32.6Оларнынъ базыларына ошап, путперест олманъыз. Олар акъкъында язылгъан ки, халкъ ашамакъ ве ичмек ичюн отурды, сонъ ойнамагъа турды. 8#Сай 25.1-9Ороспулыкъ япмайыкъ. Олардан базылары ороспулыкъ яптылар, ве бир куньде олардан йигирми учь бинъ адам ёкъ олды. 9#Сай 21.5-6; Збр 94.9Месихке сынав япмайыкъ. Олардан базылары Алланы сынадылар ве йыланлардан гъайып олдылар. 10#Сай 14.29-37Шикяет этменъиз. Олардан базылары шикяет эттилер, ве ёкъ этиджи оларны ольдюрди. 11#Рим 4.23Оларнен олгъан шейлер адамларгъа орьнек олды ве бизни, ахыр заманда яшагъанларны, огретмек ичюн язылды. 12#Рим 11.20-21Шунынъ ичюн, эгер бир адам аякьта къатты тургъанына ишанса, о, йыкъылмакътан сакъынсын. 13#Эюп 5.19; Збр 33.20; 2 Пётр 2.9; 1 Кор 1.9Башынъызгъа кельген сынавлар – адий инсаний сынавлардыр. Алла ишанчлыдыр, О, кучюнъизден зияде сынавгъа тюшмеге ёл бермез, амма сынав вакътында агъыр вазиеттен чыкъаргъан ёлны косьтерир.

14 # 1 Юх 5.21 Шунынъ ичюн, севимли къардашларым, путперестликтен къачынъыз! 15Мен сизлернен, акъыллы адамларнен киби, лаф этем. Айткъанымны озюнъиз тюшюнинъиз. 16#Мк 14.22-23; Юх 6.51; 1 Кор 11.23-26Биз топлашкъанда, шукюр къадесини алгъанда, Аллагъа шукюр этемиз ве бирликте Месихнинъ къаныны къабул этемиз. Отьмекни парчалагъанымызда, бирликте Месихнинъ беденини къабул этемиз. 17#Рим 12.5; 1 Кор 12.12-13; Эф 4.25Бир отьмек олгъаны киби, биз де чокъ олгъанымызгъа бакъмадан, бир беденмиз. Эпимиз бир отьмекни пайлашамыз.

18 # Лев 3.3; 7.15 Исраиль халкъына бакъынъыз: къурбанлыкъ этини ашагъан адамлар къурбан еринен бирлешелер. 19#Фаал 15.29; 1 Кор 8.4; Сыр 2.14Мен нени айтмагъа истейим? Путкъа багъышлангъан ашларнынъ бир эмиети бармы? Я да пут бир шей олып сайыламы? 20#Текр 32.17; Збр 105.37Ёкъ! Амма халкълар къурбанларыны кетиргенде, оларны Аллагъа дегиль, шейтанларгъа багъышлайлар. Сизлернинъ шейтанларнен араларынъыз олгъаныны истемейим. 21#2 Кор 6.15Сизлер эм Раббининъ къадесинден, эм шейтанларнынъ къадесинден ичип оламазсыз; эм Раббининъ софрасындан, эм шейтанларнынъ софрасындан ашларны пайлашып ашамагъа оламазсынъыз. 22#Текр 32.21; Джем 6.10Биз Раббининъ гъазабыны къозгъамагъа истеймизми? Я да биз Ондан къуветлимизми?

Эр бир шейни Алланынъ шуретине япынъыз

23 # 1 Кор 6.12 «Эр шейни япмакъ мумкюн», – дейсинъиз, амма эр шей файдалы дегиль. «Эр шейни япмакъ мумкюн», амма эр бир шей иманны къавийлештирмей. 24#1 Кор 13.5; Флп 2.21Эр ким озюнинъ дегиль, башкъасынынъ файдасыны къыдырсын.

25 # 1 Кор 8.7 Виджданынъыз раат олсун деп, базарда сатылгъан эр шейни суаль бермейип ашанъыз. 26#Збр 23.1Ер юзю ве онда яшагъанларнынъ эписи – РАББИнинъдир! 27#Лк 10.8Эгер Аллагъа инанмагъанлардан бири сизлерни озюнен ашамагъа чагъырса ве сиз бармагъа истесенъиз, виджданынъыз раат олсун деп, огюнъизге къоюлгъан эр бир шейни суаль бермейип ашанъыз. 28Амма насылдыр бир адам сизлерге: «Бу аш къурбан я да бахшыш оларакъ бир путкъа багъышлангъандыр», – десе, шуны бильдирген адамны ёлдан урмасын деп ве видждан раат олсун деп, буны ашаманъыз. 29«Видждан раат олсун» деп, озюмнинъ дегиль, башкъа адамнынъ виджданыны козьде тутам. Не ичюн башкъа адамнынъ виджданы меним азатлыгъымны суд этмек керек? 30#Рим 14.6Эгер мен Аллагъа шукюр этип аш ашасам, мен шукюр эткен ашлар ичюн мени яманламакъ керекмей.

31 # Кол 3.17 Бойлеликнен, ашайсызмы, ичесизми, башкъа бир шей япасызмы, эр шейни Алланы шуретлемек ичюн япынъыз. 32#1 Кор 8.13; Рим 14.13Не еудийлерни, не юнанларны, не иманлыларнынъ джемиетини ёлдан ургъан ич бир шей япманъыз. 33#1 Кор 9.22; 2 Кор 12.14Мен эр бир шейни, адамлар разы олсун деп, япмагъа тырышам. Озь файдамны къыдырмайым, лякин, олар къуртулсын деп, чокъусынынъ файдасыны къыдырам.

Currently Selected:

1 Коринтлилерге 10: CTB

Highlight

Copy

Compare