Kata Lom 1
1
Kasaafoo
1Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu. 2Hulimahu unhu Hásuumaahu, Ateemit lájowunjowum li kufulofetaku, min alob mata kasen ho, nan fiyowe, li Bakiicelabu Banabaabu. 3Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit. 4Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal. 5Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola. 6Bukuluul foof jumbuku ló li bukanabuku umbuku, bukuluul jan Ateemit ahooñumuu boot min jilako bukan kata Yéesu Kilisita.
7Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.
Fool li afañ min ajow ajukul kukelecenaku kata Lom
8Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi. 9Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul 10nanoonan li ul̥awawu wúmbaam feh. Ikatut foof kal̥aw mantee Ateemit afañumuu, li iyili ibaj bútin min ibil booluul. 11Li mal̥egenamu, lifañe ŋáa’ min ijukuul mantee Ateemit li ájowum lí ínje min asenuul káji kata Buyinumabu boot kalitenuul. 12Wahawu wan ifañumuu ilob, wo wommuu ibilumuu booluul, li uyiliyaal úwankulenoolumaal li káyinenaku kan ubajaalumuu foofolaal.
13Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila. 14Léetiseeti ijow ikaan bulokabu búmbaam li bukanabuku feh, li kásawuliisemuu li kásawuliisewutumuu, li kájallomuu li kahaasutumuu wahoowah. 15Wahawu unwu újimuu li ifañ foof min íŋaluluul Hulimahu Hásuumaahu, bukuluul jakinumuu li ésukayi yata Lom.
Sembaasu sata Hulimahu Hásuumaahu
16Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif. 17Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»
Butilaabu bata ál̥ahukowan
18Ateemit, haatiya emitayi láhiisummuu etindihuuñayi yajokoolumuu humum hata kátuulaatiyaku kan bukanabuku kútuulutoolumuu li kákaanikoo kanookan kooliil. Bakaanelabu bajakutumuu bata bukanabuku bújimuu ésukayi eyilaat ehaas mal̥egenamu. 19Wahawu wan bukanabuku kuyilimuu kuhaas mata Ateemit, usetiiset. Ateemit humumool láhiisiihiis wo set. 20Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu. 21Bukanabuku kuhaase Ateemit, bale kúluukeneliitool ban foof kúsaleliitool loon kooteenumuu kukaanool mata min áamimuu Ateemit. Bale li kulaañ kubaj uyinoo wasoŋete, ban li koono li élim humum hata uyinumawu wooliil wábaamomuu. 22Koonesoon buko bukan kájallowe koom, ban kuwewwel. 23Kúmaneneliit máyiineniyamu mata Ateemit áketeliitumuu, min buko kunaak kumanen kambu kata bukan kaketemuu, kata basuu, kata bánuukuleŋ li kata sinuukayila.
24Wahawu unwu újimuu Ateemit li akatiil bo li kákaanikoolaku kooliil, naboo li kásiibowaku kajakutumuu kata uyinumawu wooliil, min jíyiil li kunaak kukaan li bukoyiil wah wasuuneniye li siniilasu sooliil. 25Li kutiiben mal̥egenamu mata Ateemit li émalimiñ. Li kunaak kumanen ban li kusal wahawu wan Ateemit áwuwenumuu, min kukat bo Ateemit áwuwen womuu, ásooniyenimuu boot nanoonan. Aameen.
26Wahawu unwu újimuu Ateemit li akatiil bo min kubaj kásiibo kasuuneniye kata húfulo. Kanaalaabuku kooliil li kunaak kuhoy kuhinto li kúyiniil loon kaanemuu, min kunaak kuhinto li kufaaliil kanaale. 27Li manolamu, kánayinaabuku li kukat kahinto li kanaale loon kaanemuu, min kunaak kubaj kásiibo káamak kata kahinto li kufaaliil kánayine. Li kunaak kukaan li buko humumiil bakaane basuuneniye, min jíyiil Ateemit li atekiil katekaku kan kutookumuu min kubaj humum hata kákaanikoolaku kooliil. 28Emmuu bukanabuku kuyinoolut kahaas li mal̥egen Ateemit, wahawu unwu újimuu Ateemit li akatiil min kunab li uyinoolawu wooliil wacolutumuu, min kunaak kukaan wahawu wan kooteenutumuu kukaan. 29Li baj li buko bóono banooban bacolut, bújakaati, kásiibo wah kanookan kajakut, búl̥afut. Li kuyili batahaay li jamuk bukan, úmuy, bubuntoo li kákaanikoo kanookan. Anoowan li buko li ámal al̥oof afaalool. 30Li baj li buko kúloboo, ban li koono kulatoola kata Ateemit. Li kuwel utum, li kuteben ubandiil, ban li kunaak kusaloolo, ban li kuyili kajuul̥ bakaane bajakut. Kútuuleliit sibukoolayiil. 31Kutuukowut, ban kúkaaneliit wahawu wan kulobemuu, húbooli hulet li buko, ban kubajut káyiyen. 32Maayeet min kuhaasumuu koon Ateemit lansaan an akaanumuu wah loon muñowu latooke min aket, bale li kunaak kukaan wo ban li kukooŋen foof kakaane womuu.
Currently Selected:
Kata Lom 1: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Lom 1
1
Kasaafoo
1Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu. 2Hulimahu unhu Hásuumaahu, Ateemit lájowunjowum li kufulofetaku, min alob mata kasen ho, nan fiyowe, li Bakiicelabu Banabaabu. 3Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit. 4Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal. 5Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola. 6Bukuluul foof jumbuku ló li bukanabuku umbuku, bukuluul jan Ateemit ahooñumuu boot min jilako bukan kata Yéesu Kilisita.
7Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.
Fool li afañ min ajow ajukul kukelecenaku kata Lom
8Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi. 9Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul 10nanoonan li ul̥awawu wúmbaam feh. Ikatut foof kal̥aw mantee Ateemit afañumuu, li iyili ibaj bútin min ibil booluul. 11Li mal̥egenamu, lifañe ŋáa’ min ijukuul mantee Ateemit li ájowum lí ínje min asenuul káji kata Buyinumabu boot kalitenuul. 12Wahawu wan ifañumuu ilob, wo wommuu ibilumuu booluul, li uyiliyaal úwankulenoolumaal li káyinenaku kan ubajaalumuu foofolaal.
13Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila. 14Léetiseeti ijow ikaan bulokabu búmbaam li bukanabuku feh, li kásawuliisemuu li kásawuliisewutumuu, li kájallomuu li kahaasutumuu wahoowah. 15Wahawu unwu újimuu li ifañ foof min íŋaluluul Hulimahu Hásuumaahu, bukuluul jakinumuu li ésukayi yata Lom.
Sembaasu sata Hulimahu Hásuumaahu
16Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif. 17Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»
Butilaabu bata ál̥ahukowan
18Ateemit, haatiya emitayi láhiisummuu etindihuuñayi yajokoolumuu humum hata kátuulaatiyaku kan bukanabuku kútuulutoolumuu li kákaanikoo kanookan kooliil. Bakaanelabu bajakutumuu bata bukanabuku bújimuu ésukayi eyilaat ehaas mal̥egenamu. 19Wahawu wan bukanabuku kuyilimuu kuhaas mata Ateemit, usetiiset. Ateemit humumool láhiisiihiis wo set. 20Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu. 21Bukanabuku kuhaase Ateemit, bale kúluukeneliitool ban foof kúsaleliitool loon kooteenumuu kukaanool mata min áamimuu Ateemit. Bale li kulaañ kubaj uyinoo wasoŋete, ban li koono li élim humum hata uyinumawu wooliil wábaamomuu. 22Koonesoon buko bukan kájallowe koom, ban kuwewwel. 23Kúmaneneliit máyiineniyamu mata Ateemit áketeliitumuu, min buko kunaak kumanen kambu kata bukan kaketemuu, kata basuu, kata bánuukuleŋ li kata sinuukayila.
24Wahawu unwu újimuu Ateemit li akatiil bo li kákaanikoolaku kooliil, naboo li kásiibowaku kajakutumuu kata uyinumawu wooliil, min jíyiil li kunaak kukaan li bukoyiil wah wasuuneniye li siniilasu sooliil. 25Li kutiiben mal̥egenamu mata Ateemit li émalimiñ. Li kunaak kumanen ban li kusal wahawu wan Ateemit áwuwenumuu, min kukat bo Ateemit áwuwen womuu, ásooniyenimuu boot nanoonan. Aameen.
26Wahawu unwu újimuu Ateemit li akatiil bo min kubaj kásiibo kasuuneniye kata húfulo. Kanaalaabuku kooliil li kunaak kuhoy kuhinto li kúyiniil loon kaanemuu, min kunaak kuhinto li kufaaliil kanaale. 27Li manolamu, kánayinaabuku li kukat kahinto li kanaale loon kaanemuu, min kunaak kubaj kásiibo káamak kata kahinto li kufaaliil kánayine. Li kunaak kukaan li buko humumiil bakaane basuuneniye, min jíyiil Ateemit li atekiil katekaku kan kutookumuu min kubaj humum hata kákaanikoolaku kooliil. 28Emmuu bukanabuku kuyinoolut kahaas li mal̥egen Ateemit, wahawu unwu újimuu Ateemit li akatiil min kunab li uyinoolawu wooliil wacolutumuu, min kunaak kukaan wahawu wan kooteenutumuu kukaan. 29Li baj li buko bóono banooban bacolut, bújakaati, kásiibo wah kanookan kajakut, búl̥afut. Li kuyili batahaay li jamuk bukan, úmuy, bubuntoo li kákaanikoo kanookan. Anoowan li buko li ámal al̥oof afaalool. 30Li baj li buko kúloboo, ban li koono kulatoola kata Ateemit. Li kuwel utum, li kuteben ubandiil, ban li kunaak kusaloolo, ban li kuyili kajuul̥ bakaane bajakut. Kútuuleliit sibukoolayiil. 31Kutuukowut, ban kúkaaneliit wahawu wan kulobemuu, húbooli hulet li buko, ban kubajut káyiyen. 32Maayeet min kuhaasumuu koon Ateemit lansaan an akaanumuu wah loon muñowu latooke min aket, bale li kunaak kukaan wo ban li kukooŋen foof kakaane womuu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.