2 Tímote 2
2
Ulako asollaali abaaŋ ata Kilisita
1Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita. 2Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.
3Uláam sílaamasu sammuu sooli, loon asollaali abaaŋ ata Yéesu Kilisita. 4Asollaali aloŋe li saluwiis, afañumuu min akaan anahaanawu oola súum, let aloŋ loon an alet li saluwiis. 5Li kataj foof kata bacaam, ataja let ayab bacaamabu akila batajut loon tajemuu. 6Awañaawu alokumuu súf, akila ammuu ajand abaj joola li ecacayi. 7Uyinoo jak wahawu wan ilobimuu. Li mal̥egenamu, Amaaŋenawu fan akaani únaanum wahawu unwu feh.
8Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu. 9Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti. 10Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan. 11Kulimaku unke kulim kata mal̥egen:
Uketoolaamuu li Kilisita,
Fan úloŋumaal foof li akila,
12Utúkaalumuu lit,
fan bil uloŋaal li jáyiiyaju joola li akila ló,
Oonaalumuu uhaasutaalool,
Akila foof fan abil aan ahaasutolaal.
13Ulobaalumuu wah ban li úhoolowaal,
Akila áhoolowut,
Mata ayilaat alob aban li áhooguloolo akila humumool.
Aloka Ajake
14Uwayil̥en wahawu unwu bukanabuku feh, ban li ulobiil hákil Ateemit ooniil, jakum kúmuyum mata kulim. Umúyawu unwu ubajut jáliŋ yanooyan. Woonosoono to boot kakajen bukanabuku kajantene komuu. 15Ukankaanoo awu humumi mantee Ateemit li ajoki an acole, min ajoki loon aloka asuuwut bulokabu ban akaanemuu, awaaleˈe col hulimahu hata mal̥egenamu. 16Utey elobayi yameeŋaayi yabajutumuu jáliŋ, yákaaneliitumuu bukanabuku kútuul Ateemit. Li mal̥egenamu, kalobemuu silobasu unsu kuhaŋehaŋ máloyi Ateemit. 17Kulimaku kata bukanabuku umbuku kunokoonokoo li jisonta jahaŋene jinaak jiyinno bo. Li bukanabuku umbuku Himene buko li Filet kúmbuku ló. 18Kukaakat bo mal̥egenamu, min koon kayitowulaku li eketayi kubaje kuban. Muñowu kukaanumuu min kúhoolul káyinen kata bukan kameeŋe. 19Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»
20Li eluuf yáamak, inti wañawu feh waŋaleyimuu min goloo úkaanumi éwulus, baje wákaanumi ehaaliis, baje foof wayiji li wateefi. Wátinaalawu ukaanikaan to boot li ugaanoo, waawu wo uŋaleyimuu min goloo hunakoohunak. 21An asikowumutumuu li wahawu unwu wajakutumuu wan ilobuulumuu mata wo, anawu fan anokoo li búgoloolumaabu bata éwulusayi. Lasenoolosenoolo Ateemit ammuu anahaanawu oola, ban li abaj jáliŋ li akila, min áami to boot kakaan wahoowah feh wajake. 22Utey kásiibowaku kata húfuletowahu. Uŋes macole, káyinen, húbooli, li kásuumaay li bukanabuku feh kahooñemuu kajawaku kata Amaaŋenawu li buyinum basete. 23Utey búwonnoolabu babajutumuu jáliŋ ban li busoŋet. Luhaase oon búŋaluleŋalul úmuy. 24Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu. 25Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu; 26min kubaj uyinum, ban li kufak li simbaalasu san Sayitaane aŋammuu min ajokiil akat to, ban li akaaniil kukaan loon okila humumool afañumuu.
Currently Selected:
2 Tímote 2: cskDBL
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Tímote 2
2
Ulako asollaali abaaŋ ata Kilisita
1Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita. 2Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.
3Uláam sílaamasu sammuu sooli, loon asollaali abaaŋ ata Yéesu Kilisita. 4Asollaali aloŋe li saluwiis, afañumuu min akaan anahaanawu oola súum, let aloŋ loon an alet li saluwiis. 5Li kataj foof kata bacaam, ataja let ayab bacaamabu akila batajut loon tajemuu. 6Awañaawu alokumuu súf, akila ammuu ajand abaj joola li ecacayi. 7Uyinoo jak wahawu wan ilobimuu. Li mal̥egenamu, Amaaŋenawu fan akaani únaanum wahawu unwu feh.
8Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu. 9Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti. 10Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan. 11Kulimaku unke kulim kata mal̥egen:
Uketoolaamuu li Kilisita,
Fan úloŋumaal foof li akila,
12Utúkaalumuu lit,
fan bil uloŋaal li jáyiiyaju joola li akila ló,
Oonaalumuu uhaasutaalool,
Akila foof fan abil aan ahaasutolaal.
13Ulobaalumuu wah ban li úhoolowaal,
Akila áhoolowut,
Mata ayilaat alob aban li áhooguloolo akila humumool.
Aloka Ajake
14Uwayil̥en wahawu unwu bukanabuku feh, ban li ulobiil hákil Ateemit ooniil, jakum kúmuyum mata kulim. Umúyawu unwu ubajut jáliŋ yanooyan. Woonosoono to boot kakajen bukanabuku kajantene komuu. 15Ukankaanoo awu humumi mantee Ateemit li ajoki an acole, min ajoki loon aloka asuuwut bulokabu ban akaanemuu, awaaleˈe col hulimahu hata mal̥egenamu. 16Utey elobayi yameeŋaayi yabajutumuu jáliŋ, yákaaneliitumuu bukanabuku kútuul Ateemit. Li mal̥egenamu, kalobemuu silobasu unsu kuhaŋehaŋ máloyi Ateemit. 17Kulimaku kata bukanabuku umbuku kunokoonokoo li jisonta jahaŋene jinaak jiyinno bo. Li bukanabuku umbuku Himene buko li Filet kúmbuku ló. 18Kukaakat bo mal̥egenamu, min koon kayitowulaku li eketayi kubaje kuban. Muñowu kukaanumuu min kúhoolul káyinen kata bukan kameeŋe. 19Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»
20Li eluuf yáamak, inti wañawu feh waŋaleyimuu min goloo úkaanumi éwulus, baje wákaanumi ehaaliis, baje foof wayiji li wateefi. Wátinaalawu ukaanikaan to boot li ugaanoo, waawu wo uŋaleyimuu min goloo hunakoohunak. 21An asikowumutumuu li wahawu unwu wajakutumuu wan ilobuulumuu mata wo, anawu fan anokoo li búgoloolumaabu bata éwulusayi. Lasenoolosenoolo Ateemit ammuu anahaanawu oola, ban li abaj jáliŋ li akila, min áami to boot kakaan wahoowah feh wajake. 22Utey kásiibowaku kata húfuletowahu. Uŋes macole, káyinen, húbooli, li kásuumaay li bukanabuku feh kahooñemuu kajawaku kata Amaaŋenawu li buyinum basete. 23Utey búwonnoolabu babajutumuu jáliŋ ban li busoŋet. Luhaase oon búŋaluleŋalul úmuy. 24Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu. 25Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu; 26min kubaj uyinum, ban li kufak li simbaalasu san Sayitaane aŋammuu min ajokiil akat to, ban li akaaniil kukaan loon okila humumool afañumuu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.