Kata Lom Wahawu wáamimuu li eleetalayi
Wahawu wáamimuu li eleetalayi
Fool akiicumuu eleetalayi inye asuwif laam. Li etaamayi yata Siili labuki li ésukayi yata Taalus. Bale li ésukayi yata Yeelusalem lanke ban bo laliikene Bakiicelabu Banabaabu. Lahankenhanken to ŋáa’ li múkaaniinamu mata kusuwifaku. Fool lanaanaak álaamen ekelecenayi étinaalayi. Bale Amaaŋenawu Yéesu labiibil áfulool, ban li ahooñool min alako ayiiŋena ata Hulimahu hata Ateemit bata bukanabuku kaletumuu kusuwif. Li ajow awaale Hulimahu Hásuumaahu tin tameeŋe li Jáyiiyaju jata kata Lom.
Nan Fool akiicumuu eleetalayi inye, okila li ésukayi yata Koolent. Li kajaañaku kata 57 mantee foof 58 (Yéesu okila babukeli aban), no lakiic yomuu. Li afañeen min ajow kañaahoo li ésukayi yata Yeelusalem, li ésukayi foof yata Lom. Muñeˈe li akiic ekelecenayi yata ésukayi yata Lom min ahebiil aaniil fan aban li ajow boot booliil ajow aliikeniil Hulimahu hata Ateemit min aliteniil li káyinenaku kooliil.
Eleetalayi inye yan Fool akiicumuu ebaje ugeb úhaaji. Bugebabu bútinaalabu (Hútijahu 1 boot yok 8), Fool lakittenkitten ló Hulimahu Hásuumaahu aan, hákil Ateemit bukanabuku feh kuhoofoohoofoo. Oómi asuwif li ulako an alet asuwif, etindihuuñayi yata Ateemit inyu li awu (Hútijahu 1:18 boot yok 3:20). Bale eketayi yata Yéesu Kilisita abajutumuu kahoofoo kanookan, éjimuu uhoofoolawu woololaal li ubonketi min afakenolaal. Wahawu unwu újimuu, bukanabuku feh káyinenumuu li akila, Ateemit lajokiijok loon bukan kacole (Hútijahu 3:21 boot yok 5:21). Fool láhihhiis set kaanaku eluwaayi yata Ateemit ejaajak, bale ubajutaal sembe sata min ukaanaal loon elobumuu. Wahawu unwu újimuu, Ateemit li áboñul Buyinumabu Banabaabu boot kalambenolaal, ban li bukaanolaal ulakowaal bañiil bata Ateemit (Hútijahu 6 boot yok 8).
Li Hútijahu 9 boot yok 11, Fool lalollob ló ŋáa’ mata Kusuwifaku kasenutumuu buloŋiil Yéesu. Buko min kuhoyimuu Yéesu, bale Ateemit okila ahoyut bukanabuku koola.
Li Hútijahu 12:1 boot yok 15:13, Fool laliikenliiken ló ekelecenayi buu kommuu li kuloŋ hákil kaletumuu ekelecen, bájum li kahaas koon kusensen buloŋiil li mal̥egen Yéesu. Li húbanumahu hata eleetalayi, Fool li asaaf kameeŋe li kubukewool káami bomuu.
Currently Selected:
Kata Lom Wahawu wáamimuu li eleetalayi: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Lom Wahawu wáamimuu li eleetalayi
Wahawu wáamimuu li eleetalayi
Fool akiicumuu eleetalayi inye asuwif laam. Li etaamayi yata Siili labuki li ésukayi yata Taalus. Bale li ésukayi yata Yeelusalem lanke ban bo laliikene Bakiicelabu Banabaabu. Lahankenhanken to ŋáa’ li múkaaniinamu mata kusuwifaku. Fool lanaanaak álaamen ekelecenayi étinaalayi. Bale Amaaŋenawu Yéesu labiibil áfulool, ban li ahooñool min alako ayiiŋena ata Hulimahu hata Ateemit bata bukanabuku kaletumuu kusuwif. Li ajow awaale Hulimahu Hásuumaahu tin tameeŋe li Jáyiiyaju jata kata Lom.
Nan Fool akiicumuu eleetalayi inye, okila li ésukayi yata Koolent. Li kajaañaku kata 57 mantee foof 58 (Yéesu okila babukeli aban), no lakiic yomuu. Li afañeen min ajow kañaahoo li ésukayi yata Yeelusalem, li ésukayi foof yata Lom. Muñeˈe li akiic ekelecenayi yata ésukayi yata Lom min ahebiil aaniil fan aban li ajow boot booliil ajow aliikeniil Hulimahu hata Ateemit min aliteniil li káyinenaku kooliil.
Eleetalayi inye yan Fool akiicumuu ebaje ugeb úhaaji. Bugebabu bútinaalabu (Hútijahu 1 boot yok 8), Fool lakittenkitten ló Hulimahu Hásuumaahu aan, hákil Ateemit bukanabuku feh kuhoofoohoofoo. Oómi asuwif li ulako an alet asuwif, etindihuuñayi yata Ateemit inyu li awu (Hútijahu 1:18 boot yok 3:20). Bale eketayi yata Yéesu Kilisita abajutumuu kahoofoo kanookan, éjimuu uhoofoolawu woololaal li ubonketi min afakenolaal. Wahawu unwu újimuu, bukanabuku feh káyinenumuu li akila, Ateemit lajokiijok loon bukan kacole (Hútijahu 3:21 boot yok 5:21). Fool láhihhiis set kaanaku eluwaayi yata Ateemit ejaajak, bale ubajutaal sembe sata min ukaanaal loon elobumuu. Wahawu unwu újimuu, Ateemit li áboñul Buyinumabu Banabaabu boot kalambenolaal, ban li bukaanolaal ulakowaal bañiil bata Ateemit (Hútijahu 6 boot yok 8).
Li Hútijahu 9 boot yok 11, Fool lalollob ló ŋáa’ mata Kusuwifaku kasenutumuu buloŋiil Yéesu. Buko min kuhoyimuu Yéesu, bale Ateemit okila ahoyut bukanabuku koola.
Li Hútijahu 12:1 boot yok 15:13, Fool laliikenliiken ló ekelecenayi buu kommuu li kuloŋ hákil kaletumuu ekelecen, bájum li kahaas koon kusensen buloŋiil li mal̥egen Yéesu. Li húbanumahu hata eleetalayi, Fool li asaaf kameeŋe li kubukewool káami bomuu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.