Kata Lom 2
2
Batiibabu bata Ateemit
1Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu. 2Luhaasaale kaanaku batiibabu ban Ateemit atiibumuu bukanabuku kakaanemuu wahawu unwu, bunannab li mal̥egenamu. 3Awu jatiibemuu bukanabuku kakaanemuu wahawu unwu ban li unaak ukaan loon buko, waa, luyinooyinoo file loon awu fan ufak li batiibabu bata Ateemit? 4Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu? 5Min buyinumabu booli bul̥aal̥umuu ban ufañut min útiiwo uŋa’ buloŋ buwunkul, mó mújimuu li oono li káŋalul katek káamak boot li awu, káami li kubaji li hunakahu nan Ateemit ammuu li áhiis etindihuuñayi yoola li batiibabu boola bacolaabu. 6No unnu, lammuu li acaam anoowan wahawu wan akaanumuu. 7Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan. 8Bale Ateemit fan áhiis etindihuuñayi yoola li bal̥eetabu boola bukanabuku káhoogulewoolumuu, ban li kuhoy banab li mal̥egenamu min kunaak kunab li bakaanelabu bacolutumuu. 9Sílaam li buyina fan bulako li anoowan akaane majakut, kítum li kusuwifaku ban kit kaletumuu kusuwif. 10Bale Ateemit fan asen máyiineniyamu, kábinkenaku, li kásuumaayaku anoowan akaane majake, kítum li kusuwifaku ban kit kaletumuu kusuwif. 11Li mal̥egenamu, Ateemit ájukeleliit li buul.
12Bukanabuku feh kahoofoolemuu bahaasut eluwaayi yata Móyiis, fan kuket ban Ateemit let atiibumiil li eluwaayi inyu, bale bukanabuku kammuu li kuŋenaku kata eluwaayi yata Móyiis ban li kuhoofoo, Ateemit fan atiibumiil li yo. 13Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool. 14Nokoomuu loon bukan kalet kusuwif kahaasut eluwaayi yata Ateemit kuloŋe loon eluwaayi inyu elobumuu, nokoonokoo loon eluwaayi inyu káta láalayiil, maayeet min kite eenimuu let buko humumiil Ateemit asen yo. 15Fan kúhiisum to kaanaku bakaanelabu ban eluwaayi efañumuu, bukiicikiic li uyinumawu wooliil. Uyinumawu wooliil ulollob wahawu wanolawu, ban uyinoolawu wooliil li unaak wooniil nakee kukaanut jak, naanu li wooniil kukankaan jak. 16Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.
Kusuwifaku li kuhuusul eluwaayi
17Awu atebenoolowemuu mata min uhooñimuu asuwif, lusaloolowesaloolo mata min ommuu an ata Ateemit. 18Li utebenoolo mata min uhaasumuu waa Ateemit afañumuu, li min eluwaayi eliikenimuu kaman wahawu wajakumuu. 19Li utebenoolo foof mata min úyinenumuu li kabaneyi kaanaku awu an loom ájowetume bukan káfuume, kaanaku awu ommuu mawuŋaamu mata bukanabuku kammuu li élimayi. 20Li utebenoolo mata min ommuu aliikena ata bukan kahaasut wahoowah, anahaanawu ata bañiilabu, mata lúyinenyinen kaanaku eluwaayi esenimuu kahaasemiñaku, ban li ekaani min uhaas mal̥egenamu. 21Kama awu aliikenemuu kaabuku, wáa újiye let uliikenoolo awu humumi? Awu awaaleyemuu oon jakum an ákuwet, wáa újiye awu li unaak úkuwet? 22Awu aanemuu jakum an ahinto li an an kuyabowut, wáa újiye awu li unaak uhinto li an an jiyabowut? Awu afañutumuu ujuk úciinawu, wáa újiye li unaak ujow úkuwet wahawu wammuu li uyuntawu wata wo? 23Awu asaloolowemuu mata min ubajumuu eluwaayi, wáa újiye li unaak uhuusul yo min usuuwen Ateemit? 24Li mal̥egenamu, Bakiicelabu bonsoon: «Bukuluul kusuwifaku jíjimuu, bukanabuku kaletumuu kusuwif li kunaak kugel kajawaku kata Ateemit#2:24 Kulimaku unku li éliibalayi yata Esay 52:5 kúŋalumuli.»
25Li mal̥egen unaakumuu ukaan loon eluwaayi elobumuu, búkutabu#2:25 Búkut: Katey búkut kúhiisenumuu kaanaku Kusuwifaku bukan kata Ateemit koom ban uteyumuu fan bubaji jáliŋ, bale unaakutumuu ukaan loon eluwaayi elobumuu, maayeet min uteye búkut lunokoonokoo loon an ateyut búkut. 26Nokoomuu loon an ateyut búkut akaane loon eluwaayi elobumuu, waa, Ateemit let ajokool loon an ateye búkut? 27Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut. 28Li mal̥egenamu, let wahawu wajukeyimuu újiyemuu an li aani asuwif laam, let foof háakumahu hajukeyimuu li eniilayi hooneyimuu katey búkut. 29Asuwif ata mal̥egen, wahawu wayolomuu kata láalawool újimuu li aani asuwif laam. Katey búkut kata mal̥egen, ko kommuu kata buyinumabu, kabilummuu li Buyinumabu bata Ateemit, bale let kabilummuu li eluwaayi yakiicimuu. Asuwifawu ummu ata mal̥egen, let ábajum kasal li bukanabuku, bale fan ábajum kó li Ateemit.
Currently Selected:
Kata Lom 2: cskDBL
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Kata Lom 2
2
Batiibabu bata Ateemit
1Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu. 2Luhaasaale kaanaku batiibabu ban Ateemit atiibumuu bukanabuku kakaanemuu wahawu unwu, bunannab li mal̥egenamu. 3Awu jatiibemuu bukanabuku kakaanemuu wahawu unwu ban li unaak ukaan loon buko, waa, luyinooyinoo file loon awu fan ufak li batiibabu bata Ateemit? 4Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu? 5Min buyinumabu booli bul̥aal̥umuu ban ufañut min útiiwo uŋa’ buloŋ buwunkul, mó mújimuu li oono li káŋalul katek káamak boot li awu, káami li kubaji li hunakahu nan Ateemit ammuu li áhiis etindihuuñayi yoola li batiibabu boola bacolaabu. 6No unnu, lammuu li acaam anoowan wahawu wan akaanumuu. 7Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan. 8Bale Ateemit fan áhiis etindihuuñayi yoola li bal̥eetabu boola bukanabuku káhoogulewoolumuu, ban li kuhoy banab li mal̥egenamu min kunaak kunab li bakaanelabu bacolutumuu. 9Sílaam li buyina fan bulako li anoowan akaane majakut, kítum li kusuwifaku ban kit kaletumuu kusuwif. 10Bale Ateemit fan asen máyiineniyamu, kábinkenaku, li kásuumaayaku anoowan akaane majake, kítum li kusuwifaku ban kit kaletumuu kusuwif. 11Li mal̥egenamu, Ateemit ájukeleliit li buul.
12Bukanabuku feh kahoofoolemuu bahaasut eluwaayi yata Móyiis, fan kuket ban Ateemit let atiibumiil li eluwaayi inyu, bale bukanabuku kammuu li kuŋenaku kata eluwaayi yata Móyiis ban li kuhoofoo, Ateemit fan atiibumiil li yo. 13Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool. 14Nokoomuu loon bukan kalet kusuwif kahaasut eluwaayi yata Ateemit kuloŋe loon eluwaayi inyu elobumuu, nokoonokoo loon eluwaayi inyu káta láalayiil, maayeet min kite eenimuu let buko humumiil Ateemit asen yo. 15Fan kúhiisum to kaanaku bakaanelabu ban eluwaayi efañumuu, bukiicikiic li uyinumawu wooliil. Uyinumawu wooliil ulollob wahawu wanolawu, ban uyinoolawu wooliil li unaak wooniil nakee kukaanut jak, naanu li wooniil kukankaan jak. 16Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.
Kusuwifaku li kuhuusul eluwaayi
17Awu atebenoolowemuu mata min uhooñimuu asuwif, lusaloolowesaloolo mata min ommuu an ata Ateemit. 18Li utebenoolo mata min uhaasumuu waa Ateemit afañumuu, li min eluwaayi eliikenimuu kaman wahawu wajakumuu. 19Li utebenoolo foof mata min úyinenumuu li kabaneyi kaanaku awu an loom ájowetume bukan káfuume, kaanaku awu ommuu mawuŋaamu mata bukanabuku kammuu li élimayi. 20Li utebenoolo mata min ommuu aliikena ata bukan kahaasut wahoowah, anahaanawu ata bañiilabu, mata lúyinenyinen kaanaku eluwaayi esenimuu kahaasemiñaku, ban li ekaani min uhaas mal̥egenamu. 21Kama awu aliikenemuu kaabuku, wáa újiye let uliikenoolo awu humumi? Awu awaaleyemuu oon jakum an ákuwet, wáa újiye awu li unaak úkuwet? 22Awu aanemuu jakum an ahinto li an an kuyabowut, wáa újiye awu li unaak uhinto li an an jiyabowut? Awu afañutumuu ujuk úciinawu, wáa újiye li unaak ujow úkuwet wahawu wammuu li uyuntawu wata wo? 23Awu asaloolowemuu mata min ubajumuu eluwaayi, wáa újiye li unaak uhuusul yo min usuuwen Ateemit? 24Li mal̥egenamu, Bakiicelabu bonsoon: «Bukuluul kusuwifaku jíjimuu, bukanabuku kaletumuu kusuwif li kunaak kugel kajawaku kata Ateemit#2:24 Kulimaku unku li éliibalayi yata Esay 52:5 kúŋalumuli.»
25Li mal̥egen unaakumuu ukaan loon eluwaayi elobumuu, búkutabu#2:25 Búkut: Katey búkut kúhiisenumuu kaanaku Kusuwifaku bukan kata Ateemit koom ban uteyumuu fan bubaji jáliŋ, bale unaakutumuu ukaan loon eluwaayi elobumuu, maayeet min uteye búkut lunokoonokoo loon an ateyut búkut. 26Nokoomuu loon an ateyut búkut akaane loon eluwaayi elobumuu, waa, Ateemit let ajokool loon an ateye búkut? 27Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut. 28Li mal̥egenamu, let wahawu wajukeyimuu újiyemuu an li aani asuwif laam, let foof háakumahu hajukeyimuu li eniilayi hooneyimuu katey búkut. 29Asuwif ata mal̥egen, wahawu wayolomuu kata láalawool újimuu li aani asuwif laam. Katey búkut kata mal̥egen, ko kommuu kata buyinumabu, kabilummuu li Buyinumabu bata Ateemit, bale let kabilummuu li eluwaayi yakiicimuu. Asuwifawu ummu ata mal̥egen, let ábajum kasal li bukanabuku, bale fan ábajum kó li Ateemit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.