HAOKAPHOK 36
36
Esauwui Naotunbing
(1 Thot 1.34-37)
1Hi Esau (chiya, Edom) wui naotunbingna. 2#Hao 26.34; 28.9. Esauna Canaanlā khui: Hitpa Elonwui naongalāva̱ Adah, Hivpā Zibeonwui naomayara Anahwui naongalāva̱ Oholibamah, 3kala Nebaiothwui azarva̱, Ishmaelwui naongalāva̱ Basemath. 4Adahna Esauli Eliphaz pharāmi; Basemathna Reuelli pharai; 5kala Oholibamahna Jeush, Jalam, kala Corahli pharai. Athumhi Esauna Canaanli leilakha kapharāna.
6Chiwui thili Esauna apreiva̱ ngarā, naomayara ngarā, kala naongalāva̱ ngarā, awui shimkhur mibing, sei, sha̱kei, ana Canaanramli samkaphang lan saikora khuiphunglaga, agato Jacobwui eina ram khangateili vāhaowa. 7Kaja aniwui sha̱kei chungnā leikahaiwui vang anina kapam apam chili mapamrumpaithuwa. 8Chiwui vang Esauna Edomwui Seir phungrei ngaleili apanhaowa; Esau Edomna.
9Seir phungreili Edomnaobingwui avāva̱ Esauwui naotunbing hina. 10Hi Esauwui naomayara ngarāwui amingna: Esauwui preiva̱ Adahwui naomayara Eliphaz, Esauwui preiva̱ Basemathwui naomayara Reuel. 11Eliphazwui naomayara ngarā chi Teman, Omar, Zepho, Gatam, kala Kenaz athumna. 12(Timnana Esauwui naomayara Eliphazwui angashirva̱na; ana Eliphazli Amalek pharāmi). Athum hi Esauwui preiva̱ Adahna kapharā naomayara ngarāna.
13Hibing hina Reuelwui naomayara ngarāna: Nahath, Zerah, Shammah, kala Mizzah athumna. Hi Esau preiva̱ Basemathwui naomayara ngarāna. 14Esauwui preiva̱ Zibeonwui naomayara Anahwui naongalāva̱ Oholibamahwui naomayara ngarā: ana Jeush, Jalam kala Corahli pharai.
15Esauwui naomayara ngarāwui shangbing chi hina; Esauwui naomayara naochizai Eliphazwui naomayara khararbing chi Teman, Omar, Zepho, Kenaz, 16Corah, Gatam kala Amalek athum hina; Edom ngaleili Eliphaz shangwui wungva̱bingna, kala athum hi Adahwui naomayarabingna.
17Athum hi Esauwui naomayara Reuelwui naomayarabingna: khararabing chi Nahath, Zerah, Shammah, kala Mizzah hina; athum hi Edomwui ramli Reuelwui khararabing china; athum hi Esauwui preiva̱ Basemathwui naomayarabingna. 18Athum hi Esau preiva̱ Oholibamahwui naomayarabingna: khararbing chi Jeush, Jalam, kala Corahna; athum hi Esauwui preiva̱ Anahna kapharā khararbingna. 19Hibing hi Esau (chiya, Edom)wui naomayarabingna, kala athumwui khararabingna.
20 #
1 Thot 1.38-42. Ram chili kapāna Horpa Seirwui naomayarabingna: Lotan, Shobal, Zibeon, Anah, 21Dishon, Ezer, kala Dishan hina; Edom ngaleili khalei Seirwui naomayarabing Horwui khararabingna.
22Lotanwui naomayarabing chi Hori eina Hemanna; kala Lotanwui azarva̱ Timnana. 23Hibing hi Shobalwui naomayarabingna: Alvan, Manahath, Ebal, Shepho, kala Onam.
24Hi Zibeonwui naomayarabingna: Aiah eina Anah; avāva̱ Zibeonwui gadhābing homlakha lamhāngli ura̱-kasā phakakhui chi Anahna. 25Hi Anahwui naomayarabingna: Dishon kala Oholibamah Anahwui naongalāva̱. 26Hi Dishonwui naomayarabingna: Hemdan, Eshban, Ithran, kala Kheran hina. 27Hi Ezerwui naomayarabingna: Bilhan, Zaavan kala Akan. 28Hi Dishonwui naomayarabingna: Uz eina Aran. 29Athum hi Horbingwui khararabingna: khararabing chi Lotan, Shobal, Zibeon, Anah, 30Dishon, Ezer, kala Dishan hina; Seirwui ramli athum shangwui athishurda, athum hi Horbingwui khararabingna.
Edomwui Awungabing
(1 Thot 1.43-54)
31 #
1 Thot 1.43-53. Israelnaobingli awunga khipānakha mamungranglakha Edom ramli mungkasa awungabingna. 32Beorwui naomayara Belana Edomli mungsai, kala awui keinungli Dinhabah hoi. 33Bela thihaoda awui pamli Bozrahwui Zerahwui naomayara Jobabna munga. 34Jobab thihaida Teman ngaleiwui Hushamna awui pam khui. 35Husham thihaida Moab ngaleiwui Midianli khayuiya Bedadwui naomayara Hadadna munga kala awui keinung aming Avith hoi. 36Hadad thihaida awui pamli Masrekahwui Samlahna munga. 37Samlah thihaida awui pamli Euphratesli khalei Rehobothwui Shaulna munga. 38Shaul thihaida awui pamli Achborwui naomayara Baal-hananna munga. 39Achborwui naomayara Baal-hanan thihaida awui pamli Hadarna munga; kala awui keinungwui aming Pau hoi; Mezahabwui naongalāva̱ Matredwui naongalāva̱ Mehetabel chi apreiva̱wui mingna.
40Shimkhurwui kala apam apam athishurda Esauwui khararabingwui aming chi hina: khararabing chiya Timna, Alvah Jetheth, 41Oholibamah, Elah, Pinon, 42Kenaz, Teman, Mibzar, 43Magtiel, kala Iram hina; athumwui pamkhavai aming athishurda hi Edom (chiya, Esau, Edomwui avāva̱) wui khararabingna.
Currently Selected:
HAOKAPHOK 36: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.