2 Tímote 3
3
Kunakaku kúsolaaku
1Uwayil̥o jak wahawu unwe: fan bil baj taŋ yásengiye ŋáa’ li kunakaku kúsolaaku. 2Bukanabuku fan kunaak kuyinoo mooliil bale, ban li kufañ sídalam. Fan kunaak kusaloolo ban li kutebenoolo. Fan kunaak kugel Ateemit, ban let kútuul sibukoolayiil. Let an akaaniil wah wajake li kusalool, ban let kuluuken wah wata Ateemit. 3Fan kútaañi, ban let kubaj káyiyen. Fan kunaak kúloboo bukan, ban li kunaak kukaan wah li sembe. Fan kúl̥afut ban let kufañ majake. 4Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit. 5Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku! 6Kukee li buko kunokenenoken li siluufasu, min kubunt kaalaabuku kan káyinenaku kooliil kulitutumuu ban li kumeeŋ uhoofoo, kakatemuu kásiibo kanookan min kubuutiil. 7Kanaalaabuku umbuku, kúmbuku min kuŋesemuu nanoonan min kuhaas mal̥egenamu, bale kuyilaat kuhaas mo maayeet tuf. 8Loon Janees buko li Jambulees kúhoogul nomuu Móyiis, mo foof bukanabuku umbuku kúhoogulemuu mal̥egenamu. Koonosoono bukan kaŋale uyinumawu wooliil kúluuŋ, ban káyinenaku kooliil kubajut jáliŋ. 9Bale let kujow lóyi, mata bukanabuku feh fan kuhaas busoŋetabu booliil, loon Janees buko li Jambulees kunokoo nomuu.
Kasaab kúbanum
10Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam; 11li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh. 12Fiimaa bukanabuku feh kafañumuu min kuloŋ buloŋ bata kátuul Ateemit li hujokoolahu hoololaal li Kilisita Yéesu, fan kúlaameniil. 13Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil. 14Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu. 15Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak. 16Bakiice banooban feh bukiicikiic li búlambenum bata Buyinumabu bata Ateemit, ban li bujak boot kaliiken mal̥egenamu, kajooŋulen, kacolen, li kaliiken bukan buloŋ bacole loon Ateemit afañumuu, 17mantee anawu ata Ateemit li alako li mal̥egen an atooke, ban li ajunko jak boot kakaan bulok banooban bajake.
Currently Selected:
2 Tímote 3: cskDBL
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Tímote 3
3
Kunakaku kúsolaaku
1Uwayil̥o jak wahawu unwe: fan bil baj taŋ yásengiye ŋáa’ li kunakaku kúsolaaku. 2Bukanabuku fan kunaak kuyinoo mooliil bale, ban li kufañ sídalam. Fan kunaak kusaloolo ban li kutebenoolo. Fan kunaak kugel Ateemit, ban let kútuul sibukoolayiil. Let an akaaniil wah wajake li kusalool, ban let kuluuken wah wata Ateemit. 3Fan kútaañi, ban let kubaj káyiyen. Fan kunaak kúloboo bukan, ban li kunaak kukaan wah li sembe. Fan kúl̥afut ban let kufañ majake. 4Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit. 5Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku! 6Kukee li buko kunokenenoken li siluufasu, min kubunt kaalaabuku kan káyinenaku kooliil kulitutumuu ban li kumeeŋ uhoofoo, kakatemuu kásiibo kanookan min kubuutiil. 7Kanaalaabuku umbuku, kúmbuku min kuŋesemuu nanoonan min kuhaas mal̥egenamu, bale kuyilaat kuhaas mo maayeet tuf. 8Loon Janees buko li Jambulees kúhoogul nomuu Móyiis, mo foof bukanabuku umbuku kúhoogulemuu mal̥egenamu. Koonosoono bukan kaŋale uyinumawu wooliil kúluuŋ, ban káyinenaku kooliil kubajut jáliŋ. 9Bale let kujow lóyi, mata bukanabuku feh fan kuhaas busoŋetabu booliil, loon Janees buko li Jambulees kunokoo nomuu.
Kasaab kúbanum
10Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam; 11li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh. 12Fiimaa bukanabuku feh kafañumuu min kuloŋ buloŋ bata kátuul Ateemit li hujokoolahu hoololaal li Kilisita Yéesu, fan kúlaameniil. 13Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil. 14Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu. 15Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak. 16Bakiice banooban feh bukiicikiic li búlambenum bata Buyinumabu bata Ateemit, ban li bujak boot kaliiken mal̥egenamu, kajooŋulen, kacolen, li kaliiken bukan buloŋ bacole loon Ateemit afañumuu, 17mantee anawu ata Ateemit li alako li mal̥egen an atooke, ban li ajunko jak boot kakaan bulok banooban bajake.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.