2 Tímote 4
4
Uwaale Hulimahu Hásuumaahu
1Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni: 2uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho. 3Mata fan bil líiŋ taŋ yakee nan bukanabuku kootutumuu kufañ kujanten baliikenelabu bata mal̥egen, bale fan kunab li kásiibowaku kooliil, ban li kúhooñul kuliikena kameeŋe kubil kúguutiil min kulobiil wahawu wan kufañumuu min kujam. 4Fan kuhoy kujanten mal̥egenamu, min kútiiwo kujanten ukoŋawu. 5Bale awu, jakum uwuuhen li wahoowah. Umúñ sílaamasu. Ukaan bulokabu bata awaaleya ata Hulimahu Hásuumaahu, ban li ukaan bulokabu feh ban Ateemit asenimuu kakaan.
6Injé, taŋayi nan emmuu isen buloŋom bulako kasila, éliiŋe eban. Taŋayi yata eketayi yúmbaam éliiŋe. 7Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam. 8Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.
Wahawu úbanumawu wan Fool alobumuu kakaan
9Ukaan manooman min ubil cab únabenulom. 10Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi. 11Lík balewool ammee lí ínje. Ulakomuu li ubil li úŋalul Maak, mata fan ájaliŋom ŋáa’ li bulokabu búmbaam. 12Ticik, liboñooboñ boot Efées. 13Ulakomuu li ubil, li úŋalulom hukaafaahu han íkatulomuu li ésukayi yata Tulowaas bata Kalifus, li síliibalasu foof, háŋum kubooñaku#4:13 Kubooñaku unku kubabbaj jáliŋ ŋáa’. Iyilo kulako síliibalasu sihaanasu sata Húfaalumahu Huhaanahu kata ubaŋawu wakiicimuu.
14Ahaañaawu Alekusandul lakaanonkaan wah wameeŋe wásengiyom. Amaaŋenawu ajow akaanool wahawu wan akila humumool akaanumuu. 15Awu humumi foof úkaanum moola, mata lacenceeŋ li kabane kulimaku kan áloli jiwaalemuu.
16Nan icahenoolomuu bútinaalabu li hutiibahu, anoowan alambenutom: bukanabuku feh kubetombet búsol. Ateemit ajow abonketiil. 17Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom! 18Amaaŋenawu fan afakenom foof li majakut manooman, ban fan akaanom inoken li Jáyiiyaju.
Kasaafoo kúbanum
19Usaafom Filisika buko li Akilaas, li butoŋabu foof bata Oneesifool. 20Elaas li ésukayi yata Koolent lálakowulo. Tolofim li ésukayi yata Milet líkatulool másomute. 21Ukaan manooman min ubil tówum taŋayi yata kutontaku éliiŋ. Obúlus buko li Fudans, Linus, Kúloojiya li kufaalolaal kaabuku feh, kusaafuli.
22 Amaaŋenawu ajow alako li awu. Kájiyaku kata Ateemit kujow kulako li bukuluul foofuul feh.
Currently Selected:
2 Tímote 4: cskDBL
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 Tímote 4
4
Uwaale Hulimahu Hásuumaahu
1Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni: 2uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho. 3Mata fan bil líiŋ taŋ yakee nan bukanabuku kootutumuu kufañ kujanten baliikenelabu bata mal̥egen, bale fan kunab li kásiibowaku kooliil, ban li kúhooñul kuliikena kameeŋe kubil kúguutiil min kulobiil wahawu wan kufañumuu min kujam. 4Fan kuhoy kujanten mal̥egenamu, min kútiiwo kujanten ukoŋawu. 5Bale awu, jakum uwuuhen li wahoowah. Umúñ sílaamasu. Ukaan bulokabu bata awaaleya ata Hulimahu Hásuumaahu, ban li ukaan bulokabu feh ban Ateemit asenimuu kakaan.
6Injé, taŋayi nan emmuu isen buloŋom bulako kasila, éliiŋe eban. Taŋayi yata eketayi yúmbaam éliiŋe. 7Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam. 8Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.
Wahawu úbanumawu wan Fool alobumuu kakaan
9Ukaan manooman min ubil cab únabenulom. 10Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi. 11Lík balewool ammee lí ínje. Ulakomuu li ubil li úŋalul Maak, mata fan ájaliŋom ŋáa’ li bulokabu búmbaam. 12Ticik, liboñooboñ boot Efées. 13Ulakomuu li ubil, li úŋalulom hukaafaahu han íkatulomuu li ésukayi yata Tulowaas bata Kalifus, li síliibalasu foof, háŋum kubooñaku#4:13 Kubooñaku unku kubabbaj jáliŋ ŋáa’. Iyilo kulako síliibalasu sihaanasu sata Húfaalumahu Huhaanahu kata ubaŋawu wakiicimuu.
14Ahaañaawu Alekusandul lakaanonkaan wah wameeŋe wásengiyom. Amaaŋenawu ajow akaanool wahawu wan akila humumool akaanumuu. 15Awu humumi foof úkaanum moola, mata lacenceeŋ li kabane kulimaku kan áloli jiwaalemuu.
16Nan icahenoolomuu bútinaalabu li hutiibahu, anoowan alambenutom: bukanabuku feh kubetombet búsol. Ateemit ajow abonketiil. 17Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom! 18Amaaŋenawu fan afakenom foof li majakut manooman, ban fan akaanom inoken li Jáyiiyaju.
Kasaafoo kúbanum
19Usaafom Filisika buko li Akilaas, li butoŋabu foof bata Oneesifool. 20Elaas li ésukayi yata Koolent lálakowulo. Tolofim li ésukayi yata Milet líkatulool másomute. 21Ukaan manooman min ubil tówum taŋayi yata kutontaku éliiŋ. Obúlus buko li Fudans, Linus, Kúloojiya li kufaalolaal kaabuku feh, kusaafuli.
22 Amaaŋenawu ajow alako li awu. Kájiyaku kata Ateemit kujow kulako li bukuluul foofuul feh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.